لتخفيف الأعباء الاداريه عن كاهل المعلم

أكد المليفي في وقت سابق على حصر دور المعلم في الحصه فقط دون تكليفه الاعباءالاداريه
وهذا الدليل https://aljaridaonline.com/2011/06/05/94531/

ما بقى شي ونداوم بمدارسنا بس للأسف الى الأن ما شفنا قرار رسمي يلزم الادارات المدرسيه بتطبيقه وبشرط توقيع كافة المعلمين والمعلمات على العلم بهذا القرار .. ما استبعد الادارات المدرسيه وبالذات الحريم اذا وصلتهم نشره بهالخصوص ممكن يخشونها عن المعلمات .. متى راح نشوف المعلمه تكلف بطالباتها فقط !!

اقتراح : ليش ما يوفرون فلوس البونص والكادر حق موظفات يشيلون مناوبة الصبح والفرص والهده والاحتياطات والاشراف اليومي ومربيات الفصول وكل شي ماله علاقه بمهنة المعلم الأساسيه؟؟ اصلا حتى عدد الموظفات ماراح يوصل ربع عدد المعلمات بالمدارس وراح تقل حالات الغياب بشكل كبير فماراح يصير فيه احتياطات

انا وياج بهلاقتراح
مانبي كادرهم خيخلون لهم
حتى البونص مانبي
بس نبي نمسك شغلنه مانبي نمسك فوق شغلنه شغل مو لنه

رفع

انا السنه هذا ما راح امسك مناوبة ولا فرصه ولا مطعم انا مدرسه فقط وبحط القرار بعين الناظرة واذا تليعنت بروح المحكمه الادارية واقاضيها

انا معاج بكل كلمه قلتيها
وان شاء الله خير
وسنه تمر علينا بسهوله يارب

حلوة الفكرة والله

انا هالسنه اول سنه لي كرفوني كرف
وهذا وانا ما اسكت عن حقي
مربية فصل واحتياطات ومناوبات بس بعدين لاعت جبدي قمت ارفض والصدمة انهم ما سوو شي

يكفي الازعاج والحنه والتحريش اللي يسوونه واللعب بالتقارير

نبي نشره رسميه من الوزير ونوقع عليها عشان نقدر نحط هالقرار بعين اللي اكبر من الناظره

دام مافي ورقة رسمية معناته ماراح يتطبق القرار

زين ليش السكوت خلونا نسوي حملة بالفيس بوك والتويتر
نعارض فيها تكليفنا بأعمال فوق طاقتنا!

ليش لا .. مثل ما انتي شايفه مافي تفاعل مع الموضوع مع العلم انه المصلحه للجميع

بنات خلوكم واقعيين

اي حملة فيس بوك وتويتر
محد داري عنكم
لو اضراب جماعي مايوقف لين يعدلون الاوضاع بتشوفون نتيجة
بس منو اللي بيضرب؟ هذا السؤال
يوم اضراب اطالة الدوام 00 انصدمنا ان المدرسات مداومات
مو كان في المصلحة ان احنا نغيب ونركع موضي عشان تلغيه !
منتدى كويتيات بهالقسم اكبر تحلطم وشكاوي على التربية ومع هذا مالنا اي اعتبار
لان مافي شيء بالواقع المحسوس قاعد يصير 00 مغير تشكي على الفاضي

مع اني مبيته النية اني اطلع من التدريس واني ما ادرس لو رفضوا تحويلي او استقالتي
الا اني موقادرة اسكت عن حال هالوزارة السكرانة
مانقول الا محد ماكل هوا الا مدرسات المواد الاساسية بصراحة 00 الحق ينقال
وحسبي الله على هالوزارة وعلى كل اللي مايقدر المعلم

حسبي الله ونعم الوكيل