لبنات شؤون الطلبه والسكرتاريه

السلام عليكم ورحمة الله وبركاته

شلونكم يالغوالي ان شالله بخير
قسم شؤون طلبه والسكرتاريه من أهم الأقسام في المدرسه وللأسف هالقسم ينطبق عليه المثل اللي يقول بالفرح منسين وبالهم مدعوين << مادري اذا قلبت اوحرفت بالمثل .
في مدرستي احنا يالشون طلبه والسكرتاريه كل شي سوينه مابقي غير الله يعزكم انظف حمامات الطالبات وندير الفراشات هذا اللي بقي حتي حصص الأحتياط االلي أهيا من أختصاص المدرسات ناخذ حصص أحتياط يعني الله يسلمكم من الساعه 7:30 لين أخر بنت تطلع من المدرسه وإحنا مثل المكينه شغالين وأخرتها ناظرتنا الموقره تقول انتم ماتسوون شي

عندي حجي وااااايد أن شالله بعدين أفضفض أ لكم وإي وحده من هالتخصص تتفضل وتقول إللي عندهاا

بصراحة جيت على الجرح فعلا مالنا اي معني وعلى طول احنا بوجة الناظرة والوكيلة ماكو فجة اما المعلما ت تحضر حصصها وبعدين تأخذ راحتها الا احنا لا والي ألعن نظرتهم لنا انا ولاشي مع انا شغالين من بداية الدوام لي النهاية اما المعلمات عندهم وقت فراغ اذا غابو الطلبة او خف دوامهم وبصراحة انا لو مو قديمة جان كملت فنصيحة الي تبي المدرس تكون معلمة لا ادارية

وضع شؤون الطلبه يختلف من مدرسه لثانيه بعضهم مدلل والبعض معلل
احنا نستقبل ملفات النقل ونتابع الغياب اللى ماله سالفه اخرالسنه كله نمسحه ولانحرم احد ؟؟؟؟؟؟؟؟؟
وندخل الدرجات واصدار الشهادات
لكن قسم السكرتاريه بس صادر ووارد وكتب الادارة
ومع هذا محسوب علينا بالعدد انهم شؤون طلبه قسم واحد احنا طول السنه حوسه بنات واولياء امور فوق راسنا ومناشبينا لى حطينا لقمه نتفطر عليها نغص من شوفتهم بينما السكرتاريه بكل هدوء يتريقون ومحد يزعجون لاناظرة ولا وكيله
اشرايكم

هلا حبوبه انا مسجلة شئون طلبة سبحان الله احس شئون طلبة احس مليون مرة من سكرتارية

ماادري ليش لان شئون طلبه مو دايم بوجه الناظرة او الوكليه والمدرسات ومرضياتهم ونشرات والحوسة على ماتقولين شي تروح تشكي عليج الوكيلات

على الاقل احتكاك مع اولياء الامور اهون

من احتكاك بالناظرة وفوق هذا الكتب اللي تودينها للمنطقة والمراسل من ساعه 8 يالله خلصتوا وراي مدارس شدعوة

ومايحلي الشغل الادارة الا لما المراسل يجي اطبعي كتب ارسليها المراقب تجيج مدرسة تكفين اطبعي كتاب ودية التوجيه
تجي الوكيلة ودي كتاب للخدمات

وفوق هذا لازم توقع الناظرة كل الكتب تصورينة و وتاخذين نسخ ونسخ والاصلية والمراسل فوق راسج بصوت عالي يصيح

والله عندي شئون الطلبة احسن مليون مره من السكررتارية

امكن لان مدرستنا ضغط على سكرتارية اكثر من شئون

:
:

وآي يآشئون الطلبه صج كرف مو طبيعي
ولوعه جبد ، ومآدري بعد هالزيآده بتينآ والا جذب كـ العآده
انا بمدرسه ابتدآئي ابيع بالمقصف واشراف طآلبآت
واكتب كتب النآظره والوكيله ومن غير اوليآء الامور اللي كل دقيقه
جآي وآحد يطلع بنته وقومي صعدي ونزلي الدرج نآديهم انتي
يعني حتى الفرآشآت مآيروحون انتي اللي روحي
من ادخل المدرسه لحد مآاطلع وانا ع ريولي حتى ريوقي بالحسره علي
اكل شوي الا الجرس الفرصه طآق اروح ابيع المقصف
ارد اشراف وملآحق البنآت العوب ، صج ابتدآئي بس يمه يخرعون
كل وحده لسآنها اطول من الثآنيه
ولا من غير حصص التبديل والاحتيآط ولازم تروحين تدورين المدرسه
عشان تبلغينهآ ان عندها احتيآط او تبديل ، واذا كلش كلش ارتزي عند باب الصف
لين تشرف مدرستهم ، عآد تيج تتسحب يامآسكه كوب نسكافيه والا تيج تتمخطر وتتعلج
صج يرفعون الضغط ولا كآنهآ تدري اني بوقف لحد ماتشرف
واذا خليتيهم بطيح كل شي ع رآسج ، وشنو يسلمج من لسان الوكيله عآد .!
ولا بعد هذا كله آمسكيني اخر سنه ادخال الدرجات البنآت
واقعدي لاحقي المدرسه وتترجينهم عشان يعطونج درجات البنآت والا بتعلن خيرج الوكيله ، وختآمهم مسك حطوني كنترول وآآآآي بغيت انهبل

وفوق هذا كله مافيه اي انصآف ، يشوفونج تكرفين ولا تغيبين ولا يوم
وحالج حال اي وحده ماتدآم الا بالاسبوع مره او مرتين

صج قهررر ،

صج حبوبة بس اذا انتي ماسكة اشراف مالج شغل بالمقصف ولاتاخذين احتياط احنا جذي بمدرستنا

تدرين وربي ان في بنات معانا بنفس القسم شئون طلبة وربي محد يكلمهم وكل شي مانعرف مانعرف واذا قالوا اطبعي كتاب قالت مااشوف واذا تكلمت عليها رئيسه القسم كلتها بقشورها وحولت الشغل علينا

وفوق هذا غياب وتاخير واستئذان وكل شي ماخذته تجي تقعد 3 ساعات تضحك وتسولف وتريق وتلبس العباية وتمشى

ونسولف مع بعض تقول انتم تبون تقييم انا ماابية حلال عليكم اركضوا واشتغلوا انا اهم شي عندي معاش

وسبحان الله المشاكل ماتجيها تجي المساكين اللي يشتغلون ويكرفون كل يوم مصيبة على راسج

وهي مالها شغل واذا عطوها شغل انسحبت منه بكل سهولة

ابي برود اعصابها ياناس