|
|
انه تخرجت من الثانويه مقررات معدلي 3 نقاط ودرست بلجامعه كلية الاداب سنه و نص و ما كملت طلعت و بعدين سجلت بلهيئه العامه للتعليم التطبيقي و التدريب كلية التربيه الاساسيه تخصص رياض اطفال و بصراحه التخصص هاذا ما كنت ابيه ولاحابته بس قالو لي عندنا اكتفاء بكل التخصصات بس هالتخصص فيه نقص و درست كورس و الحين موقفه دراستي و ودي ادش معهد خاص لدورات الدبلوم لتخصص سكرتاريه وانه بلانجليزي اوكي و ابي من اصحاب الخبره يفيدوني شنو تنصحوني فيه و انه مو حابه ادرس 3 سنين و انه متزوجه و باجر نبي يهال و راح تصعب علي الامور و انه ساكنه بمنطقة هديه اللي تعرف معهد قريب من هلمنطقه تفيدني الله يجزاكم خير
ليش طلعتي من الاآداب
الكل يبيها انا بنت خااالي ما حصلتلها علشان ابوها رفضها ودخلت الشريعه
واحس حرااااام ما كملتي بالتربيه اساسيه حلووو تخصص رياض اطفال
انزين ليش ما تدخلين تجاري؟؟؟؟؟ بحولي وبينلقونه قريب بيودونه العارضيه شي جذي
انا بخصوص الجامعه ماكملت لأنه صارتلي ظروف وماقدرت أكمل وانا كان تخصصي أدب أنجليزي وماكان جدامي ألا التطبيقي بس مابي هتخصص وأنا مابي التجاري جان كملت بالكليه وحابه معهد سريع وخلص بسرعه ويكون دبلوم احسن
ومشكوره
وهم طلعتي من التطبيقي ، صدقيني ترا باجر راح تندمين الحين انتي مو حاسة بالشي هذا ، خاصة احنا
بزمن شهادتج اهي سلاحج ، حتى لو كان عندج ظروف جاان وقفتي قيدج كورس او سنة ورجعتي
ليش جذي سويتي .gif "Eh S(2)")
حرااااااااام عليج خليج بالتربيه الاساسيه الناس لامحصله الجامعه ولا التربيه وانتى تبين معهد الله يهداج
استخيري وفكرى زين ترى اقولها لج من واقع تجررررررررررربه اللى بتبقالج شهاتج وبس
انا اعرف وحده تصير لي ..
متزوجه وعندها 3 يهال ما شاء الله وقاعده تكمل بالتربية الاساسية ..
تدرس بس كورس صيفي لانها بغربه مع زوجها يدرس برا ..
اتيي بس بالصيف تدرس صيفي وتوقف قيدها ترجع تسافر مع ريلها ..
فضاغطه عمرها ومتحمله ..
صدقيني الشهاده بتفيدج باجر من ناحية الترقيات والراتب ..
لا تخلين الظروف عذر صيري انتي أقوى من الظروف
وتوكلي على الله ترى السنين بسرعه تمر
والله يوفقج حبوبه
انا مثلج كنت بالاداب و طلعت و دخلت نيوهورايزن احسن و اغلى معهد و خذيت دورة 9 شهور بالالاف و لما توظفت بالحكومة قالولي مانقبلها الا لما تمتحنين امتحان التطبيقي تصدقينها و فوقها ماراح تزيد معاشج و لا 100 فلس بتظلين على الدرجة السابعه و راتبج راتب ثنوي و فلوسج بتكونين قطيتيها بالهوى
والقطاع الخاص نفس الشي مايعترفون فيها لا تسمعين كلام المعاهد ترى يحطونلج الشمس بايد والقمر بايد جنه هالشهادة دكتوراه وهي بالنهايه بتكون دورة تدريبيه لا اكثر ولا اقل وماراح تزيد الراتب و لا ترفعج بالدرجة و لا شي
اذا مو مصدقتني سألي بنفسج بديوان الخدمة
وغيرهم انا قدمت بشركة و بنك و اثنينهم قالولي ماناخذ هالشهادة نوظفج عالثنوي عيل ليش قاطة هالفلوس؟
حبيبتي كملي دراستج باجر تتخرجين ان شاء الله دوامج يكون سهاله لان رياض الاطفال مبجر يهدونهم وعطلتج 3 شهور تقعدين مع عيالج و تسافرين و تسوين اللي تبينه
انا اختي تدرس بالتربيه و متزوجة و عندها ياهل و حامل بعد والحمدلله السنين تركض باقيلها سنه و تتخرج
حبيبتي هذا مستقبل لا تسوين خطوة تندمين عليها طول حياتج والحين الوظايف بالتفق باجر وين تحصلين وظيفه؟ خلج بمكانج طيعيني كاني انا الحين قاعدة ادفع الاف كل كورس بجامعه خاصة حق هالشهادة
اهم شي دراستج طيعيني والله مابيج تنقرصين
انسي سالفه الدورات والمعاهد وخلج بكليتج ترى الناس يتمنونها منوه
بس حــــــــــــــرررررررررررررررررررراااااام تخسرين بكالريوس و اذا عالوظيفه محد اشتغل بتخصصه بس اهم شي معاج بكالريوس فكري عدل
و استخيري ثم استخيري ثم استخيري ثم استخيري
و اذا مصره كيفج الله يوفقج للي فيه خير لج بس دوري على اي شي فيه كمبيوتر و انجليزي احسن
وي توني اشوف عن ريلج حاولي بكل اللي تقدرين عليه تغيرين رايه او تأثرين عليه كلمي امه او ابوه او احد من اهله اذا تمونين عليهم او اي شي ثاني ترى و الله الدنيا مافيها امان و الله يعينج
وحاولي تقنعين زوجج والله يوفقج حبيبتي ,,
يالله ما عليه حبيبتي الله يوفقج انشاء الله
بصراحة ما عندي فكرة بس اب لعيونج