|
|
أنا فتحت هالموضوع لأني قاعده اشوف الأسئله تكثر عن السراج المنير و من جميع النواحي
فـ بما أني معلمه بالسراج المنير حبيت أفتح موضوع أجاوب فيه على أسئلتكم و للمعلمات فقط لأني ابصراحه ما أعرف شي عن الشغل الإداري فـ ما أبي أفتي بشي ما أعرفه يا ليت يعذروني الإداريات
و حياكم
شنو التخصصات اللي يبونها؟
وشنو شروط التقديم؟
وساعات الدوام الرسمي؟
فعلا موضوع مفيد ومهم
عندي سؤال :
عندكم منهج تمشون عليه وتوجيه يدخل عليكم نفسنا ؟؟؟
بسأل
1- كم المعاش صج نفس معاش الأبلات في التربية ؟؟
2- العطلة صج نفسنا ؟؟
3- الدوام العصر فقط والصبح لتعليم الكبار ؟
4- شلون طريقة التحويل من التربية إلى الأوقاف ؟
انا تخصصي تربية بدنية وابي اتوظف عندكم متى ممكن اقدم يعني الحين عادي ؟
وهل يبي واسطة ؟
واذا ما كان عندي شهادة icdl شلون ؟
وهل المكان مريح يعني احسن واسهل من التدريس العادي ؟
|
المشاركة الأصلية كتبت بواسطة mi corazon
 كعادتج القبلة ماشالله معطاءة … يعطيج ألف عافيه حبوبه
|
مشكووووووووووووره يا قلبي و الله يعافيج
|
المشاركة الأصلية كتبت بواسطة ^^ ريان^^
انا اول وحده بسال
شنو التخصصات اللي يبونها؟ وشنو شروط التقديم؟ وساعات الدوام الرسمي؟ |
حياج الله ريان
أول شي التخصصات من الأولويه أببدى
الشريعه
التربيه تخصص تربيه أسلاميه
شهادات دار القرآن يعني اللي متخرجه من دار القرآن تصير مدرسه بس طبعا في فرق بالدرجه و بالمسمى و المعاش و يصير مسماها محفظة قرآن
التربية البدنيه
التربيه رياض أطفال و هالتخصص مطلوب معاه واسطه قويه
ثاني شي شروط التقديم
في 3 أختبارات
الأول تسميع للقرآن و حفظ 4 أجزاء للي تخصصها شريعه
و 3 أجزاء للي تخصصها تربيه
و جزء واحد للتربيه البدنيه + تجويد
اذا أجتزتي التسميع
في أختبار تحريري
جزء منه شرعي ( يعني أسئلة بالدين و الفقه و غزوات الرسول و غيره )
و جزء منه تربوي ( عن طرق التدريس )
و اذا اجتزتي هالشرطين تروحيين للمقابله الشخصيه و يكون فيها موجهين و موجهات و يسئلونج أسئله عاديه يشوفون شخصيتج فيها
و وقت الدوام من 4 العصر لي 7 و نص
أتمنى أفدتج
|
المشاركة الأصلية كتبت بواسطة *ضحاوي*
الله يعطيج العافيه على الموضوع
فعلا موضوع مفيد ومهم عندي سؤال : عندكم منهج تمشون عليه وتوجيه يدخل عليكم نفسنا ؟؟؟ |
الله يعافيج ضحاوي و حياج الله
بالنسبه للمناهج الله يسلمج
كل مرحله عندنا لها كتاب يضم كل المناهج
و بما انه أحنى ما نستقبل الا من ثالثه ابتدائي
فكتاب الصف الثالث أسمه ( الملتقى الأول)
و الرابع ( الملتقى الثاني )
الخامس ( الملتقى الثالث )
السادس ( الملتقى الرابع )
السابع ( الملتقى الخامس )
الثامن ( الملتقى السادس )
و المناهج الأبتدائي عندهم هالمواد :
القرآن الكريم
فقه
قصص و عبر
سراج الحياة
و تربيه بدنيه عملي ماكو لها قسم بالكتاب
و مناهج المتوسط عندهم هالمواد :
القرآن الكريم
التجويد
الفقه
السيره
سراج الحياه
و التربيه البدنيه هم مالها منهج بالكتاب بس عملي
