لمجربات حبوب الروكتين ،، هل تنصحين فيه ؟ مجرد تصويت

يعطيكم العافية
بنات
هذا استطلاع مسويته عن حبوب الروكتين
بس بعرف رأيكم بالموضوع يعني مجرد تصويت واللي تحب تذكر تجربتها عادي
وشكرا

اب اب ،، معقولة محد مجربة

امبييييييييييييه حطيت رد شطوله وراح ودي ابجي بس بعيده

حبيبتي هالدوا قوي ولها اضرار جانبية واجد .. فيه ادوية لحب الشباب احسن منه وماتأثر مثل الدلاسين والديفرن جل

انا قريت عنه شكثر ودورت بالنت تجارب ناس بمنتديات انجليزيه وكلها ماكانت تشجع .. اغلبهم صار معاهم اكتئاب قوي وميل للانتحار .. وبعد يأثر على الكلى والكبد ويسبب جفاف مزمن بالأغشية حتى بعد ماتقطعين العلاج تصير البشرة جافه والعيون .. ويأثر على الشبكية ويسبب تشوه أجنه والمفروض ما يصير حمل حتى بعد ما تقطعين الكورس على الأقل ست أشهر

ولما يصرفونه لج بالحكومه يعطونج ورقة شطولها توقعينها انج عارفه شنو مضاره وموفقه .. انا مابي اخرعج بس هذا الصج .. بعض دكاترة الجلدية بالعيادات الخاصة همهم الربح ومايكونون صريحين بخصوص العلاج

عموما اذا تبين الدوا خذيه من جلدية الحكومة يصرفونه لانه سعره بالصيدليات برا فوق ال 25 .. ولازم متابعه طبيه اتذكر شفت بنات شكثر هابين فيه يشترونه من الصيدليه ويستعملونه بدون مايراجعون اطبا

وقبل ماتبدين الكورس يسوون لج تحاليل شاملة من بينها الـ lft مال وظايف الكبد تشييك

انتي مجربته ؟

اختي كانت بشرتها كلها حبوب تخرع وراجعت الحكومه وصج وقعت على ورقه اشطولها وقالوا لها مايصير تحمل الا بعد ست شهور بس الصراحه عدل بشرتها حيل

نسيت اقول. بس اختي تأخذهم تحت إشراف طبي يعني لازم يسوون لها تحلييل كل شهر علشان بس مادري حق شنو التحليل. المهم انه دكتورتها ما تصرفه لها الا بعد وماتشوف التحليل

تسلمين أم فيصل

انا مجربته والله أنصح فيه خليته من 3 سنين تقريبا والحمدلله افتكيت من الحبوب الي كانت مشوهة وجهي

حبيبتي هذا الدوا يستخدم حق الحبوب القويه مو الحبوب العاديه
انا درست صيدله وفاهمه شنو هالدوا
بالنسبه للأخت اللي قاعده اتقول عن الدراسات الاجنبيه واتستخدمي الديفرين وغيره

قبلها انا بقولج شي

اعرف وايد ناس مستخدمينه وفعلا اهوه لازم تاخذينه تحت اشراف طبي لمدة 6 اشهر وعقبها همن اب 6 اشهر مايصير يصير حمل
بس بتحسين بشرتج جنها بشرة بيبي وايد زين

انا اتكلم اذا فيج حبوب قويه ووايد

اما الحبوب الصغيره لا انصحج بادويا ثانيه اخف منه

توها رفيجتي خالصه الكورس مالها وبشرتها مشالله اتهبل
واختي توها باديه فيه
واختي الكبيره مستخدمته قبل جم سنه ووايد نفع معاها

انا اتكلم من ناحيه طبيه انا دارستها ابنفسي وشايفه النتيجه ابنفسي ومتابعة النتيجه معاهم
خاصه اختي كانت معانا بالبيت وشفت التغيير على بشرتها

ورفيجتي كل يوم اشوفها بالجامعه وهمن شفت التغيير الواضح على بشرتها

ومره كنت قاعده مع بنات وايد بالجامعه وقاعدين نسولف عن البشره انصدمت من بنات بشرتهم مشالله تبارك الرحمن اتهبل اللي لو تشوفين بشراتهم اتقولين هذيل من نوعية البنات اللي مايطلعهلهم حبوب والا يقولون انهم اغلبهم مستخدمين الوكتين بالثنويه واختفت الحبوب

شي ثاني خالتي مره عوده الحين تقريبا عمرها 40 لما كان عمره 18 تقريبا استخدمت نفس هالحبوب بس على ايام قبل كان اسمهم غير المهم لما كنت ادرس صيدله سألت واستفسرت عن هالحبوب ايام قبل هل اهمه نفسهم الروكتين اللي الحين ؟ وفعلا طلعو اهمه نفسهم
وعمتي لي يومج هذا ما قام يطلع فيها حبوب

بس بقولج شي للأمانه مو كل الناس اللي استخدمو الروكتين اختفت منهم الحبوب طول العمر في ناس استخدمو الروكتين وماشافو حبوب طول عمرهم وفي ناس استدخدموه ورجعتلهم الحبوب بعد 8 او 10 سنين وهذا دليل قاطع على انه الروكتين يروح تاثيره من الجسم بعد فتره من استخدامه وهذا رد على الاخت اللي تقول يبقى تاثيره بالجسم ويسبب جفاف مزمن

اعرف وايد استخدموه ما صارت فيهم هالاعراض مثل حالة الاكتئاب وامراض الكلى بس اهوه يسبب جفاف واعراض عاديه

انصح باستخدامه للحبوب القويه فقط واتمنى اني اكون فدتج

مشكورين بنات بس ياريت اللي جربته تصوت فوق

وينكم بنات شدعوة
نص الديرة مجربته

ليلحين 5 ينصحون
و 1 لا واعتقد أهيه مو مجربته بس قارية عنه

أنا مجربته وأنصح فيه إذا كانت الحبوب قوية وتحت اشراف طبي طبعا

الحمدلله اعراضه عادية جدا ما توصل لدرجة التهويل !!

يعني تحملي جفاف جم شهر وتمتعي ببشرة رووعة بإذن الله

طبعا الله الشافي والعلاج سبب للشفاء فاكثري من الدعاء والصدقة

اسأل الله العظيم أن يرزقك ما تتمنين ..

مشكورة مس ماث

نفس رايي عن تجربة