|
السلام عليكم خواتى ….
لا يطوفكم هالكريم حق اليهال ..خاصة حق الحفاظات ..عجييييييييييب و عن تجربة ..لى صار فيى طفح ..ما ياخذ له أكثر من يوم و يعالجه …هو كان موجود بالجمعيات بلون وردى العلبة و الكريم ..و الحين وقفو لأنهم غيرو اللون مال العلبة …و ميزته إنه مو دبق و لزج و يلوع الجبد مثل الباجى ..جنه مخمل
مشكورة أحلى الجياكر يعني باي جمعية القاه ؟ موجود بالصيدليات ؟
بنتي مسكينة صار لها ثلاث ايام حطيت كل الكريمات حتى الزيت بالنشا وما نفع وياها
غيرت الحفاظات
ما كو فايدة
بجرب هذا لعل وعسى يفيدها باذن الله
ما تعرفين كريم زين حق الاكزيما
وسلامات …
بس أخاف هالكريم متروس كورتيزون؟؟؟؟؟؟
مشكورة حبوبة
المشاركة الأصلية كتبت بواسطة سبائك
مشكووووووووووره يا أحلاهم
ما تعرفين كريم زين حق الاكزيما |
حبيبتي سبائك انا اعاني من هالمشكلة كل عيالي فيهم بعد عمري ولدي توه عمره شهرين
وويهة كله اكزيما بس والله على الله و على كريم ديكوبال رهييييب هالكريم صج صج عجيب يطري
البشره و يروح الاكزيما تلقينه بالصيدليةوجربيه وادعيلي
انا استخدمه لعيالي مو علشان الاكزيما بس علشان جلدهم فيه جفاف وصاير خشن بس ما شاء الله هالكريم نعم لهم جسمهم البنت والولد
وفي منه للكبار كريم لليل وكريم للنهار
بنات يمدحون كريم الراعي الي بالجمعيه
الي على الغطا صورة راعي و عزكم الله جلب
أم جورى
هالكريم المفروض يكون موجود الحين …لأن من زمان قطعوه عشان يعدلون الباكج …..المهم ..مكانه يم البامبرز و كريمات و شامبوات اليهال …
سبائك
والله ما أعرف حبيبتى كريم حق الأكزيما ….سامحينى
و الشكر لكل من مر الموضوع …
حتى أنا كنت ميته عليه و الحمدلله صارت قطعته على وقت قطت بنتى البامبرز ..أشوا و بعدين و أنا حامل بآخر بيبى كنت بالبحرين أشترى شغلة من الجمعية و كانت مفتوحة عليها صيدليه و قلت خلا أطل أشوف شعندهم ..ولا ألقاهم مصفصفين جان أخمهم كلهم يمكن 10…و كاهم قاعدة أستخدمهم بتقشف