لكل من تبي تحمل وعانت تعالي العلاج قدامج

الى كل من تشتكي من علة .. الحل سهل وبايدينا .. بس الشيطان عدونا الاول يظلنا

لكن الله موجود سبحانه

بنات انا تزوجت وقعدت 3 سنوات من دكتوره لدكتوره وكل وحده فيهم تحط فيني عله بقلبي وتيأسني من الحمال
وارجع ابجي وما ادري شسوي وما عندي حتى من اشتكيله كل اللي حوالي سبحان الله ماتو لآ ام ولا ابو ولا اخت

الحمدلله على كل حال

المهم .. ما راح اقول كل فرارتي عشان لا تملون ويقولون عندج تكيس .. ونعالج هالتكيس ..
وعلاجه الوحيد (( الجلوكفاج)) والبصل الني اكله مع الاكل اذا ما تستسيغونه
طبعا عن خبرة وفرارة اقول هالكلام..
بس حسب حالتج اذا قوية يطول مفعوله فلا تقولون ما جاب نتيجه .. الصبر ..

والحمدلله راح التكيس..

مبايض ضعيفه وهات يا ابر .. وتبويض .. وتفجيرية.. وكل موضوع بروحه يخرع ..
وتاركتها على الله ..والام الله لا يوريها لمسلمة يارب ..

وكله كوم والفشيله بعد كل شهر نقط انا وزوجي مبلغ وقدره للمراجعات والسونار وكم وصل حجم البويضة .. والابرة التفجيرية ..
روح مستشفى وتعال .. وبهذله .. وفلوس .. وتنزل الدورة وكأنها تعلن .. الفشل .. وكأنى أنا السبب .. وتاخذني العزلة والبكي والألم والفشيلة والوحدة..
وارجع اقوى من الاول .. واقول ما خلق الله الداء إلا خلق الدواء بس الخطأ مني.

ونسقط عيني على هذه الايه وكأنني اراها اول مرة
الَّذِي خَلَقَنِي فَهُوَ يَهْدِينِي(78)وَالَّذِي هُوَ يُطْعِمُنِي وَيَسْقِينِي(79)وَإِذَا مَرِضْتُ فَهُوَ يَشْفِينِي(80)وَالَّذِي يُمِيتُنِي ثُمَّ يُحْيِينِ(81)وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ(82)الشعراء

وابكي .. وابحث فيما قاله من يجب ان ايقن بأنه يشفيني

واجد هذا الحديث..وعن أبن عباس عن النبي قال : " الشفاء في ثلاث : شربه عسل وشرطة محجم "مشرط" , وكية نار, وأنا أنهى أمتي عن الكي " . والله اعلم

وفعلا رحت شريت عسل اصلي مخلوط بغذاء ملكات النحل (ترى حيييييييييل يقوي المبايض ).. وقت التبويض اشربه
مع حبوب (السيروفين).. وهي نفس حبوب الكلوميد.. بس اخف .. وما لها مساويء الكلوميد..

والحمدلله المبايض عندي يكبرون بطريقة افضل واحسن من الابر واقل مالا وفشلة.

وماكو حمال..!!!!!

واحجم .. وسبحان الله .. تخف عندي المشاكل النفسية والجسدية بعد الحجامة بنسبة كبيرة ..
ولا يمكن انسا الاستغفار.

وهذاك اليوم .. وحده تقولي .. شفتي هذيك.. حملت بعد ما الدكاتره قالو لها لا تجين انت عقيم !!
شلون؟؟؟؟ لأنها تقرأ البقرة كل يوم وترك…

واقرأها كل يوم وترك .. وكانت استغفر الله ثقيله ..وطويله.. وصبرت بسبب بلواي .. وكل ما تهاونت..
تذكرت اعدائي .. وشماتة الناس .. واصر اقراها .. واقرا..

وبعد اسبوعين .. اصير اقرأ سورة البقره كاملة بثلث ساعة!! لأني خلاص خذيت عليها .. وسبحان الله احس انها البستني
دخلت بجسدي .. اختفت كل الاحلام .. النفسيه تعدلت .. وبعد 40 يوم حملت!!!!!!!!!!!!!!

وتطلع النتيجه بتحليل العادي المنزلي وقبل موعد الدوره.. حااااااااااااامل .. تبارك الله..

واسمعوا وصية يعقوب لبنيه..
ولا تيأسوا من روح الله إنه لا ييأس من روح الله إلا القوم الكافرون..

واعتذر على الطواله بس هذا اقل اختصار اعرفه..

والحين انا في الثامن وما زلت اعاني احس اعدائي يتمنون يطيح ما في بطني او يموت
لكن الله اقوى ..

والحمد لله رب العالمين.. انه جعلنا من المسلمين.