|
|
السلام عليكم يااحلى حوامل
لكل وحده فيكم ، خرعتها السونارات
وتبي تتأكد الجنين شنو فيه بالضبط
الاخت اللي قريت موضوعها وقايلين لها
البيبي فيه داون،، او اللي اجنتهم ناقص عندهم
الماي
انا مريت بتجربه صعبه مثلكم
حملت من الاربعين وكل حملي تمام لين وصلت السادس
الماي كان ناقص ، الدكتور خرعني قال ماكو ماي والبيبي متيبس
لازم تنويم واشعه وانشوف ااماي شلون نزل ومن وين
ورحت لواحد ثاني قالي ياراح تولدين امبجر،، او البيبي
فيه تشوه خلقي،، ورحت لدكتور ثالت قالي ماندري من شنو
بس الكلى فيها تضخم ،
لو تشوفون حالتي بجي وتعب ومحاتاااااه اخاف البيبي مشوه
او معاه كلى طول عمره شي مو طبيعي نوم ماانام
لين انصحتني رفيجتي بالدوام بالدكتور ماجد الشمري اللي بالجهرا
بصرااااااحه قليل عليه كلمت انسان
واهو اختصاصه علم الاجنه اللي في بطن الام
بصراحه من سوالي السونار ،، قلت له بشر دكتور قالي نتكلم مع الاب احسن
قالي الكلى متشوهه والرئيتين متقوسه ،،والجاهل معتمد عليج في بطنج اول ماتولدين
ماراح يطول ساعه او ساعتين وراح يودع ،، بعدين بجيت بجيت مت من الصدمه وبنفس الوقت حمدت ربي
لاني ماراح اتعذب مع طفل
تعبان او فيه تشوهه واقترح علي انه يولدني، وفعلا ولدت وبعد ساعه و45 دقيقه الله اخذ امانته
ياحوااامل ياللي تحاتوووون
الله ثم ماجد الشمري اهو استشاري في علم الاجنه ورجال كويتي وخايف ربه حتى صلاته
يأخر المراجعين ويروح يصلي بالمسجد اللي يم عياده ويرجع،، كفاءه بمعنى الكلمه،، حتى رفيجه اختي خرعوها
على بنتها وماعرف لها الا ماجد الشمري قالها فيها ماي بالراس بس راح تعيش ،، والعدان كانو بيجهضونها
وامي محد عرف للنزيف اللي فيها الا اهو،، عنده سونار دقيق اكتشف اللحميه اللي برحمها والحين تحمد وتشكر
وهذا رقم عيادته بس اهو موقف عيادته بالعشر الاواخر لي بعد العيد24567870
او شهادت اي احد ثاني
من باب الاخوه انصحكم فيه
وكل وحده براحتها
وعلى فكره لازم موعد لان حده زحمه عنده مايستقبلون بدون موعد
بنات انتوا شكو تحطون بذمتكم دعايه ولا مو دعايه !!
انا وايد اسمع حريم يمدحونه بصراحه انا ماجربته زوجي مايرضى اروح عند ريال بس ماشاء الله ناس من برا الجهرا يتعنون له
الله يعوضج ان شاء الله وماقصرتي
والدكتور ماجد الشمري اشهر من النار عالعلم مايحتاج دعايه
ليش سوء الظن ؟؟!!
ان بعض الظن اثما
ترا مو كل من مدح دكتور يسويله دعاية
عادي انا من الناس اللي لو عجبني شي اتكلم عنه وامدحه واحب اسولف عنه يصير حديث الموسم عندي اصلا وين الغلط ؟؟!
بس مو معناته ان تجربتج وهميه اشكرج عالموضوع والله يعوضج يا رب و فعلا الدكتور ما يحتاج دعايه اتغشمر