|
|
من اسبوع انخطبت وجا الولد يشوفني شوفه شرعيه واتصلت امه من باجر عشان تعرف رايي وقالت اني عجبت ولدها وروحوا اسألوا عنه .. اخذنا عنه معلومات وسألنا واستخرت ووافقت…
الحين الشئ اللي مأزمني… اتصلت عليها امي اليوم عشان تقول لهم خل الرياجيل يتفقون واحنا موافقين بس الأم ما ترد .gif "Eh S(16)")
صحيح امي اتصلت 4 رنات فقط وسدت التلفون خافت انها مشغوله.. بس شنو العمل الحين؟ اخلي امي ترد تتصل فيها ولا ننتظرهم يتصلون ولا شلون؟ اخاف انهم هونوا
ميته اعرف ليييش ما ترد .. ولو انهم مهونين المفروض ترد وتقول مافي نصيب صح؟
دعواتكم بليز
سلوم العرب تغيرت !!!
توها صايره مع وحده من رفيجتي المشكله الرياجيل اخطبوا رسمي تالي طنشوا !!!!
بعرف الناس ما تستحي على دمها ولا كرامه الناس بالطقاق !!!
أختي عيب تدقون عليهم مفروض هم الي يدقون وان مادقوا بالي ما يحفظهم !!!!!
انا معها
عندنا عيييب نتصل اهل الولد هم يتصلوووون
وااصلا الشوفه تجي عقب السؤال
وخلاص اول مايشوووف البنت يقول ابيها يحددون الملكه
او يتصلون بعد كم يوم
فايقولون حددوا الملكه او مافي نصيب
عشان ماتبينون انكم ميتين عليييهم @@
اذا يبووونج صـج راح يدقون ويتأكدون
والله يتمم عليج ياااااااااارب
اذا امج اتصلت على موبايل الام يعني رقمكم ظهر عندهم
اذا جذيه لازم اهم الي يتصلون فيكم
لا تبينون لهم قاطين روحكم عليهم
والله يسوي الي فيه خير وصلاح لج
اذا الله كاتب لج نصيب بتأخذينه
لازم ام البنت اتدق تعطيهم الموافقه احنا عندنا عادي
عاد عن موضوع التطنيش اعرف وحده من اهلنا عمرها فوق الثلاثين خطبها واحد وكلنا فرحنالها لانها تستاهل وبحكم سنها بعد
بعد بعدين اهل الزوج طنشوهم
والله حراااام تعشمون البنت اشوله
صاحبه الموضوع ان شاء الله الام ترد
ودام اتصلت ع طول من شافتج معناه يبونج
كافي اتصال مرة وحدة
والبيوت اغلبها فيها كاشف و الموبايلات بعد
فا عادي كملي حياتج لين يدقون
يمكن صارت لهم ظروف
عاادي يمكن انشغلت ..
وأتوقع متى مافضت راح اتدق ..
بهالفترة ادعي إنه الله يكتب الخير ..
وإذا ماصار نصيب مع هذاا أكيييد خيرة لج ..
الله يوفقج ..
..
انا اقول طنشوهم دقو اهلا وسهلا مادقو مايشوفون شر
ترا في ناس تخطب عبط بس يعطون البنت امل وتالي يسحبون واذا شافوكم تدقون بيستانسون يحسون انكم ميتين عليهم وسحبو
اما اذا كان عندهم ضروف فالله يسهل عليهم ونفرح فيج يارب