لبس البيبي في المستشفى

السلام عليكم بنات بما اني بجريه وعليميه ما أعرف شي عندي سؤال عن لبس البيبي في المستشفى شنو ألبسه بالضبط مع العلم اني بسوي استقبال شنو المفروض اشتري له وشنو يلبس بالتفصيل الممل ولادتي انشاءالله راح تكون بالشتا يعني ابي شي حلو وراقي عشان لما يشوفونه عماته ومشكورين

اذا قصدج على اغراض المستشفى للبيبي تحتاجين في اليوم الواحد الي غيارين عباره عن " بيجاما + قبعه+ فانيله داخليه + دسوس + قبعه + مهاد " حطيهم في جيس وكتبي عليهم اسمج ورقم الغرفه وخلي كل مجموعه بروح وتحتاجين فوطه وكنبل حق البيبي و جيس البيبي حق طلعه المستشفى واذا بتورينه حق اهلج وحمولتج .

اخذيلج بيجاما كشخه او ثنتين مع قبعه من جاكادي او وحده من الماركات روحي لحظه من فضلك في المهلب بالسرداب او برج جاسم بالسرداب عندهم كل الماركات ديور بربري كفالي فري ميسوني وتكون ناعمه وبس

لان البيبي في هالعمر ماكو لبس حلو عليه وراح يكبر عليه بسررررررررعه يعني لبسه او ثنتين و ما راح يلبسه مرة ثانية .. بالاضافه الى عمر البيبي ووزنه راح يصير كل شي كبير حتى لو قياسه و مو مرتب وانتي ولادتج في الشتا مو مال تلبسينه بدله وجاكيت .. خليها بيجاما مخمل كشخه والبدله لاحقه عليها حق طلعتج من الاربعين

نفس كلام عود مبخر …

الله يسهل عليج

انا بنت عمي كانت مخيطه حق بنتها
نفنوف ستان عجيييييب من العندليب
اللي بالشمالي حق الاستقبال
ومعاه مهاده وكبوسه وجيسه
طبعا هذا بس حق الاستقبال
غير باجي الاغراض روحي سنتر بوينت
عندهم اطقهم كاااامله حق التبديل العادي

انا بعد بسوي استقبالي بالمستشفى

بس الكل قالي ماله داعي الياهل يكون موجود

وحتى انا رحت كذا استقبال ما يطلعون البيبي

انا احس احسن عن العيون

صح ماله داعي واصلا محد يسويها يحط البيبي وقت الاستقبال لان البيبي ماعنده مناعه اصلا والكل بيقعد يمطخ فيه … بس عبيري تقصد شلون اطلع البيبي حق حمواتها اذا زاروها قبل الناس

حلاته يكون طقم كامل لونه فاتح أوف وايت أو أبيض أو بيبي بلو اذا ولد أو بيبي بنك اذا بنت
وحلاته كامل البدله واللفه (المهاد ) واللفه التريكوه مع القبعه ( حلاته والله )
لأن أكيد الاهل القراب بيكونون موجودين ويشوفون البيبي
وطبعا مايطلع البيبي وقت الاستقبال قبل أو عقب

نسيت أقولج أحلى شي موجود عند لحظه من فضلك (المهلب )
صج غويلي بس يسوى