|
|
السلام عليكم
هذا نداء لكل كويتيه عمرها 15 ومن مواليد الغزو وبتروح البعثه تساعدني
انا الحين متوهقه وماني عارفه شي وماني عارفه من وين ببتدي
في بعثه من وزاره التربيه لمواليد سنه 90 و 91 و89 لامريكا
اوكي
وانا وافقت على هالبعثه واذكر مره ان ابله الكيميا عطتنا ورقه بايام الامتحانات عشان نوقع وانا من عادتي اني اوقع على الاوراق من غير ما اقرى الورقه وورت الصف ورقه وقالت هذي ورقه من الوزاره للي تبي تروح البعثه وانا كنت سرحانه ووقع الصف كله عليها وانا وقعت بس ما قريت ولا استوعبت انها ورقه للبعثه لانه كنا بايام الامتحانات وما ادري اذا كان فيها موعد للامتحان الي بتسويه الوزاره ولا لأ ؟
وانا الحين مو متهنيه بالعطله أبدا 
وكلا احاتي هالبعثه وخاصه ان نسبتي مقبول مرتفع وهم يبون الي تكون نسبته جيد .. أخ يالقهر اول مره اجيب هالنسبه العام تخيلوا كنت جيد جدااااا
وابوي قالي انهم يحسبون نسبتي للسنين الي طافت مو بس هالسنه
وابي اعرف اذا في وحده بنتها بتروح لهالبعثه او اي بنيه بالمنتدى بتروح للبعثه تساعدني وتقولي بلييييييييييييز .. انا اخاف يكون موعد الاختبار طافني
بليييييييييييز لحد يطنش والي ما تعرف تدعيلي
والله يوفقج
ياليت اذا اقبلووج احد من اهلج يروح معاج
الاحتياط وااااااجب
الغلا كله أكيد أخوي الكبير بروح معاي يعني بروح بروحي ؟
يلا وينكم يا بنات ابي وحده تطمني
اففففففف يالقهر ولا عمري خذيت دور ثاني شمعنى هالسنه ؟؟
دراسه والا دوره ؟؟
وتقدرين تسألين وزارة التربية
خلي الوالده ادق وتسألهم
موفقه
بس ما قلتي لنا …اذا انتي لي الحين تدرسين ….شنو رااح تفيدج فيه البعثة !!!
وشنو رااح يحسب لج منها ؟؟؟
وموفقه ان شاالله …
إن راح يحطونها عند عائلة ويتكلفون بكل شيء ويوقفون دراستج سنه وإذا ريديتي تكملين مثلا انتي تاسع
تسافرين سنه وتردين تكملين 10 مو تنطين لـ11 يعني تفوتج سـنه على الفاضي والله اعلم ^_^
هذا اللي اعرفه عن البعثه
واللـــه يوفقج حبيبتي ^_^
انا لما كنت برابعه ثانو قالوا عن بعثه مثل هذي….
وفيه وايد بنات سجلوه فيهاا>>>> انا ماسجلت….
المهم قبلوا بس 2 من الكويت كلهاااا….
اكيد كل وحده تتمنى انها تروح البعثه على الاقل اكسب لغه
العذوب .. يمكن انا ما سمعت عن هالشي كلمت ابوي وقلت له يسأل الوزاره وقالي انزين .. بس ما سمعت كلش عن هالشي !! .. واذا طلع هالخبر صج مو لازم اسجل
رونه حنا شورانا .. بسجل وبشوف اذا انقبلت انقبلت واذا لا الله يعيني ويصبرني خاصه اني تعبت حيل ادعولي تكفووووووووون
ومشكورين على المرور
شدعوه يا بنات 99 وحده دخلت يعني 99 عضوه ولا تقولون لي زوار لأن محد يشوف المواضيع غير الاعضاء وباخلين علي حتى بالدعوه !!
بلييييييز انا متحاجه دعوااااااااتكم حطو نفسكم بمكاني
غريبه
المهم الله يوفقج ان شاء الله
بس ياترى البعثه كم سنه
؟؟؟؟
ترى الغربه شينه … وانتى صغيره وماتتحملين