و اذا تبين تشوفين المناهج كامله ادخلي على موقع وزارة لأوقاف اذارة السراج المنير و دخلي صوب المناهج اهما جزاهم الله خير منزلييين المقررات كلها على فولدر ويندز
بالنسبه للتوجيه أي عندنا موجهات و يدخلون علينا على حسب المعلمه يعني ابعطيج مثال
اذا دخلت الموجهه عل ى معلمه أ مره وحده بالكورس و شافتها أوكي و زينه ماتدخل عليها بعد ليما الكورس الثاني
و اذا دخلت الموجهه على معلمه ب و شافتها مو ذاك الزود أتم تخل عليها طول الكورس لين تشوفها تتعدل
و التقدير يكون 50% بإيد الناظره
و 50% بإيد الموجهه
ان شاء الله أكون أفدتج
|
المشاركة الأصلية كتبت بواسطة أبلة كويتية
يعطيج العافية حبيبتي
بسأل 1- كم المعاش صج نفس معاش الأبلات في التربية ؟؟ 2- العطلة صج نفسنا ؟؟ 3- الدوام العصر فقط والصبح لتعليم الكبار ؟ 4- شلون طريقة التحويل من التربية إلى الأوقاف ؟ |
الله يعافيج يا قلبي
المعاش نفس التربيه بالضبط و اخذيها مني أكيد
العطله نفس التربيه بالضبط
اي الدوام العصر بس و للأطفال و السراج ماكو صبح كلش
التحويل تراجعين فيه وزارتج و ديوان الخدمه
|
المشاركة الأصلية كتبت بواسطة شيرازية 85
اي والله خوش موضوع
انا تخصصي تربية بدنية وابي اتوظف عندكم متى ممكن اقدم يعني الحين عادي ؟ وهل يبي واسطة ؟ واذا ما كان عندي شهادة icdl شلون ؟ وهل المكان مريح يعني احسن واسهل من التدريس العادي ؟ |
هلا شيرازيه
اول شي اببشرج انه تخصص التربيه البدنيه مرغوب حيل بالسراج و عندنا نقص كبير من ناحية معلمات البدنيه
و بالنسبه للأختبارات تخصصج يعتبر الأهون لأنه تسميع جزء واحد و التحريري بما أنه تخصصج تربيه أتوقع مراح يكون صعب عليج و اهما بيعطونج كتابين تدرسينهم
و المقابله الشخصيه تعتمد على شخصيتج
و بعدين منو قالكم لازم شهادة ال icdl ؟؟ حبيبتي هالكلام مو صحيح الشهاده هذي مطلوبه من الإداريات فقط
و اذا المكان مريح او لأ هالشي يعتمد على نفسيتج يعني هل راح تتقبلين دوام العصر أو لأ و اهوا بالنسبه للتربيه مريح جدا
أنه نصابج يكون بالكثير 3 حصص بالأسبوع
و انتي صلي صلاة استخاره و شوفي بالأول
و أي سؤال بعد حاضرين للطيبين
القبله آنا قال لي يبون شهادة الآي سي دي إل
يعني قصده الاداريات ؟؟!!
|
المشاركة الأصلية كتبت بواسطة شيرازية 85
اي والله خوش موضوع
انا تخصصي تربية بدنية وابي اتوظف عندكم متى ممكن اقدم يعني الحين عادي ؟ وهل يبي واسطة ؟ واذا ما كان عندي شهادة icdl شلون ؟ وهل المكان مريح يعني احسن واسهل من التدريس العادي ؟ |
السراج المنير محتاجين مدرسات بدنية لانه عندنا مادة اسمها رياضة تربوية .
مرت اخوي توها داقة على الادارة قالت لهم تبون مدرسات فنية جان يقولون لا محتاجين بدنية .
راجعيهم وربي يوفقج
|
المشاركة الأصلية كتبت بواسطة mi corazon
موفقين بنات
القبله آنا قال لي يبون شهادة الآي سي دي إل يعني قصده الاداريات ؟؟!! |
حبيبتي أتوقع أكيد الإداريات
لأنه تو 3 مدرسات جايين عندنا ثنتين تعيين جديد و وحده نقل من التربيه و لاوحده فيهم عندها شهادة الـ icdl
عرفتي