لكل المعلمات بســــــــــــــــــــــــرعه تعالو

السلام عليكم ورحمة الله وبركاته

إشلونكم إن شاءالله بخير

بغيت أسألكم عن شغله

سمعت إنج لازم تروحين الوزاره وتسوين شي إسمه تغيير وضع

وهو يدخولون إشمج بالكمبيوتر علشان تغيرين كادرج وإذا مارحتي ماتنزل

لج العلاوه بشهر 9 راح تنزل لج بعدين

عفيا إللي سامعه عن هالشي أو تدري عنه تقول لنا

صج؟!! ماسمعت ولا كتبوا !!

اللي تعرف تفيدنا

إيه والله هذي وحده قالت لي وترا إللي ماتدخل إسمها بالكمبيوتر ماينزل

لها الكادر بسرعه على شهر 9 بس ماني عارفه بالضبط اروح لمنو بالوزاره

لا ….أول مرة أسمع هالسالفة!!!!!!!!

يوم نزلت زيادة الـــ50 ….نزلت دايركت بدون لا نروح ونراجع ..!!!!!

والكادر(التدرج الوظيفي) ينزل عااادي بدون ما تراجعين الوزارة …

اول مره اسمعها واذا فيه تغيير جان حطوا لو اعلان بسيط

بس انا ابسال اهي بتنزل باثر رجعي ولا لا ؟؟؟

فيه ناس يقولون بتنزل باثر رجعي من شهر اربعه وعليج الحسااااب

جاااوبوني خلوني ارتااااح

لا حبيبيتي ما يحطون إعلان ليش علشان الناس تنكت عليهم ؟؟؟؟؟

والزياده تنزل بأثر رجعي من شهر 5

الحين صار من شهر 5 هخخخخخخخخخخ

مو من شهر 4 .؟؟؟؟؟؟؟؟؟؟؟؟؟؟؟؟

شفتي شلون ولو تحسبونها صح ترا المفروض من لما وافقوعلى القرار

يعني من شهر يناير

يعني الحين حتى شهر اربعه راح علينا

بصراحه المفروض مانسكت عنهم

كل شوي يغيرون الحجي ماصارت ؟

سارا الله يخليج تاكدي لان المفروض تنزل من شهر 4 اذا رحتي باجر

الله وياج حبيبتي

إن الله أحيانا باجر إن شاء الله رايحه الوزاره وبشوف موضوع شقانا وتعبنا ههههه

الله يعينج على الدرب

شـــــــــــــــــــــــــــــــــــــــــــــــفت ووووووووو مثل ماقالولي

يابنات شكل السالفه صج لان هم رفيجيتي كانت رايحه الوزاره عندها شغل وقالولها مريتي على قسم الكادر علشان تحدثين بياناتج حق الكادر واذا ما حدثتيها ماراح ينزل..وانا بصراحه مارحت لان الدرب بعييد علي وهم وما ادل. .بس قلت اقولكم علشان تتصرفون..

البنات اللي كانوا بيروحون…… راحوا و لا لأ
خل نعرف شالسالفة
لازم نروح و لا لأ