لحقوني ريلي يدش على هالصور من موبايله

السلام عليكم بنات ,, بختصر و بدش بالموضوع على طول

بنات انا زوجي مسافر بره الكويت و زوجي انسان محترم الحمدالله و مايحب الحرااااااااام

بذاك اليوم طاح تلفوني مني و انكسر و قلت ما يسوى اشتريلي تلفون يديد لقيت تلفونه القديم

قلت استخدمه و اقزر فيه ,,,,,,,,, المهم حطيت الجب مالي و عادي كنت قاعده استخدمه و الا كل

المسجات متسيفه !!! و ياني فضول اني اقراهم و الحمدالله مالقيت فيهم شي ,, مسجات عاديه

و تميت استخدم التلفون .. عاد انا منعوده ساعات اشبك من الموبايل نفسه ,, ييب بشبك اطلعتلي

كل الصفحات المفتوحه ,, اول شي ماكان اكو شي غريب بسسسسسس بعدين انصدمت

ريلي امسوي سيرج بالياهووووو على بكينياااااااااات و ثونقز !!!!!!!!!!!!!!!!!!!!!!!!!!!!!!!!!! انا انصدمتتتتتتتت

فتحت و الا القى صورررررررررررررررررررررررررررررررررررررررررررر لاااااااااااااااااااااااااا امبيه بغى يغمى عليييييييي

ليييييييييييييييييييييييييييييييييييييييييش !!!! امبيه والله اني تمييييييت ابجيييييييي والله الصور اتخرررررررع

و غير هذا فيديوات عن البكيني !!!!! امبيه حزتها مامسكت نفسي و دقيتله على طول و قعدته من النوم

و قتله انت حقيييييير ة سكرته بويهه ,,,,,, و دزلي مسج يسأل مستغرب و دقيت اصارخ عليه و انا مو قادره

امسك نفسي بس مابحيت و سمعته ذاك الحجي ,,, رد علي ((((( انتي جذي اتوصلين الامور للطلاق و انا

ماعندي مشكله تبين اتطلقين اطللللللق و اخذ بدالج 20 الف وحده و قاللي انا بلندن مو فاضيليج ذلفي

لاهلج و اذا رديت بصيرلي تصرف ثاني معاج )))) طبعا اهو قال ان مو اهو اول شي بس ماحلف ,,, و انا

متأكده مليووووووووووووووووووون بالاميه ان اهووووووووووووووووووووووو ,,, وااااي بنات والله قعدت ابجي

ايجي من قلللللللللللللللللللللللللللللللللللللللللللب تعبت الا الخيانه !!! رديت دزيتله مسج قتله ليش اتسوي

جذي انا اشقاصرني و كتبتله ان هذا اخر شي توقعته بطلع منك !!! هالحجي امس و ليلحيييين مارد انا

تعبت بلليل كللللللللللللللللللللش مانمت!!!!!! و مساعه قبل ساعه ماقدرت رديت دزيتله مسج ثاني قتله

حسبي الله و نعم الوكيل فيك ,,, و قتله ليش اتسوي جذي انا ابد مو ناقصتي شي و ذكرته بحساب ربه و

انك ريال متزوج و عندك الحلال بس مو امقدر النعمه و ان الثقه راااااااااااااااااااحت و ان راح تكون سبب في كل

المشاكل اليايه ,,, والله بنات رياييل مايترس عينهم التراب !!! و ليلحين مارد و انا ليلحين احترققققق ,,,,

شورو علي شسوي شلون اتصرف !!! احقره و اذا دق او دز مسج شرد عليه !!

و على فكره السيرج اللي امسويه و اهو بالكويت و انا يمه يعني !!!! الله يستر بلندن شسوييييي

ادري طولت عليكم بس والله هم هم بالنسبه لي و ماقدر اشكيه لحد

صج اذا ربي يبي يكشف الواحد يكشفه يعني انا كللللللش ماكانت نيتي اتعبثثثثثثثث بس الله دزني اكشفه

افا عليج انتى غلطتى ليش اتصارخين وليش من اساس ادقين عليه وتقولينله عن السالفه المفروض من اييى الكويت اصارحه وحط التلفون بحظنه وقوله عيب اللى سويته انت ريال متزوج ليش الله يهداك ايقص عليك ابليس ترا كل الرياييل اتييهم هفوه محد معصوم بس انتى خربتيها وشوفى الحين اهو حاقرج مايرد عليج وانتى هنى فى الكويت تاكلين بروحج بس خلاص لادزين مسج ولا تدقين عليه ترا الريال مايعوقه يتزوج ثنتين وثلاث لاقين المغربيات والسوريات تعوذى من ابليس ولا تدزين مسجات مو كل شيى ينوخذ بالصراخ

تعوذي من ابليس يابنت الحلال….ترى ابليس الحين راكبش ويبينلش اللي قاعده تسوينه كله صح بس هذا مووووووووووصح..

