لكل موظفة وحامل بالشهور الأخيرة

اسئلتي اهي :

1- انتي بأي شهر ؟؟

2- وين تشتغلين ؟ ولج خلق اتداومين ؟؟ ولا كله استئذانات وتأخير ومرضيات ؟

3- اذا دشيتي التاسع اتغيبين ولا تداومين ؟؟ وشنو موقف مسؤولج والموظفات اللي معاج من غيابج واستئذانج ؟

انا عن نفسي بنص الثامن .. ومدرسة .. وكله استئذانات والود ودي اشبكها مرضيات لين اولد بالسلامه بس خايفة على طالباتي وفشلة من المدرسات اللي معاي بالقسم

بس صج صج صج .. مالي خلق هالدوام ..

جان زين يقررون يعطون كل وحده حامل من بداية السابع اجازة نفس اجازة الوضع ويسمونها اجازة ثقل

..

بس اكيد ان بس ادش التاسع .. باخذ مرضيات لأن حدي تعبانه من هالتدريس

مع ان نصابي خفيف بس 4 حصص بالاسبوع .. لكن المشكله اذا اليوم كله فاظية .. وتكون حصتي بآخر اليوم .. على ماتيي حصتي الا انا امخلصه بطارياتي

ابي اسمع رايكم

هلا سارونه..

انا توني في بداية الثامن..

و حددددي مالي خلق الدوام ..

و هم بعد مدرسة…

الا بغيت اسالج انتي معطينج اربع حصص عشان حامل و تعبانه ولا الماده اللي ادرسينها طبيعتها جذي؟؟

اما عن الغياب و الاستذان..

فكنت اول الشهور الثاني و الثالث ماكنت بالمره اداوم لان كان معاي اجهاض منذر و طول الوقت ينزل علي دم..

عاد قبل جم يوم امحوليني مجلس طبي..

يخلونج تقولين لو امداومه احسن لي من اسالتهم البايخه

عاد كنت ناويه اخذ اجازات على اخر شهر بالذات بس الحين خلوني اتردد..

لا و البلوه ان بيطبقون نظام يديد من شهر واحد ان حتى لو اتغيبين بعذر طبي بيخصمون من معاشج!!!!

احنا بروح يالله انيمع فلس على فلس و مو اموفيه هالمره ابيقعدون يخصمون..

فديروا بالكم يا بنات

allah ehawen 3alekom enshallah

أما أنا إداريه وبنص الثامن

وحدي مالي خلق بس الحمدالله فيه ثنتين بالقسم ما يقصرون والباقي دوابير ومشاكل

بس بأذن الله من أدش التاسع مرضيات أصلا الحمدالله كله مرضيات برمضان ما قدرت أداوم الله يعينكم على التدريس

وين ناوين تولدوون بأذن الله

انا بالثامن وليما الحين ماخذه 36 يوم طبيه واشتغل بالمحكمه جبحه من مكان ومالي خلق الدوام بالمره ومقدمه على اجازة اول التاسع ليما اولد وافتك من الويوه الودره اللي معاي

والله انا بالسابع الحين بس بالثامن اخذ مرضيه اسبوع وترك والتاسع اخذه كلة مرضيات
واهم شي راحتج والا الدوام والشغل كل من يقدر يخلصة

ام طلال شكلج وايد اتحبيييييين دوامج هههههههههه

كلنا نفس الحاله و بالهوى سوا

الله يهون علينا ان شاء الله

بس اهم شي لا يحولونكم المجلس الطبي قطيعه يكفي النطرهبالساعات تلوع الجبد..

اي والله صاجه مس تايجر محد بيفيدج اهم شي راحتج

من قريت الموضوع امس قررت اليوم اني اغيب و فعلا عبت لوووووول كله منج سارونه ستايل

لا بس مو غايبه دلع..

المغص في بطني ذابحني ادعولي اطيب ان شاء الله

ام فروحه انا من كثر مااحب الدوام لو ظفري عورني طقيتها طبيه خليهم يولون الزم ماعليّ نفسي

هلا بنات اشلونكم

اشلونج يا قلبي ام فروحه شخبارج حبيبتي

انا بالتاسع واستحي اغيب مع اني تقريبا غايبه 20 يوم

بس والله استحي ما ادري ليش

مع ان معاي هبوط قوي

ووحم ما يخلص كل يوم ارجع تقريبا 3 مرات

بس هم استحي

ولما اخذ طبيه ضميري يانبني مع اني صج تعبانه وما اقدر اتحرك من السرير

ولما كنت بالسابع قالوا معاج طلق خفيف

بس الحمد لله عدت بابره

بس بعرف فيها شي لو اخذ التاسع طبيات يصير لي شي؟؟؟
انا ما ادري استحي واخاف

لاتلوموني توني متعينه شهر 5 وما اعرف شي

علموني

هلالالالالالا و غلالالالالالالا في البندري عشان من شاف هالنك والله

قبل لا ارد عليج بقولج عشان ما انسى..

