|
|
السلام عليكم بنات -هذي اول مشاركه لي واعذروني اذا كان الاسلوب مومترابط بس مشكلتي لها معاي كم سنه -بالضبط من رديت من الحج -وهي ان دائما عندي احساس بالذنب بان لبس الدراريع قدام الحموان في البيت موعدله وانها ملفته للنظر -خصوصا وانكم تعرفون شلون الدراريع صايره حلوه ومرتبه واحيانا احلى من البدل – فبنات اللي تعرف شي حلو وعملي وانيق ينلبس فوق الدراعه وينزل بسهوله يليت تساعدنا -طبعا انا افرح كثيرا في موسم الشتا لانه في شالات حلوه وانيقه اما في الصيف شنو الحل خصوصا واني فريت السوق ادور شالات لكن معضمها مو عريضه – ودمتم سااااالمين
انا من رايي تلبسين وتكشخين بس فوق بدلتج او فوق دراعتج
البسي عبايه واسعه مفتوحه من قدام عساس تبين اللي لابسته
بس لا تفصخين عباتج ومن تحتها يبين اللي لابسته
واي واد يدخل فجاه حطي شيلتج على وجهج
وادعيلي بالزوج الصالح
اسال الله العظيم ان يتقبل حجتك
نصيحتي لج البسي عباية سوداء مافيها زينه كلش واستري نفسك واذا كنتي بين حريم طلعيها
لان بعض اللبس فتنه وتؤثمين عليه
سهل لبسها وسريع
الشكل ذرب وساتر حيل ماشاء الله
الله يسترنا فوق الارض وتحت الارض ويوم العرض
جزاج الله خير ..
انج فكرتي بالهشي ..
وسبحان االله لازم تفكرين بالهشي ..
" الحمو الموت " ..
البسي عبايه المفتوحه مثل ماقالو الخوات ..
ولا رداء تفصلينه فوق الدراريع شكله حلو وواسع ..
وانتي فصليه بالحركه الي تبينهاا ..
وان شاء الله آكون فدتج بشي ..
الله يثبتج
ويزيدج من فضله
ادعيلي الله يرزق قلبي التقى
واتمنى اني افدج