|
|
قووووووووووووه بنات شلونكم شخباركم انا ابي ادش بالموضوع بسرعه ونبي ردودكم خليكم اذكياء بشروط علي الزوج واهمها 
1سكن خاص : عشان لحد يتدخل بينكم وخاصه اهله وخواته
2يوم واحد بالسبوع الزواره : عشان لا تحتكين فيهم وايد
وتصير مشاكل بعدين3تكملين دراستج للي مو مخلص : لانه والله بنات الريال ما يحترمج الا وانتى قويه لي قطج انتى عندج معاشج وماتحتاجين حق فلان وعلان
4لا يطلعج من شغلج:وهذا اهم شي
5ولج مصروف يعطيج اياه :اكيد قصبن عليه
6ادري بيشق اهدومه
بس والله اهم شي انج تسوقين سياره: عشان انتى ما تحتاجيله وايدالله يوفقكم ويرزفكم ابنوته حلوه اهم شي البنات هههههههههه عشان المصاريف ويعدين تنخطب وتقري موضوعي وتعطين رده لا تبخلون علي الردود
ggdw:
بس فاز علي بموضوع الشغل لوووووووووووووووووووووووول
انا ماااااشترطت شئ بعقد زواجى ومهري كان قران كريم
والحمدلله الله رزقنى بزوج صالح والحياااااة شوي شوي تكيفين زوجج على الاشياء اللي تبينها اما اذا بتشرطين من البدايه ماتبين تزورين اهله الا بشروط ليش ياااقلبي خلج سلسه وانتى متزوجه مو داخله حرب
انا ماقولج لالالاتشرطين بس خلى الشروط معقوله
اي زوج مايبي زوجه تسوق او تشتغل بهالايام هذه معقد
والزواره انا 24 ساعه معاهم لانهم حيل حبوبين وعمري ماشفت منهم شي وبالعكس 24 ساعه يسالون عني
انا تزوجت وباقيلي سنه عالدراسه الحمدلله كملت وتخرجت
من امه يبيني اشتغل لان لاعت جبده مني اكل ونووووم ماكوو هدف وناطره الديوان والله كريم
بالنسبه للمصروف انا اذا اشتغلت مابي مصروووف منه لي بالعكس ابيه حق ولدي يعني مو كل شي علي
والسياره من اول ما خذاني وانا اسوووق بس بفتره اللي ولدت كان كله هو يوديني واييبني لان ماكان عندي خدامه تساعدني فتعودت عالوضع كنت اقووله انتي ودني يقوووولي مو عندج سياره روحي بروووحج ولا ليش شاريه سياره
هو شي حلووو ان بروحي بس ساعات مالي خلق اسوووووق هههههه
الصراحه انا ما شرطت عليه الا شرط 1 واللي هو الدراسه لان اهم شي الشهاده على اساسها بكون مستقبلي اما الباجي اشياء عاديه بالنسبه لي
ويعطييييييج العافيه عالمووووضووع حبوبه
ولازم في مرونة و تنازلات من الطرفين اذا فعلا انتو شارين الرجال و اخلاقه
اعتقد اهم امر هو الدراسة
و الا الباقي كلها امور ثانوية تتغير مع العشرة و مع مرور الوقت
و الزوج اللي يشوف شروط و تحكمات من البداية يقول هذي بتمشي حياتى بالمسطرة و القلم و تبيني على كيفها و ممكن يمشي بالعناد
اهم شيء الدراسة للي مو مكملة دراستها و البنت اللي تبي الستر و تبي رجل خلوق و يخاف الله
الباقي عندها كلها امور بسيطة و قابلة للتغيير مع مرور السنوات
انا بس غلطتي اني ما شرطت سكن خاص مو عشان ما ابيهم بالعكس بس عشان زوجي اتكالي ومكاني ضيج توني هالشهر توسعت صج ليلحين عندهم بس الحمدلله خالتي ذهبه وحبوبه وعمي بعد وحماتي الكبيره متزوجه ويمكن تمشكلت معاها بس صرنا الحين سمن على عسل وحماتي الصغيره تهبل انا حيل معاها وحمواني مابيني وبينهم الا سلام ومو متزوجين
انا الحمدلله اعتبر وفقت بالحموله والحمدلله كسبتهم بطيبتي واهو بعد طيبين
من يحطها هالايام @@
انا اشوف الكل الحين يشتغل ويسوق ويدرس وياخذون اعلى الشهادات بعد
هذي شروط اول اللي البنت كانت محكوره
الحين محد يتشرط جذي
!!
