لحقوعلي ولدي يبي يطلع من الحكومه ويروح خاص

السلام عليكم
بنات ساعدوني ولدي الكبير بخامس وبطلعه من مدرسة الحكومه

وبوديه مدرسه ثنائيه… وانا مااعرف بالمدارس واسعارها وابي منكم تقولولي عن مدرسه حلوة وقريبه من بيان
يالله همتكم معاي
الاخ مهددني انه ماراح يداوم

حبيبتي اخذيها مني نصيحة اخت لاتطلعينه من الحكومة وتجنين عليه بالخاص وثنائية ماراح يمشي صعبة عليه وااايد

دخليه مدرسة خاصة بس عربية مثل النجاة وغيرها بس ثنائية ماراح يمشي معاهم وراح تضيعين من عمره سنه حرام

عيالي كانوا بخاصة ترى فرق بين نتهج الثنائية والحكومة كل شي انجليزي

فكري عدل قبل اي خطوة بتسوينها

والله يوفقه يارب

مشكورة ياقلبي جم رسوم النجاة ووين مكانها ؟ اذا في مدارس ثانيه ياريت تفيدوني
لاني بفر عليهم…

اختي…حتى انااا كنت سأله نفس سؤالجــ,,,,

اناا اخوي بسادس…وابي اطلعه لان حراامــ يقعد بالحكومي….واخوي عايش ببريطانيا السبع سنين الاولى من حياتهــ,,,يعني فاااهم الانجليزي..
بس اذا كنت ِ بتحولينه لازم يسون لهــ امتحاان ومادري شنوو ولما شفت الخرابيط والدوخهــ,,,,قلت اللهم اجعل بالامر خيره

ومااوصيج استخيري والله يكتب اللي فيه الخير لوليدج…^___^

..<<اذا الله يسر امورج وقبلو ولدج…لاتنسين تعطيني..خبر…يمكن,,يضبط اللي سويتيه مع اخوي…..^__^

مشكورة ياقلبي
والله يعينا …وانا مثل ماقلتي راح استخير لان صعبه يطلع من الحكومه … بهالعمر

لازم مقابلة قبل لا يروح ثنائية اللغة وينزلونه وايد

مثل ماقالو البنات ودية مدرسة عربية خاصة

العفو حبيبتي

النجاة في بحولي والسالمية هذا اللي اعرفه

في مدارس عربية خاصة بس والله ما اعرفهم عدل وما اعرف الزين من الشين النجاة ولد اختي فيها هو بثالث تمدح المدرسة والرسوم تفرق من مرحلة لي مرحلة

ان شالله الاخوات يفيدونج

أختي المدارس الخاصه سواء أجنبيه أو ثنائيه راح يسوون اختبار قبول الطالب واذا لاسمح الله ماانقبل ميخالف لايضيق خلقج اهم أدرى بمصلحته لأنهم يعرفون من مستوى اللغه الأنجليزيه عند الطالب اذا كان يقدر يكمل عندهم وألا لأ لأن بالصف الخامس متأخر عالنقل وايد والمناهج كلها بالأنجليزي لاتتصورين نفس مستوى الأنجليزي مال الحكومه آنا أقولج جذي لأن ولدي بالصف السابع وهو بمدرسه خاصه من الحضانه ويالله قادر يقايشهم لأنه بالروضه والأبتدائي أول سنتين تأسس بمدرسه ثنائيه بعدين نقلته أمريكيه فتأسيسيه ماكان قوي وايد مثل الأجنبيه!! بس بالنسبه للأخت اللي أخوها درس في بريطانيا أتصور ممكن ينجح باختبارهم وينقبل مادامه كان دارس هناك وعنده لغه قويه تساعده و هم راح يشوفون مستواه بالأنجليزي والرياضيات ويقابلونه بالأضافه للأختبار التحريري! عموما أنتي لما تروحين المدارس طلبي تشوفين كتبهم للصف اللي رايح له أخوج وشوفي الدروس والأختبارات اللي يحطونها بنهاية كل فصل علشان تقدرين تاخذين فكره عن المناهج وتشوفين مستوى اللغه الانجليزي عندهم اذا يقدر عليه الولد وألا لأ!!

مشكورة ياقلبي …وانشالله راح اخذ بنصيحتج

مشكورة واذا تقدرين تفيديني باسعارهم اكون شاكرة

حبيبتي والله انا محتارة معاه …
وانا حاسه انه ماراح يقبلونه لان اساسه الانجليزي ضعيف

حبوبه إذا أساسه ضعيف لااا وألف لاا للنقل حرام ,, أكيد انه حان عليكم حبوبه بس لا تطاوعونه ,,
إذا مشى بالانجليزي نص نص شلون بيفهم العلوم ؟
((* إذا عن اقبول في مدارس ممكن تقبله وصراحه تمشيه نجاح وبس ,, لكن أكاديميا مايستفيد وايد *))

وعذريني ماقدر أكتب اسم المدارس اللي ممكن تقبله وتمشيه عندها…

الله يوفقه ويوفق كل من عنده نفس الحاله آمين .