|
|
السلا م عليكم خواتي انا دايم بقسم الحياه الزوجيه واحب تعاونكم ومشاركتكم بمشاكل بعض طالبتكم شوروعلي يمكن انا معاكم اقدر الحق نفسي ومااطلق
مشكلتي باديه من زمان لاني اصلا انا كنت متزوجه قبل رجلي وعندي بنتين وصارلي مطلقه من زوجي الاول عشر سنين والله يابنات عشر سنين وانا متزوجه زوجي الحالي وما عنده سالفه غير طليقي وبناتي احس انه طليقي بينا على طول منه اهو دايم يعايرني فيه ويشك فيني اني اكلمه واني بخاطري ارجعله مع اني شفت العجب من زوجي الاول وما اواطنه بس شسوي بزوجي اللي كل يوم والثاني يهاوشني ويقول اكيد تكلميه عشان البنات اكيد تتنازلي له عشان مصلحه بناتك والله تعبت من هالسالفه والحين من يومين وهو يهددني بالطلاق يقول خلاص ما اريدك ومو مرتاح معك مع العلم كان يموت علي بس مخه موقادر يستوعب انه كان لي تجربه زواج سابقه واليوم طلب مني بطاقتي المدنيه يقولي بكره برفع قضيه طلاق وانا قلتله انا مابي اطلق هذا باختصار يابنات ساعدوني مابي طلاق ثاني صارلي ساعات ابكي حزينه على حياتي لي وصلت لهون شو بسوي امانه عليكم نصيحه حل اي شي دعوه الله يسخره لي
والحي بالدعااء
ليييييين صلاة الفجر
وصلي الفجر
كثري من الاستغفار
واللي كاتبه الله بيصير
لاتكرهوا شيء وهو خير لكم
استغفر الله
احس موضة الطلااق استخفوا الرياجيل قسم بالله
لحووول
واقعدي معاه وتفاهمي وياه بهداوه وقوليله كل اللي بخاطرج عشان يرتاح
والله يهديه يارب
مالج غير ربج قومي توضي وصلي لج كم ركعه
والله يعنيج ويهديه لج
غلطانه لانج قلتي له مابي اتطلق .. راح يتكبر
شوفي ياقلبي اللي عليج الحين تسوينه
تروحين له .. وتقولين يابوفلان انا ما ابي منك شي .. للي ابيه منك تفكر قبل لا اتطلق
وعسى ربي يهديك .. وقبل لا اطلع بقول لك كلمه وحده .. انا ما كلمت طليقي ولا لا شغل فيه
والظلم ظلمات يوم القيامه ..
وقومي بعدها وروحي افرشي سجادتج وادعي الله يهديه ويسخره لج ..
ويبعد عنه هالشك ..
واستغفري والله الاستغفااار ***
خلج صارمه معاه وقوليله ماتعرفين اي شي عن طليقج ولا تفكرين فيه ابد واهو ماضي وراح وولى
وقوليله شنو دليلك انه لي علاقه فيه او اني اكلمه؟
عطني دليل واحد وانا راح ارضى بالطلاق لو لقيت شي علي
والله بيحاسبك لو ظلمتني
ومادري شقول بعد بس ربي يكون بعونج وربي يهديه يارب
بس حاولي تفهمينه انج ماتحبين طليقج وانه لو كنتي تبينه جان ماتزوجتي قوليله انت تسواه وتسوى طوايفه
فشحقه نعطيه اقدر من قدره وتخليه اهو السبب فطلاقنا
وعسى الله يصلح بينكم يااارب
كثري من الاستغفار الله يهديه
انا حاسه باحساسه لاني ريلي كان متزوج وحده قبلي ومن كثر حبي له اغار عليه حتى من طليقته اللي ادري انه يكرها
الله يكون بعونج وفرج كربتج
عسى الله يهديه وسخره لج
عليج بالدعاء وكثرة الاستغفار
حبيبتي مثل ماقالو لج خواتنا توضي وصلي واستغفري بنيت تهدئة النفوس
وادعي وتذللي لربك وابكي واطلبي ربك تىوسلي له باسماء وصفاته
واقري سورة البقره مثل ماقالت لك الاخت اللي قبلي تراه خير علاج للنفوس
لاتنشغلين بمنتدى ولاغيره يمكن عين ولا *** او شك
خلي عينك بربك لاتفكرين بغير ربك يساعدك
ومو صاير الا اللي ربي كاتبه ان شاء الله
طمنينا عليج