المشكله انه في بعض الامور تكون خاصة وماتصلح لكل الحالات وانتي تبين تعممينها على الكل
سالفة الزيارة مره وحده عشان لاتصير مشاكل
هل كل الحمولات والخالات سبب المشاكل؟؟؟؟؟؟؟؟؟؟ معناتها زوجة اخوج المفروض ماتزور اهلج عشان لاتصير مشاكل لانه اهلج اهل مشاكل عدل؟؟؟؟؟؟؟ اكيد الحين عصبتي عشان الكلام عن اهلج صح؟؟؟؟ عيل لاترضينه على غيرج دام يضايقج
ثاني شغله
عندج معاش حاطته على قلبج وتبين فلوس منه زياده هذا بالاضافه انه مسؤول عن كل امور البيت ولوازمه واليهال و و و و و و غير عنده اهل يحتاجون مساعدته احيانا…ولا هذا غير الاقصاد اللي عليه وغير اجار البيت اللي انتي شارطته انه يكون لج سكن خاص
يعني راح يتنتف…..والله من عذر الرياييل لي طفشوا من بيوتهم
يعني بس انتو تبون تشترون ماركات واحلى لبس وهو بالطقاق كل شغله من المهاره؟؟؟
اذا تبين مصروف طلعي من شغلج واهو يصرف عليج
اما سالفة انج موظفه وكل يوم تاركه البيت للشغل واهو يحط خدامه واخر الشهر تاخذين معاش وتقولين له عطني بعد؟؟؟؟ اسمحيلي هذا اسميه انانية وطمع وجشع
باقي الشروط ماراح ارد عليها
بس ياريت تذكرون المواضيع اللي تحفز البنات انهم يتزوجون ويساعدون ازواجهم مو العكس
اخر شي…دام هالزوج سيء لي هالدرجه ولازم كل هالامور تنكتب بعقد الزواج ليش تتزوجين؟؟؟؟؟؟؟؟ خلج ملكه عند اهلج افضل
اما اذا كان موضوعج من باب الفكاهه فاعتبري الكلام اللي فوق كله كأن لم يكن
اما اذا كان جدي…فالمفروض اكتب اكثر لكن اكتفي بهالقدر
موفقه حبيبتي
|
المشاركة الأصلية كتبت بواسطة كويتيه شقرا
 1سكن خاص : عشان لحد يتدخل بينكم وخاصه اهله وخواته
2يوم واحد بالسبوع الزواره : عشان لا تحتكين فيهم وايد وتصير مشاكل بعدين |
أحـــــــــــس مو شيء إذا طلبت الوحده هالشرطين وخاصه الثاااااني !! .gif "Eh S(1)")
..
وعلى نياتكم ترزقوون ..
صفوا النيه خواتي .. والله راح يرزقكم ..
|
المشاركة الأصلية كتبت بواسطة flamingo
اول شي اسمحيلي ارد عليج
المشكله انه في بعض الامور تكون خاصة وماتصلح لكل الحالات وانتي تبين تعممينها على الكل سالفة الزيارة مره وحده عشان لاتصير مشاكل هل كل الحمولات والخالات سبب المشاكل؟؟؟؟؟؟؟؟؟؟ معناتها زوجة اخوج المفروض ماتزور اهلج عشان لاتصير مشاكل لانه اهلج اهل مشاكل عدل؟؟؟؟؟؟؟ اكيد الحين عصبتي عشان الكلام عن اهلج صح؟؟؟؟ عيل لاترضينه على غيرج دام يضايقج ثاني شغله عندج معاش حاطته على قلبج وتبين فلوس منه زياده هذا بالاضافه انه مسؤول عن كل امور البيت ولوازمه واليهال و و و و و و غير عنده اهل يحتاجون مساعدته احيانا…ولا هذا غير الاقصاد اللي عليه وغير اجار البيت اللي انتي شارطته انه يكون لج سكن خاص يعني راح يتنتف…..والله من عذر الرياييل لي طفشوا من بيوتهم يعني بس انتو تبون تشترون ماركات واحلى لبس وهو بالطقاق كل شغله من المهاره؟؟؟ اذا تبين مصروف طلعي من شغلج واهو يصرف عليج اما سالفة انج موظفه وكل يوم تاركه البيت للشغل واهو يحط خدامه واخر الشهر تاخذين معاش وتقولين له عطني بعد؟؟؟؟ اسمحيلي هذا اسميه انانية وطمع وجشع باقي الشروط ماراح ارد عليها بس ياريت تذكرون المواضيع اللي تحفز البنات انهم يتزوجون ويساعدون ازواجهم مو العكس اخر شي…دام هالزوج سيء لي هالدرجه ولازم كل هالامور تنكتب بعقد الزواج ليش تتزوجين؟؟؟؟؟؟؟؟ خلج ملكه عند اهلج افضل اما اذا كان موضوعج من باب الفكاهه فاعتبري الكلام اللي فوق كله كأن لم يكن اما اذا كان جدي…فالمفروض اكتب اكثر لكن اكتفي بهالقدر موفقه حبيبتي |
عجبني كلامج