الورده المكنونه امسويه تجمع يديد حق بنات الكويت طبي علينا كل ماتميتي بدينا نتيمع شويشوي بعد الشتات ههه

ماشاء الله والله الايام تركض انا بالثامن الحين و انتي بالتاسع.. ماجنه قبل جم يوم كنا بالاشهر الاولى .. الله يتمم علينا يا رب..

بالنسبة حق الطبيات انا أايد كلام ام طلال والله الزم ماعليج راحتج..

منصجج البندري كل هذا فيج و اداومين؟؟ حرام عليج

خلي المستحى عنج..

الناس من الثقل يغيبون عيل شلون انتي؟؟

ثقل و هبوط لا و كان معاج طلق خفيف بعد..!!

لا والله انا اقول عادي غيبي..منو دكتورتج؟؟ ان شاء الله اتضبطج بالطبيات..

خلاص بعد هانت مابقالج شي ان شاء الله.. و وين ناويه تولدين؟؟

انا نصابي خفيف لأن عندنا طالبات تربية عملية .. شالوا من جدولنا وايد

اللي معاي مدرستين اساسيتين بس اهم اكثر مني 6 حصص

انا خففوا عني ليش اني حامل عشتوا

وبالنسبة للمجلس الطبي .. قطيييييييييييييعه تقطعهم

انا 3 مرات حولوني عليهم ..
المرة الاولى لما كنت اتنسى ابحمالي الاول .. كنت كارهه المدرسة ونساتي جايده

حولوني عند رئيس دكاترة المجلس الطبي اسمه مادري شنو المضاحكه
بس ويهه ماشاف الضحك بالمره .. اسلوبه كان خايس ونفسه خايسه ولوع جبدي حتى زوجي بغا يتهاوش معاه بس حمدالله مسك نفسه

المره الثانية حولوني لما دشيت التاسع وخذيت مرضيتين مدة كل وحده اسبوع .. بس غصباً عليهم اجازوها لأن كنت بالتاسع وبدون لايحولوني عند المحقق المضاحكه

المره الثالثة عقب انفاسي لما سويت عملية استئصال شرخ شرجي .. وهم اجازوها غصباً عن اخشوووووومهم وكذلك بدون لا ادش عند المحقق كونان

اتصدقين ليلحين مترردده وين اولد .. مرة قلت الولاده .. بس بنات وايد بالمنتدى خرعوني منه

والحين جني قاعده افكر بطيبة كلينك .. بس ماسمعت عنهم اي شي .. اخاف اجرب

وعلى الله ..

ام طلال حمدي ربج انج مومدرسة جان امحولينج مجلس طبي 16 الف مرة

تقومين بالسلامه انشالله

وييييييييه ساره الظاهر هذا نفس اللي دخلت عليه..

هم جذي شكله ماشاف الضحك ولا الابتسامه..

و كلامه ينرفز..

حتى لم قعدت اسولف على رفيجاتي اشقالي يقولون لو احنا مكانج جان صج تهاوشنا وياه..

عيل زين اللي مسكت نفسي الحمدلله ..

و حتى ريلي شكله كان متنرفز بس ساكت ماله خلق يعصلق معانا و يعاند..

تخيلي يقولي ليش مادخلتي المستشفى لم صار معاج نزيف؟

قتله الدكتوره عطتني ابر و حبوب و قالتلي ارتاحي و هذا اللي سويته الحمدلله لم قل النزيف..

يقولي لا المفروض تدخلين..

الا بنومني بالمستشفى غصب اسم الله علي..

جنه اهو اللي بيدفع الحساب قاعد يعزمني..

لا و كل شوي رايح و راد على مستشفى الولاده يقول ليش ماراجعتيهم !!

اشيبي هذا!!!!

اقوله عندي دكتورتي يقولي ليش مارحتي الولاده..

من شاف مستشفى الولاده.. عدلوه قبل عشان الواحد على الاقل تنفتح نفسه لم يدخل..

بس كلهم قاعدين يقولولي مالج شغل فيه و طنشيه..

بس الحين شكلج خرعتيني شوي 3 مرات رايحتلهم!!!!!!!

وايد اشدعوه

يعني كل ماخذيتي اسبوع متواصل حولوج؟

ام طلال حمدي ربج انج مومدرسة جان امحولينج مجلس طبي 16 الف مرة

تقومين بالسلامه انشالله