|
|
واي انقهررت كتبت الموضوع والا اطق دقمه و انمسسسسح كل شي 
المهم قوه بنات شلونكم عساكم بخيييييير
موضوعي اوجهه للعروسات الحلوين و اهلهم سواء خواتهم والا عماتهم والا خالاتهم والخ..
ببدا من غير مقدمات
انا عرسي كان من 5 شهور وا لحمدلله
فترة الملجة كانت بس 3شهور و وقتي ضيق بالتجهيز و انضغطت حيل
مشكلتي ان انا بجر امي و اول وحده اتزوج
و امي ماعندها الخبره الكافيه للعرس لان اغلب اهلنا العروس بالبيت اما انا كان عرسي بصالة
وكل شي صار بويهي
اصدمممكم انا اللي رحت و حجزت المسكة و الكوشه حتى من غير ماتشوفهم امي
و النفنوف انا بنفسي اتفقت مع المشغل وعقب وريت امي الموديل
اهي ساعدتني باللي تقدر عليه ماقصرت من ناحية الملابس و الاكسسوارات وجذي
الشبكة و الكفر بروحي شريتهم .gif "Eh S(2)")
والكفر الصراحة يلوع الجبد خلوها ع الله 
والمصورة بعد بروحي حجزت واتفقت وياها
ونتييييجة هالضغط كللللللله شوووفي شصار وياي يوم العرس!!
الصبح قمت و الظهر خالتي ودتني الصالون
انا الحين بالصالون و ححححححدي متوتره افكر متى توصل المسكة و متى تيي المصورة و تخيلو عروس و ارقام هذيل وياي انا
دقيت ع المصورة قالتلي لما تقعدين ع التسريحة دقي علي وكانت خوش وحده
و المسكة حرقت التلفون عليه وكل شوي ييقول ياي
الناس يطالعوني شفيها هذي عروس وكل شوي تدق و تصارخ وتتحلطم!
النفسييييييية كااااااااااانت .gif "Eh S(14)")
اخر شي دقيت ع ريلي واهو بصالونه معصبه حدي و عطيته رقم راعي المسكه عشان يتفاهم وياه
وييه الصالون عقب طلعة الروح مع ان رشا شيك معروف مكانه ومايضيع
ولما وصل وشفت المسكة >>>>>>>>>>>>>>>
مو اللون اللي ابييييييييه !!
كنت ابي الورد كله وردي فاتح بس اهو حاطلي وردي واوف وايت
بلعت العافيه وسكت
والاعصاب تتصاعد
ويحليلهم اللي وياي يهدوني ويعابلون فيني
شوي وييت البس الشبكة
ماخذتها الماس تقليد والترجية حجمها كبير
يوم لبست الاولى والا الحلقة اللي تحت طااااااااااااحت @@
انا ونفسيتي .gif "Eh S(8)")
على الدنيا السلااااااام
اعصااااابي كللللللش وحدددددددي و اببببببجي بسسسس
حاولو اللي بالصالون يعدلونها بالسيليكون بس ماصار لانها تحتاج لحام
ومن الاعصاب دقيت ع ريلي واهو بالسياره زافينه ربعه لي صالة الرياييل
اول ماشاله ألو جان اقوله >>>>الترجية انكسرت
واهو عصب يقول انا شكو
المهم بعد تفكير عميق جان اسوي خطتي الجهنميه و كسرت الثانيه
وطلعت احلى من شكلها الأولى خخخخخخخخخخخ
الحين خلصت تصوير و كل شي
وناطرة اللموزين
الصالونات تسكر الساعه 9 و انا الساعه 8ونص والسياره للحين ماوصلت
طبعا الحجز كان عند ابوي
اااااادق عليه ادق ادق حرررررقت التلفون مايرررررررد
وادق ع اميييييي ماااااترد
انا اعصابي خلاااااااااص وصلت حددددددها ونزلت راسي وببجي!
