|
|
السلام عليكم ورحمة الله وبركاته
انا اليوم بتكلم عن موضوع يمكن مكرر بس ما أدري أنا ودي اناقشكم فيه
واهو……………………..
شلون يابنات يا متزوجات تلفتون نظر انتباه ازواجكم لكم
لا تقولون لي باللبس والدلع لأ
ابي اعرف اشلون يصير ما يستغنى عنج ، تطرين عبيه على طول ، ما ينساج، يحب يقعد ويسولف معاج ولا يغبي عنج شي
ابي اعرف اشلون اخليه قبل لا يسوي اي شي يفكر فيني
يعني بشكل عام اكون في باله على طول
ولا يتخلى عني
بس اتوقع اذا صار عندك
بتصيرين الغاليه من غير خطط
بصراحه ردج مفحم ههههههههه
عزيزتي ريان كل ريال وله مفاتيحه وكل ريال وله طريقته واسلوبه
في ناس تجذبهم المره بالشكل والدلع والحركات هذي
في ريال يحب المره اللي يعتمد عليها وتشيل عنه وتسد مكانه
في ريال يحب المره الل يتحسسه بروجلته تكون مكسوره وماتعرف تتصرف وتحسسه ان بدونه تضيع وانها كائن ضعيف
في ريال يحب المره الذكي اللي تناقش وترادد وتتكلم وتحاور
في ريال مايحب المره اللي تناقش وايد وتتكلم في اشياء يعتربها مجال رجالي بحت اقلها السياسه والرياضه
في ريال تكسبه مرته من بطنه بالاكل والتطبخ والتفنن
في ريال مفتاحه رضا امه اذا كسبت امه واهله كسبته طول العمر
والاحسن سوي ميكس من هذول كلهم
يعني لازم تعاملينه كانه ولدج .. يعني ولدج اذا ما وكلتي و لا لبستيه و لا دللتي ماراح تحسين بطعم الامومه و لا اهوا راح تتكون مشاعر ايجابيه اتجاهج و كذلك زوجج .. بالعطف و الحنان الرقه و الدلع و الانوثه كل هذي الاشياء مهما كان الريال و مهما كانت مشاعره يظل محتاجها منج
و شهد لوووووووووول خوش حركه الي حاطتها
كل ريال له مفاتيحه ومومعنى هذا نهمل باجي الجوانب
نركز على اللي يحبه ونسوي مكس للجميع
بس بضيف عليها " كوني له أمة يكن لك عبدا " >> طبعا اذا كان عنده ضمير و كرامة ..
يمكن لو تسوين المكس على قولة الخوات بترضين ربج وهو المهم….
(ارضاء الزوج غاية لاااااااااااااا تدرك )
يعني بالضبط شنو نسوي
نتدلع نقول كلام حب
والله صج ما ينعرفلهم هالرياييل
خل نستفيد
ايه والله صدقتي يا ام خالد سئلوني و قبل هذا كله … لا تنسين دور الدعاء و التقرب الى الله … فإذا الله سبحانه أحب عبدا قذف في قلوب الناس حبهم لهذا العبد .. فاحرصي على هذه النقطة … و بالتوفيق انشالله ..
