|
|
السلام عليكم و رحمة الله و بركاته
.
.
بنات انا باجر راح اوقع مباشرة العمل و ادرس ثانوي
بغيت اعرف اول حصة ادخل فيها ع البنات شنو اقول لهم
و شنو التعليمات اللي اقولها لهم ؟ و شنو ما اقول
و ابدي معاهم الدرس على طول ولا لا ؟
و بالنسبة للتربية الاسلامية شنو احضر للسبورة ؟
بالنسبة للأدوات و البطاقات شنو احتاج شنو ما احتاج ؟
و جم تتوقعون راح يعطوني صفوف ؟
و ابي اعرف اللي لي و اللي علي يعني جم احتياط بالاسبوع يكون علي
و جم مناوبة ؟ و بسسسسسسسسسسسسسسس جزاها الله خير اللي تنورني
و مشكوووووووووورين
عاد مبلتعات بنات الثانوي
ان شاء الله صاحبات الخبرة يفيدونك
ما اقدر اقول الا لاتعطيييييييييييينهم وجه ابداااااااااااااا
شوفي اول ماتدخلين خليج واثقه من نفسج
انا افضل ماتعطينهم تعليمات امشي على اسلوب ابلتهم اللي قبل
لكن خليج حازمه
اشرحي الدرس بثقه وبطريقه ممتعه وانتوا ابلات الاسلامية تتميزون بانكم تقدرون تشرحون الدرس كقصه بجذي تشدون انتباه البنات
احلى اسلوب انج تنقدين البنت على نفسها اذا شاغبت
يعني قوليلها طول بعرض وحركاتج حركات الروضه او صايره مهرجه
جذي بتتفشل
واللي تسولف غيري مكانها وعزليها جدام او ورا عشان تطخ
والله يوفقج
مشكورة ع النصيحة ما قصرتي حبيبتي
كوكي
والله صج كت مفكره اني امشي على ابلتهم القديمة بس ترددت
لكن شورج و هداية الله .. عاد شكلي حيل صغيرة خخخخ الله يستر صج 