وخالتي تيي تهديني
ودقت على خوالي محد يرررد منهم و دقت ع اخوي هم مايررد
دقيت ع ابوي فوق ال20 مره
بعدين دقيت ع امي وشالته وصوت الديجي كللش مااسمعها شتقول
بس قالتلي اهي بعد تتصل ع ابوي مايرد
صارت الساعه تسع
والصالونات كلهم طلعو بس ظلت معانا مالت الرسبشن
وانا قاعده بس لو احد يقولي كلمة ابجي
المهم عشر دقايق والا يدق ابوي يقول السياره تحت
واخييييييرااا ونزلت و الحمدلله ودشيت زفتي وقاعده بالكوشه مستانسه
بس ماخلصنا
انا ماحب المصورة اتخلي الكامره اكثر شي ع العروس ابي تصور الاودام و مع اني قايلة لها بس بطت جبدي
وانا قاعده ع الكوشة ابي احد اييلي عشان يفهم هالغبيه
جان ااشر لها صوري ورى
والحين يوم يينا بنطلع لاحقتني تقول اعطي الشريط لميييييين !
وانا بحوسه و البس الثوب الابيض و الناس حواليني !!!
مشيت ماقتلها شي وعطته حق اختي مع ان كنت ابيها تصور عقب ما اطلع.gif "Eh S(4)")
بس كا ن المفروض اخلي احد يفهمها .gif "Eh S(16)")
رحنا الموزين شوي بيمشي جان اتذكررررررر جنطتيييييييي
اللي فيها اغراضي الاساسيه و تلفوني
كنت معطتهم حق خالتي قتلها اول ما اطلع ييبوها
و وقفنا قلنا لهم نبي الجنطة
وكل وحده تقول مادري وينها مادري
صارت نص سااااااااعه
وخواتي يدورون امي
وامي تدور خواتي
وانا خلاااااااااااص
جان اقول حق ريلي يبا انا بنززززززل ززززززززززين انا بنزززززل بيييبها
واهو في ضحكة بس ساكت والا من صجي كنت بقوم
ويابوها عقب عناء
وخلص العرس
——————————-
اللي أبيكم تعرفونه بناااااااات ان الشغل لاااااااازم يتوززع
العرووس بروحها تعبااااانه و خايفه و متوترررره
صراحة تعبت وايد وايد وقلت بعرس خواتي انا بشيل عنهم كل شي
والحين عرس خالتي قتلها انا اللي بحجزلج المصورة وانا اللي بيي وياج الصالون مابي يصيرلهم نفس اللي صارلي
التوتر مو طبيعي والخوف و الربكه
لدرررررجة و انتو بكراامة انحسرررت عقب مالبست النفنوف وظليت طول العرس ماسكه روحي لين الفندق
واذا بتسألون وين خالاتج وعماتج
خالاتي مساكين لوبقولهم مابيقصرون بس انا استحيت اطلب خصوصا ان كل وحده بيت وعيال
بس نصييييييييحة ياعررررروس لاتتحررجيين تطلبين من احد يعاونج هذا عرس ولازم الكل يوقف وياج و كل وحده من اهلج يكون عليها شي معين تسويه ..
وعماتي خلوهم ع صوب
والحين ابي اشوف تعاليقكم ع الطماااشه اللي صاارت 
الف مبروك
وانتي بعدين بتذكرينه وتضحكين >> بعدين يعني
هالشغلات تصير لازم لان محد يقدر يتحكم بالظروف
يا حبيبيتي حاسة بيكي والله
الحمدلله اليوم ده مر علي خير و مبروك ليكي و ربنا يرزقك الذرية الصالحة
وادعيلي عقبالي 
انتي صح غلطانه لازم كل وحده من اهلج تكون مسؤولة عن شي
انا يوم عرسي ما كنت افكر الا بلبسي وشكلي ما قصروا امي و خواتي وبنات خالاتي
كل وحده كانت ماسكه شي وساعدوووني وايد
وانا بعد عصبت وتنرفزت حسيت خالاتك وخواتك برود
وانتي حاره !
ان شاءالله بعرسي بقسم الشغل على خالاتي
اهم شي الريلاكس
موفقه
ياريتك دقيتي علي وجيت ساعدتك من عيوني
الحمدللة عدت عاخير الله يوفقك بحياتك
كلامج وخبرتج واوزعهم من الحين انشالة
الله يوفقج حبوبة
انا اقري وعلي اعصاااااابي ههههههه صج العرس لوويه ولازم تمر احداااث توترررر
بينكي كات الله يوفقج وتطلعين احلا عروس باجر : )
كل شيء على راسج : ((
انا شكلي بصير نفسج لان انا البجر بعد والخالات ماعليهم اتكال لانهم اللهم نفسي نفسي
وعندي اختي اللي اصغر مني صغيرره وامي نوعيتها شغل حي الله بس اهم شيء يخلص :d
الله يستر شكلي بصير نفسج
الله يوفقك ويسعدك يارب