لما كنت صغيره اي نوع من الاطفال كنت؟؟؟

الطفل البريء ..

في البيت تلاقيه حبوووب وطبيعي 100 %
لكن في المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..

الطفل العنيد

يطبق نظام البيت بالع** .. يسوي اللي براسه ..
مايخاف من الماما او البابا .. لو قلت له هذا خطر لاتقربه .. عناد فيك يسويه ..
ياكثر مايضرب في طفولته .. ومع ذلك عنيد مايغير رايه ..

الطفل الحنّـان

يستخدم وسيلة الحنة لتلبية رغباته
له نغمه خاصه في البيت..
تلبى رغباته غصب عنك .. يعانون اهله من الصداع المستمر ..

الطفل المادي

هذا الطفل مايرد السلام الا ( بفلوس ) ..
تعامله مع اهل البيت .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل الفتّــان

تلاقي عند هذا النوع جميع اخبار البيت ..
يلاقي المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..

الطفل الدلوع

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..

الطفل العله

يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها ..

الطفل الداج

هذا الطفل مستحيل يجلس في البيت..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..

الطفل الملسون

يستانسون اهله على سوالفه .. فصيح جداً ..
ويلقط العبارات والمفردات بسرعة مذهله ..
يسبب احراج دائم لأهله .. يمكن يقول كلمة بالغلط للضيوف او الاقارب ..
يتميز احياناً بقلة الذووق والوقاحة اذا انفعل ..
لاينصح بأستفزازه ابداً ..

الطفل اللزقه

تلقاه مسنتر عند باب البيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
ياكثر ماينضرب .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..
احياناً يضطرون يطلعون من شباك البيت للهروب منه ..
ولكن للأسف يلاقونه بانتظارهم في السيارة ..ويسألهم ليش تأخرتوا عليّ ..

الطفل الهادي

هذا الطفل ماله صوت ابد .. وين ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله ..
لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..

الطفل القوي

اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم ..

ممكن اعرف انتم من اي نوع؟

أسأل أمي و اردلج خبر
أغلب الظن هادي ودلوع

الطفل اللزقه هههههههههههههههههههههههههههههههه
انا تقريبا هذا الطفل اكثر شي اموت بالهياته وانا صغيره ولا ازعل اذا راحوا ماخذوني شكو مكلوفين فيج وصج قبل تلاقيني بالسياره قبلهم
تسلمين سارا ديور

حياج الله نيو مام رديلنا خبر بسرعه

ههههههههههه عيل انا نوعي مو موجود

انا الطفل المجازف الشيطان

تصدقين انا نوعي مو موجود مع اللي حطيتيهم والله عاد انا كنت حبوبه وشيطانه ونزقه و كله اطق اليهال اذا ما اسمعوا كلامي و اهاوش اللي ما يعجبوني بس هم على شطانتي كانوا يحبوني وكنت مدلعه يعني شطانتي كانت حلوه

وي يا سويره خليتينا نطلع المستخبي و الله احراج

[QUOTE=سارا ديور][COLOR="Red"]

الطفل الهادي

هذا الطفل ماله صوت ابد .. وين ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله ..
لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..

كنت جدا هاديه زياده علي اللزوم وحساسه و رومانسيه من يوم اصغيره احب الهدور و الشموع و الاغاني الكلاسيك و القصص الرومانسيه … وللحين للاسف

اناا امي تقول كنتي عـــــله
ههههههههههههههههههههههههههههههه

اشوه امي مدحتني تقول وين ما حطج القاج

هههههههههههههههه عيل انتي مثلي تقريبا

مشكوره حبيبتي على المشاركه

[QUOTE=بنت الحزن]

عيل المفروض مو نكج بنت الحزن المفروض البنت الهاديه ههههههههه

هههههههههههههههههههههههههه عيل عليتي امج الله يهداج

ههههههههههههه زين ماضيج مشرف يعني

انا كنت الطفل الملسون..
وسبحان الله امي تقول عيالج طالعين عليج..مع اني لما كبرت صرت هادية وشخصيتى غيرررر..والعكس مو ملسونه..الا ما كول لساني…سبحان الله ما في شيء يقعد على حاله….

هههههههههههه
كاني كاني
انا الطفل الملسون + حنان

كنت احن لين اخذ اللي ابيه واذا ماخذيته واااااااااااي مايلومون الا نفسهم ماتبقى كلمه مو حافظتها الا اقولها لهم لين يجعموني واخذ اللي ابيه