لكل وحده ناويه اتسوي استقبال بالمستشفى

السلام عليكم بنات يمكن اغلبكم اعرف الي بكتبه بس حبيت افيد الباجي ولي عنده شي يبي ازيده حياه الله

تجهيزات الاستقبال :
الام:
بنات زهبو البخور و الرشوش الحلوه حق الغرفه بس ديرو بالكم خلوه بعيد عنكم اذا الغرفه فيها برتشن صكري و بخري المكان الثاني عشان جرحج و اخذي لج تراجي ذربه و مكياج خفيف مو رسمه عين كامله اطقونج عين يعني كريم اساس كحل و قلوز كفايه و بعد و انتي بالتاسع حاولي كل يوم او يومين سبحي و سوي شعرج عساس اتكونين زاهبه لي يالج الطلق و ديري بالج تسبحين بعد الولاده على طول انه قريت بكتاب الوالده تسبح ثالث يوم من ولادتها مو قبل
اول شي قمصانج لازم شي حلو وراقي و ناعم عندج عيد النصار و الحمرا مول و محلات انور و الطاهر تحتاجين اثنين حق المستشفى و الباجي اخذي اشياء عاديه حق البيت و تكرمين هم انعال ذرب و تلاقينه بنفس المحلات و اخذي معاج دهن عود حقج .
البيبي:
نصيحه من اختكم لا اتيبونه حق الاوادم كل من يمصع فيه الي يبي ايشوفه ابغرفة البيبي و اذا قالو ييبو قولي توهم ماخذينه و عقب ما يمشون الاوادم يبي حق القراب خالتج امج الخخخخ و خذيله بدله كامله ذربه حق التصوير مع الجيسه مالته
عندج كاكاو التقديم مع الاستاند عند الباب حق الاوادم لمه يطلعون في سلفرينيا و اروسا و غراوي و باتشي شغلهم حلو
اول شي اتقدمين العصير عندج عصاير جمعية عبدالله السالم او عالم المانجو و في ناس بالشتا اقدمون بدال العصير كبتشينو و نسكافيه
بعدها القهوه العربيه مع حلو القهوه من اوبرا و جنيفا و غراوي و سلفرينيا عجيب و واو هابين فيه بس احسه ثقيل
الشاي مع معجنات صغيره من امبرس و اوبرا و الدكان و هابين هل ايام بنواشف من امير الامراء و ايد نكهات عندهم و حلوين
الخدمه اغلب المستشفيات عندهم تطلبينها
الكفر مالج عندج كل لحظه بالمهلب و عندج دبنهامز و زارا و ترو فاليو و في مشاغل اتسوي بس للاسف ما اعرفهم
حق الحمام تكرمون اخذو افوط اصغار و علبه صابون سائل و ناشف
و نصيحه خواتي حددو وقت الزياره اذا خليتيها مفتوحه تتأذين و انتي محتاجه الراحه ووقت اترضعين الياهل يعني بالمسج حددي الصبح من ال 11 لي 1 و بعدين من ال5 لي 9 مثلاً
هذا الي في بالي و اذا ذكرت شي زياده اخبركم و اي استفسار انه حاظره و الله ايسهل عليكم يارب و قومكم بالسلامه و يرزق كل محرومه امين

كفيتي و وفيتي

الله يعطيج العافيه

و يخليلج فواز و تشوفينه معرس

حبيبتي مشكوره و الله اسهل عليج انشالله

مشكوورة خوش موضوع بيساعد الي ماعندها خبره

بس كملي كتبي شنو ياخذوون وياهم المستشفى

انا بطلت جنطتي من الثامن وخليتها بالغرفه كل ماتذكرت شي قطيتها بالجنطه

خوش موضوع مميز بصراحه

افاعليج من عيوني بس خل ارتب الموضوع و انزله

خوووووووش موضوع
بس جنه المعجنات و الشاي قبل الحلو و القهوة

ذكرت بعد بالنسبه لمواعين التقديم عندكم صفاة الغانم شغله حلو و سنتر بوينت شويخ و ترو فليو و في محل بسوق المبار كيه سوق البشوت بالسرداب ابيع اطقم استكانات و فناجين و مطاطير بعد عدة البخور و الرشوش كله طقم واحد و اسعاره مناسبه

صح كلامج الشاي فبل القهوه العربيه بس في ناس بدال العصير اوزعون نسكفيه و كابتشينو قبل و في ناس لأ اخلونه عقب الشاي و بدال القهوه العربيه

يزاج الله خير حبيبتي

بنات بالنسبه حق باقات الورد في ناس احطون باقه عوده بره عند باب الغرفه بس اذا بتحطين بلونات ماله داعي الورد و داخل الغرفه ممكن ثلاث باقات ثنتين اصغار يم السرير وو حده على الطاوله بنص الغرفه او الثنتيت اكونون عند الفاصل الي بين سريرج و القنفات على حسب تقسيمة الغرفه و ممكن بس بوكيه واحد بنص الغرفه على الطاوله

عليكم بالعافيه البنوته و مشكوره و كل البنات الي تفاعلو مع الموضوع انشالله تستفيدون منه

للرفع للافاده

حبيبتي مشكوره و الله اسهل عليج انشالله

موضوعج مفيد وحلو

مشكورة