هدي واسمعي بنصيحة اختي خوخهكويتيه..

هلا خوخه ادري انا غلطانه و ستين غلطانه بس انا حزتها كنت بنفجر و لو مو داقه عليه جان صار فيني شي

ادري ماستفدت شي غير العناد بس والله اهو بلندن يعني خفت انه ياخذ راحته عالاخر من غير حسيب او

رقيب قلت ابينله اشلون ربي اكشفه من نفسه ,, و اذكره بحساب ربه بس انا ماقدرت اضبط عمري و صار

اللي صار ,, و مشكوره عالرد

الله يصلح الأحوال يا رب

حبيبتي لا تخلين العصبيه تغلبج فرضاا انا الي طرحت المشكله شنوو تتوقعين

راح تنصحيني حطي نفسج في محل المعالج لاتتهورين

كل شي بالهداوه كل شي بسياسه والمراءه الحكيمه الي تعرف تتصرف من غير اي انفعال

هدي اعصابج ريحي بالج لا تحرقين في نفسج طلعي استانسي خلي الامور تهداء واهو راح يتصل

ويتناقش معاج واهني لابد تعرفين اشلوون تحلين مشاكلج من غير ا يانفعال

اعوذ بالله من الشيطان الرجيم ,, مشكوره اختي شيهانه عالرد

دللي وفرحه ماقصرتو علمرور ,,, بس والله قاعده احترررررررررررررررررررررررررق من داخل مادري شسوي و اشلون اتصرف

نفس اللي بقوله بالضبط يسلم لسانج

خواتي وفو وكفو بس انا حابه اقولج امسكي مجنونج لا يجيج الاجن منه عادي كل الرياييل جذي انتي علي الاقل بتلفون شرايج برفيجتي ريلها يحط تلفونه سبيكر ويكلم رفيجاته وطاحت علي ورقه فيها رقمه وحاط اسم ولده ويرقم البنات يبا تعوذي من ابليس واصبرررررري بس لاتسامحينه الا برضوه اهم شي يرضيج ياذهب او افلوس اهم شي يرد لج اعتبارج وموفقه ياااااااااااااارب

حبيبتي الريااايل يحبوون يطالعوون هالخرابييط شنسوي احنا بعد بس وايد كبرتي الموضوع و دقيته علييه و قلتييله حقير
جان خذييته على ضحك و احرجتييه

انا مره طحت على ريلي جان اقووله اففا ليش تشووف من ورااي جان ناديتني اشووف وياك لووول
استحى و ماقامم يطلع عشان انا لاطلع وياه

انا اقوول دقي علييه و ساحلييه الحيين
و اذا حصلتي اجازه طقي تذكره و غيري جو ويااه

و ترى اذا الريال نايم و قعد جذي نفسيته صفر و يقط كلام مايثمنه

الله يوفقج يا رب

موت الحمر و مسك ماقصرتو عالمرور

مي مي ليش ادق اساحله !!!!! اهو غلطان من ريوله لى راسه !!!! و انا غلطت اني تهجمت عليه بس اذا دقيت و ساحلته

بيقول هذي راضيه و ماعندها مشاكل باللي اسويه و يرد على نفس الطبع ,, انا ابيه يحس على دمه و خلاص ماني داقتله

بالطقاق ,, مع اني احتررررق والله عن جد خايفه يصير فيني شي من البجي تعبني و حرق قلبي صدمني الله يهديه يارب

و عن سالفة السفر انا ماقدر اروحله اهو مرافق مع عمه رايح علاج و ان شاء الله مايطول و مشكوره عالرد

انتى مجنووووونة وغلطاااااانة

تتصلين بريال واهو مسافر وتسمعينة كلام يسم البدن علشاااان صور وماصور

يابنت الناس اعرف حريم ازواجهم يشربوووووون بسلووووبهم وطريقتهم وهدووووئهم حلم مشااااااكل الشرب

ونصيحة لج ولبنات المنتدااااا الكرام اذا ازواجكم بره مسافرين لالالالالايسمعون كلام يضيق الخلق منكم

مشكوره كتكوته ماتقصرين انا وضعي طبيعي وحده مصدوووومه بريلها و اهو عمره مابينلها ان يحب الحرام و انا ريلي

حيل محترم و ملتزم انصدمت و لا شعوريا دقيت و ادري اني غلطت بس بالمقابل اهو كان غلطان قبلي