لحقووو علي الكلوميد كرهه زوجي فيني

شلونكم حبايبي اول شي بقولكم قصتي باختصار متزوجة صارلي سنه ونص حملت بشهرين واجهضت عقبها اخذت ابرة تفجير كلوميد ماانفع الحين رديت خذت طبعا باستشارة دكتورتي والمشكلة صار فيني جفاف وكرهت الجماع وزوجي هواش معاه لأَنِّي بالأصل من تزوجت وكله يعورني

سويت كل التحاليل مافيني شي حمدالله شربت كل شي لكن ماني عارفة شلوون اخلي افرازاتي طبيعية من هالكلوميد اللي عندها خبرة بليز تقولي اخذت دوا الكحه وزهرة الربيع هالاسبوع بلشت فيهم وانا في فترة تبويض بس احس دكتورتي خيطي يبطي وانا حاليا برا ولا اقدر أراجع بمستشفياتنا اااخ تعبت الشكوى لله بليز اللي عندها حل او نصيحة لأَنِّي بعد مفكرة أسوي منظار وافتك لأَنِّي شاكه اني مانظفت عقب الاجهاض وربي يسهل على كل من تتمنى الظنا

وين الموضوع مو راضي يطلعلي موضوعي هل يأخذ وقت لانه اول مشاركة أرجو الرد؟؟!!

الله يرزقك بس نصيحة لاتفكرين بالمنظار لو يقنعك الدكتور اختي سوت منظار وتاذت منه واثر عليها وماله علاقه واصبري

حبيبتي مشكورة عالرد الله كريم بستخير وربي يسهل علي اللي فيه الخير لي ان شاءالله

الله يشفيج و يرزقج بالذريه صالحه
أنا جربت الكلوميد بعد اجهاضي و ما نفعني لان كان فيني نزيف قوي
بعدها ما استعملته أنا نفس حالتج سنه متأخره حمل و ما في سبب طبي الله كريم

حبيبتي اي والله ربنا كريم ان شاءالله استعملي حبوب زهرة الربيع واسبرين أطفال وفوليك أسيد لاتقطعينهم ممتازين وايد يمدحونهم انا من اجهضت ما قطعت الفوليك أسيد لأَنِّي استخدمته من قبل لا احمل بشهرين يعني تقريبا بيصير لي سنه استخدمت واسبرين الأطفال وزهرة الربيع هالشهر بلشت فيهم وان شاءالله عند الله الفرج

نظفو ارحامكم اولا بالاعشاب احسن بعدين ابدو بالكلوووووووووووميد

شلون تاكلون كلوميد وانتووو مسسقطين؟؟؟؟

اول شي لما يوقف دم التسقيط وتالي تنطرين الدوره من جديد وتاكلين الكلوميد

اناا م جربته ولا مره بس اختي مجربته جذي كانت تاكله

اناا لي ٨ شهور متزوجه وم حملت للحين ادعو لي

تصدقين عاد والله اني يوم تعورت مادري اني لازم أتنفس لأَنِّي مغتربة ولا عندي احد من حرتي قمت ادردع بهالبيبسي عقب اسبوع جان استوعب اني لازم اتنظف وقمت اخذ اعشاب بس ماانزل شي الا لما اروح عزج الله الحمام مع البول يطّلع شوي وعميت عشرين يوم على هالحالة وعقب اربع شهور اخذت كلوميد مو على طول نطرت لما رجعت الكويت لانه هني الدكتورة لا عطتني مضاد لا نظفتني أبد الله وكيلج عمياني بس قالولي رحمج نظيف وبَقى شوييه بينزل مع الدورة ويوم رحت لماجدة اليتامى يوم وصلت الكويت قالتلي ماتحتاجين تنظيف وسلامتج

تصدقين عاد والله اني يوم تعورت مادري اني لازم أتنفس لأَنِّي مغتربة ولا عندي احد من حرتي قمت ادردع بهالبيبسي عقب اسبوع جان استوعب اني لازم اتنظف وقمت اخذ اعشاب بس ماانزل شي الا لما اروح عزج الله الحمام مع البول يطّلع شوي وعميت عشرين يوم على هالحالة وعقب اربع شهور اخذت كلوميد مو على طول نطرت لما رجعت الكويت لانه هني الدكتورة لا عطتني مضاد لا نظفتني أبد الله وكيلج عمياني بس قالولي رحمج نظيف وبَقى شوييه بينزل مع الدورة ويوم رحت لماجدة اليتامى يوم وصلت الكويت قالتلي ماتحتاجين تنظيف وسلامتج

لا حبيبتي انتو يمكن مافهمتو علي بضبط انا عقب ماتعورت بأربع شهور اخذت الكلوميد مو على طول وبالنسبه لج اذا صغيرة بالعمر نطري سنه من زواجج وأبدي بحثي بالاسباب وإذا انتي كبيرة لا والله نصيحتي من الحين سوي كل التحاليل العمر يركض ياختج وورانا حمل وولادة وتربية وهذا كله من عمرنا وربي يكتبلج الذرية الصالحة وكل محرومة ياااارب وان شاءالله نبشر بعض بالحمل السليم

لا حبيبتي انتو يمكن مافهمتو علي بضبط انا عقب ماتعورت بأربع شهور اخذت الكلوميد مو على طول وبالنسبه لج اذا صغيرة بالعمر نطري سنه من زواجج وأبدي بحثي بالاسباب وإذا انتي كبيرة لا والله نصيحتي من الحين سوي كل التحاليل العمر يركض ياختج وورانا حمل وولادة وتربية وهذا كله من عمرنا وربي يكتبلج الذرية الصالحة وكل محرومة ياااارب وان شاءالله نبشر بعض بالحمل السليم

اذا عن جفاف المنطقة عادي أنا استمر الجفاف معاي سنتين وتوه الحين صارت الإفرازات طبيعية ، استخدمي بيبي أويل عالمنطقه وقت الجماع او روحي الصيدلية يعطيج جل خاص للجفاف

اي بس مايصير للي ابي تحمل لأَنِّي يمنع الحيوانات المنوية من الوصول هذي المشكلة بس تصدقين من وقفت الكلوميد خُف شوي الجفاف الله كريم شنسوي بعد مشكورة حبيبتي عالرد

فديتج انااا صغيره عمري ٢٤

ع قولتج بكمل سنه وتالي اشوف وين الخلل

وان شاء الله نبشر بعض مثل م قلتي يارب