السلام عليكم
هلا وغلا حبيباتى
انا حطيت الموضوع هنى لجل كل الل يدزون لى رسايل خاصه
ولجل الكل يستفيد
|
المشاركة الأصلية كتبت بواسطة *
اختي حبيت استفسر عن درا القرآن
|
|
المشاركة الأصلية كتبت بواسطة *
ما هي الأوراق المطلوبة للتسجيل وللعلم نا موظفة ؟
المكان اللي اسجل في يعني وين اسجل ؟ وهل الزامي اسجل بالدار القرآن التابع للمنطقتي ولا اي دار أخرى؟ ومتى واي حزه اروح علشان اسجل ؟ ومتى تبدأ الدراسة بدار القرآن؟ وهل نظام الدراسة بدار القرآن مثل نظام الدراسة بالمدارس؟يعني ساعات الدوام والحصص طبيعة الدراسة بالدار؟ مشكورة اختى وجزاك الله خيرا |
وعليكم السلام والرحمه
هلا والله قلبى
وشوفى يالغاليه
دار القراءن الدراسه اربع سنين وفيه دورات خااصه بس 6 اشهر
بس الدراسه طبعا اجمل وانفع وكافى تطلعين منها بحفظ 8 اجزاءبالتفسير والتجويد
طبعا هى عباره عن دراسه كافه افرع الدين
من حديث وفقه وتجويد وسيره الخ بدقه وتعمق وفهم طبعا
تطلعين منها يا انك تصرين محفظه او انك تبين تصيرين داعيه تاخذين سنتين بعد تخصص دعاه
طبعا بالنسبه انك موظفه مايمنعك هالشى بالمره
والدراسه فى صبح لربات البيوت وفى العصر الل مثلنا موظفات
ودوامهم وايد حلو من 4 لل 7
وحصص دراسيه اربع حصص
وطبعا مو كل يوم هم يحددون لج 3 ايام بالاسبوع كله على حسب المرحله
والحصص مو نفس المدارس غصب قاعده وقت تبى تطلعين تطلعين باى حصه
لانك جايه اختيارى
وطبعا المكان مكان ذكر لله تحفه الملائكه
طبعا التسجيل مجاانى
وكل ماعليك تجيبينه معاك اخر شهاده دراسيه مع صوره ومو شرط بمنطقتك
تقدرين تسجلين باى مكان يعجبج
طبعا فى اختبارات وامتحانات وشهاده
وترا شهاده معترف فيها هنى بالكويت
والتسجيل تم فتحه هالايام لمده0 2 يوم
وهاذى الارقام بنات
الفروانيه
865555 – 127 – 131
الفروانية – ق6 – ش13 خلف فندق كروان بلازا مبنى إدارة الدراسات الإسلامية
العمرية 4714987 العمرية – ق4 ش الرئيسي مدرسة رقية المشتركة بنات
أترجة الشهداء 5235973 الشهداء – ق4 – ش401 – م31
أترجة الأندلس 4866482 – 4866042 مدرسة أبو موسى الأشعري المتوسطة بنين – ق7 – ش10