لكل من قالت ان كادرنا 4090- اقولج كااادرنا 235 وهذا الدليل

السلام عليكم

اولا حبيت استأذن من اختي منال القلب واقولها اسمحيلي ياحياتي انسخ صورة تقرير راتبج اللي حطيتيها من مده كدليل للخوات واتمنى يكون هذا الشي مايضايقج

ثانيا انا معلمه د وهذا الموضوع راح احطه نموذج لجميع نماذج المعلمين

ثالثا هذا الموضوع رد على كل من قال ان كادرنا اقل من 235 ولكل من ضاعت بالطوشه مثلي والكل قام يقولها كلام من عنده عن الكادر

بسم الله
هذه الصوره تقرير راتب للاخت منال القلب سبق وان ضافتها في احدى مواضيعها وراح نستخدم الشرح عليها وهي معلمه من فئة د ..الله يباركلها ويرزقها

وهذي صوره نزلت اليوم في جريدة الوطن عن الكادر الذي اقره مجلس الامه وينتظر موافقه الحكومه

خلونا ننلاحظ معلم د في المربع الثاني
معلم د مكافأته التشجيعيه الحاليه 150 كما هو مبين بشهادة منال القلب وبالكادر الجديد ستكون 250 اي انها زادت 100

المكافأه التشجيعيه له 75 وستكون 150 اي انها زادت 75

بدل التدريس حاليا له 15 وستكون 75 اي انها زادت 60

اجمعوا الزيادات الفارقه ستكون 235
مبروك علينا والله لايغير علينا ويتمم هالكادر على خير ياااارب

مشكووورة

ياليت لو يقروووونه

يعطيج العافية

اهما خل يقرونه بالأول

الله يبارك لنا فيهم

يارب يقروونه

سؤال زيادة الاشراف والتوجية الزيادتين مع بعض ولا وحده بس

يعني رئيس القسم يصير 200 ولا 350 ؟؟

لو سمحتوا حبايبي اللي تعرف تفيدنا
انا معلمه من سنة 2001 شهر 8 يعني بكمل عشر سنين , ليش انا معلم ب لا الحين ؟ لا تقولون الامتيازات لاني متاكده اني اخذ امتيازات وسويت درسين على مستوى المنطقه وهذا مو غرور بس انا ولله الحمد شاطره بشغلي
يمكن سنة 2024 ما خذيت امتياز لاني خذيت امومه , لهدرجه ياثر ! بالجدول مفروض انا أ
طيب اي قسم في الوزاره اتاكد ؟الرواتب مثلا؟

ام فهد انتي خذيتي امومه يعني فيه سنة ماخذيتي امتياز

المفروض 3سنين الامتيار ورا بعض

1070 تقريبا

اوكي اختي احب اوضحلكم شي مهم
لو اي وحده الحين تطلب شهادة راتب راح تلقى في زياده مكتوبه اللي راح تنزل ان شاء الله اثر رجعي شهر 9 مالت موضي
انا عندي شهادة راتب اليوم استلمتها وعشان تتأكدون هذي شهادة راتب تعيين جديد وكتوب تاريخ التعيين باول شهادة الراتب
11-5
والزياده هي بالشكل التالي المكافأة التشجيعيه اللي مكتوبه بشهادة منال القلب هي 75 وبالشهاده الجديده صارت 125 يعني جتنا زياده 50
وعلاوة التدريس 15 بشهادة منال وصارت 30 بالشهادة الجديده يعني 15 الزياده
ومكافأة المستوى الوظيفي بشهادة منال القلب 150 وبالشهادة الجديده 205 يعني زياده 55
واجمالي كل الزياده 120 ومع استقطاع التأمينات 10 دنانير يعني صارت 110
وشوفوا اجمالي الراتب كم صار حق التعيين الجديد 965
واذا جتنا زياده راح تكون تكمله لهذي الزياده يعني راح تجينا 115 فوق 120
وصار كلها 235 عرفتوا شلون صار 235
واخليكم الحين مع تقرير الراتب الجديد
وعلى فكره الزياده 110 راح تجي اثر رجعي من شهر 4 وتنزل شهر 9
6 شهور يعني 660
وهذي شهادة الراتب الفريش حق رفيجتي متعينه 11 – 5 – 2024 صورته منها اليوم بالدوام عشان انزله لكم

]تحميل الملف IMG_0594[3] من هنا

يعطيج العافيه ام الزين