|
|
قوه بنات كتبت قصه ولادتي وايدي طاحت وانمسحت كلها حساااافه الحين برجع اكتبها تستاهلون اول شي انا هذا ثالث ولاده لي وكل ولاده جربتها غير قصتها وتفاصيلها عن الثانيه المهم بفضل الله ولدت بتاريخ 3/6 عقب ماخلصت شهري كله ودخلت العاشر بيومين طبعا طول ما انا بالتاسع ماكو بوادر طلق كللللش ولاشي وكانت نفسيتي صفر زيرو لان ماكو بوادر ولاده عقب ماخلصت شهري بيوم مشيت بحديقه كيفان تقريبا ساعه الاربع ووداني ريلي فطاير شويخ كليت وشربت لبنهم هههه ورديت البيت وانا في قمة الاحباط ان للحين عقب هالمشي ماحسيت بشي ورحت نمت وعادي قعدت الصبح بدلت حق بنتي بتروح المدرسه ورديت نمت وقعدت الظهر لما وصلت وعقب غديت عيالي ورديت الظهر بنومهم يريحون نمت على السرير انا وعيالي وابوهم هالحجي الساعه ثنتين ونص وفجأه حسيت جنه شي انبط داخل بطني اخترعت قلت يمكن غازات او هوا داش فيني وقمت رحت الحمام وانتو بكرامه ولاملابسي كله متبلله ماي قلت هاذي علامات الولاده ابجري انبط الماي لكن مو بنفس هالطريقه وانتو بكرامه وانا امسح ولافي شي نزل لونه زيتي غامج نفس شكل الغطا بس ملمسه وشكله نفس الجيلي هاذي السداده مالت الرحم طاحت المهم سبحت ونشفت شعري والعوار خفيف حيييل بارد وزهبت جنطتي حطيت الناقص ورحت اسوي جنطة عيالي لان بوديهم عند اختي وزهبت ملابسهم الي يلبسونها حق المستشفى اذا زاروني مع الشوز والدلاق ووبنتي طلعت حتى شباصاتها لان خدامتي ماتعرف بهالسوالف كلش المهم نطرت زوجي على ماتسبح ولبس ورحنا ودينا عيالي عند اختي وطيران على مستشفى المواساة على الساعه 5 4 ونص شي جذي الله لايوريكم الزحمه الدائري الخامس كله واقف ياربي يوم احد والناس رادين من دواماتهم وين رايحه هالامه مادري وتعرفون الشارع كله يمشي على بيض وانا اتلوى من العوار بدا يزيد علي واسكت وارد اصرخ وابجي الناس موحاسين فيني فجوا الشارع بوصل المستشفى وطبعا حاشتنا زحمةاشارت البدع الي كلش ماله.داعي حاطينا ووصلت بطلعت الروح مستشفى المواساة وعلى طول صعدوني الدور الثاني طوارئ وانا احاتي شكثر الفحص لان بولدي جرحتني دكتوره مصريه بالفحص وعقب ماولدت يت اعتذرت المهم ولا الدكتوره هنديه اتهبل اتهبل نفسيتها عسل خذت مني معلومات وجذي وقالتلي بفحصج قلتلها ابي كمام اخاف تعوريني جان تقول هاذي غرفة طواري مافيها كمام وشوفي ايدي صغيره ماراح اعورج وايدها صج صغيره ونتفه انا اصلا اول ماقالتلي انا دكتوره على طول اشوف الايد عشان الفحص المهم فحصتني 4 سانتي بس تحبطت كل هالعوار والالم بس 4 وودني غرفه الولادة سوولي تخطيط وعطوني كمام اشمه استانست ولاتقولي هذا اوكسجين حق بيبي لان بيبي نايم وصج خفت وقمت اشم بالهالكمام والعوار يزيد ويروح ويرد قلتلها ابي كمام مابي اوكسجين جان تقول لا شمي حيل تقص علي تقولي حق بيبي لان موقاعد يتحرك وحطولي درب مغذي لاني رايحه الطبيب وانا موماكله شي من قبل فالياهل خامل ونايم يمكن اكثر من ساعه وانا اشم الاوكسجين وتحملت العوار عشان البيبي عقبها يتني دكتوره طوارى سوريه اتهبل عسل عسل جنه اسمها عنان طبعا اول مادشت طالعت ايدها ولا اشوا ايدها هم نتفه افحصتني وتقول 5 بسكل هالنطره توقعت فاتحه اكثر وادق على دكتوري حيان الاحمد وايي واذكره كان يتكلم بس مادري شيقول شكلهم عطوني كمام لان اسمعهم جني انا بوادي واهما بوادي ثاني وطبعا احس بعوار يروح ويرجع واشم بالهلكمام وبعدين دكتوري راح ورد عقبها لما صرت6 واسمعه يتكلم بس نسيت شنو قال اذكر ان قال يبيلها ساعه بعد المهم رجعلي لما صرت 7 وقعد معاي لين ولدت وطول