|
|
مرحبا
بنات ولدي عمره سنتين و 9 شهور
من اول ما ولدته و و عنده لحميه كبيره حيل
صار يختنق لمن ينام والحين يتكلم من حلجه و على طول مريض و التهابات و حتى المضادات مو نافعه معاه
المهم وديناه المستشفى و قالوا لازم يسون له عمليه يشيلون اللحميه و يسحبون الماي من اذونه
منو منكم سوت حق عيالها عمليه سحب ماي الاذن
تأذوا منها والا عادي
طلعوهم نفس اليوم والا ظلوا بالمستشفى
ابي اعرف كل شي بنات بليز طمنوني هذي اذونه مو شي ثاني
ادعوا له ان الله يشفيه 
ولد اختي مسويها عند الدكتور عبدالله العلي هو عنده عياده خاصه بس يسوي عملياته بالهادي
ممتااااااااااااااز ما شاء الله حتى حق بنتي سويت لها اللوز واللحميه عنده واسم الله عليه ولدها الحين مرتاح سوت له العملهي لمن كان عمره سنه ونص والحين الله يحفظه بكمل 6 سنين ولله الحمد مغير الاحوال من حال الى حال
ممكن اذا عندج رقم العياده
انا مسويه عملية بنتي من سنه 2024 ومادري وين قاطه كرت العياده
إذا على اللحمية يسوي العملية و إذا شافه الدكتور أكل و راح الحمام و أنتو بكرامة أعتقد بليل يطلعه يعني نفس يوم العملية
سحب الماي من الأذن أختي مسويه العملية عند د.سند الفاضلة في طيبة كلنك شغلة حلو
كل العمليتين إذا بنج كامل لازم ينام قبل العملية بيوم
سألي الطبيب هو يفيدج يمكن ولدج صغير على سحب الماي أو على حتى عملية اللحمية
و إن شاء الله يقوم بالسلامة و تشوفينه معرس
بس والله مادري شسوي
مايشوف شر وليدج و سلامته
|
المشاركة الأصلية كتبت بواسطة سعوووووديه كول
 انا بعد ولدي عمره سنه و4شهور وفيه تضخم بالحميه ومويه ورا الطبله على المضاد وقطرة الملح يقول الدكتور صعبه نسوي له عمليه الحين توه صغير الله يعافيهم بس
|
هلا حبيبتي
اي انا ولدي وديته من كان عمره 6 شهور قالوا لي ما نسوي له الا اذا كمل سنتين
المشكله ان حالته صارت وايد اسوأ من قبل
الله يشفيهم
|
المشاركة الأصلية كتبت بواسطة jewel
سلامة ولدج ما يشوف شر
إذا على اللحمية يسوي العملية و إذا شافه الدكتور أكل و راح الحمام و أنتو بكرامة أعتقد بليل يطلعه يعني نفس يوم العملية كل العمليتين إذا بنج كامل لازم ينام قبل العملية بيوم و إن شاء الله يقوم بالسلامة و تشوفينه معرس |
الله يسلمج حبيبتي
انا وديته مستشفى زين و قالوا لي لازم عمليه بس الموعد اللي عطوني اياه حيل بعيد
مشكورة حبيبتي على المرور و ان شاء الله اروح له
روضة الحسن
المشكله انهم يعورون القلب يعني ما تقدرين تنامين بالليل تخافين لا يختنق
انا بتوكل على الله و بسويله اياها و الله يشفيهم و يخلي لج وليدج
|
المشاركة الأصلية كتبت بواسطة miss_avocado
انا مسويه هالعمليه مرتين عند سند الفضاله بالهادي و اخواني بعد كلهم حتى وحده من خواتي سوتها و عمرها سنتين حدها عااااااااااااااديه مامنها خوف و المها حييييل بسيط و بنفس اليوم تطلعين و مو شرط ينام بالمستشفى قبلها بيوم عادي تروحين الصبح مبجر حبيبتي تطمني هالعملية حدها سهله انا وخواتي الثنتين و اخوي و ابوي مسوينها نصنا عند سند و الباجي عند عبدالله العلي
مايشوف شر وليدج و سلامته |
عاد اليوم امي كانت قاعده تقول لي عن سند الفضاله
مشكورة حبيبتي والله جد طمنتيني
رياان
مشكورة حبيبتي على المرور
حبي اغلى الناس
شكرا على المرور طمنتيني الله يطمن قلبج 