الوقت الي موموجود عندي فيه قاعد يعطيهم تعليمات بالتلفون المهم ارفعوا ريولي حسيت اني خلاص بفتك حزة طلعت الراس وصارت الصجيه وحسيت بالدكتور لما فحصني قمت اصرررررخ ايده اتعور مادري وسعني مادري المهم واسمعه شدي ماشدي يله شدي. يقولي لاتصرخين اتضيعين مجهودج بالصراخ طبعا صراخي شايل الممر شيل امي وزوجي واقفين باخر الممر ويسمعوني وانا اصرخ المهم قالي ارتاحي شوي وردي شدي مره ثانيه اريح شوي ويقولي يله شدي واشد وماكو فايده ويقولي حاولي واريح وارد اشد وماكو بعد جم محاوله لله الحمد ولدت طلع الراس وقمت اصرخ من قمت راسي وبعدين حسيت بشي زلق ودافي هذا جسم الياهل واسمع بنتي تبجي تبجي واشوف شايلينها ودخل دكتور الاطفال يجيك عليها وعقبها ماااااااحسيت بشي كلللللللش بالوقت الي الدكتور يخيطني فيه نمت ماوعيت الا الساعه 10 والدرب معلق مادري شحاطين فيه وحطولي تحت ثلج تقول زين حق خياط وبعدين ودوني غرفتي خذيت الجونير ومومصدقه اني ولدت كلش وكل من يسأل ليش ماولدتي للحينج الخ من هالكلام الي يغث الحوامل وطبعا وانا اولد دعيت حق كل وحده موصيتني اني ادعيلها وموتنسون تدعون حق امكم وابوكم وانتو تطلقون والله اني نسيت نفسي بس قاعده بالطلق ادعي لامي وابوي الله يطول بعمرهم يارب وطبعا كل ولاده تختلف عن الثانيه انا ثالث ولاده حقي كل ولاده تختلف تفاصيلها عن الثانيه والمستشفى مايختلف عليه اثنين السسترات روووووعه روووووعه وعنايه ولابتسامه ماتفارقهم مويديده هالشغله عليهم مجربه هالمستشفى بعيالي كلهم وما افكر اغيره والسسترات الي بالولاده يحليلهم لبسهم بنفسجي استانست على لونهم لاني احب البنفسج والدكتور والله ماقصر امي تقول طووول عندج داخل عاد من باجر ياني الدكتور ويقولي بالخياط زدت الكمام ونمتي صج عقب طلعت الراس ماحسيت بشي والسهاله تيي من رب العالمين ومن دعواتكم الصادقه لربكم ان يسهل ولادتكم وسويت استقبالي لمده يوم واحد بس دزيت للاهل ورفيجاتي مسجات اول ماولدت ابغلهم ان الاستقبال باجر عشان الكل يتزهب والحمدالله الكل ياني وماقصر باستثاء جم وحده طبعا حطيت شاي وقهوه حلو القهوه عجييييييييب الكل استانس عليه وسالني من وينمن مس جوكليت عند المواساة وحطيت مع الشاي بسكوت اصغار غلفته وكاكاوي من باتشي وبثث وانا اليوم اترخص من المستشفى وارجع البيت طبعا هالمره بتنفس بشقتي بنتي مدرسه وولدي 3 سنين متعود على مكانه وجذي واكل النفاس امي ماتقصر اتسويلي اياه وشريت من الحواي الاعشاب الي اشربها وخذيت من ام خالد اللهوم وجاي القوري والمردود والله يسهل على كل حامل حملها ويرزق كل محرومه بالذريه الصالحه ويسر على حوامل التاسع ولادتهم واعذروني اني طولت عليكم
كنت بسوي سيرج هنيه عن الدكتور حيان وطلعتلي اول شي مشاركتج
الف الف مبروك
انا اراجع عنده واول مرة وكنت بسألج شلونه بالولادة وبجد كمامهم مو قوي؟؟؟
انا ابي كمام قوي ما ابي احس بشي خايفة مع انه هذا حملي الثاني
والاول كان بغير مشتشفى بس ماحسيت الا بالطلق ونمت بعدها
شوري علي معلومات اكثر عن الدكتور الله يجزيكي الخير
والحمدالله عالسلامه وتتربى بعزج ان شاء الله
الله يجعلها من الذريه الصالحة
الحمدلله علي السلامه
وتتربي بعزكم يارب
ويسهل علينا ان شااء الله
وتتربى بعزج ان شاء الله
وايد اندمجت معاج و خنقتني العبره
عاد تدرين انا بيوم ولادتج كان يايني طلق كاذب و كنت بالمستشفى حزت ولادتج
و آنا بعد أراجع عند دكتور حيان
حطيت نفسي مكانج و مادري اشفيني قمت أرجف
عسى الله يخليلج بنتج و يطرح فيها البركه و تشوفينها عروس
وتتربى بعزكم