|
|
يا بنات ضروري انكم تساعدوني المشكله زادة عن حدها
عندي بنت اخت عنيده وراسها يابس المهم انها متفرعنه على اخوانها وتشتمهم طبعا الام مستخدم معاها اسلوب الطق والترهيب انا دايمن اقولها هذا غلط بس للاسف البنت صج ما تنعطى وجه والفاظها يا الله ما ادري من وين سامعتها
ايدها اطويله على اخوانها واسلوبها بالتعامل مع الاخرين حقير بعض الشي
ما ترضا احد ياخذ منها شي ولا ترضا احد يقولها انتي غلط تسوي حركات صبيانيه وحقيره ودج تذبحينها اهي لو بنتي والله جان من زمان ذابحتها
البت عمرها 6 سنوات
واخوانها واحد 7 سنوات و8 سنوات
يعني اهي البنت على ولدين اوكي معاي
البنت وايد قليلت ادب مع الاخرين ما ندري اشلون انتعامل معاها
محد يقدر عليها الا امها والام الله يا كافي كبريت تحطها وطقها وتلعن خيرها بس بعد ماكو فايده
استخدمنا معاها حبيبتي حياتي قلبي البنت تمادت في قلت الادب
شنسوي معاها ابي صج صج وعن جد دكتور خاص
ولكم جزيل الشكر والامتنات
|
المشاركة الأصلية كتبت بواسطة ام عمار
 رأيي تستشيري دكتور نفسي للأطفال
|
والله انا قلت لامها بس الله يهديها مو راضيه تقولي بنتي ما فيها الا العافيه
البت كاسره خاطري
quote]
مشكوره يا ام عبداللطيف ادعيلي اني اشوف حل حق بنت اختي والله خايفه عليها
الله يهديها ويصلحها
بس البنت تبي تلفت الانتباه بهالطريقة
لو واحد من اخوانها لما تطقه يحطها و يغسل شراعها راح تخاف منه و ما تقرب منه بعد هالمرة
انا بصراحة مو مع اللي قولون ان اسلوب الضرب يعقد
اهلنا طقونا لما قلنا بس و لله الحمد من احسن الناس و بشهادة الكل
انا مو مع الطق على كل شي
بس بصراحة انا احيانا اطق عيالي اذا تمادوا في الشي الغلط و كرروه بعد ما احذرهم
انا اقول خلي اخوانها يدافعون عن روحهم بعد
و البنت ماكو شي اسمه محد يقدر عليها
و اهم شي لا تقولون جدامها انها عصبية و عنيدة و محد يقدر عليها ترى راح تصدق روحها و تزيد
شوفي تزعل عليها بدون طق ولا زف حقران بس
يعني اذا جت تبي شي تقولها اللي مايساعد اخوانه مانتعاون معاه
والله ولد اخوي ينطق طق ويتعاقب ماكو فايده فيه
وكلنا جرنا خبراتنا فيه ولانفع الا حل سبحان الله بالصدفه طلع معاي
ما اتذكر شنو عصبت سوى وقلت له انا اوريك انت اللي اخترت
عقبها كنت اسوي كبه بالمطبخ والجهال يموتون عليها قالي عميمه ابي قلت له اسفه احنا نكلمك بس مانتعاون معاك قعد يضحك منصدم
مو متوقع اني ارده عن الاكل لانه مو من طبعي الا الاكل
المهم تردد علي اكثر من مره قلت له الله خلقنا مجمع متعاون بس انت ماتبي تتعاون معانا واحنا ققررنا مانتعاون معاك الا اذا تغيرت
انجن عميه طرشيني شنو تبين قلت له ما ابيك تقول ولا كلمه بختبرك جم يوم
والله من عقبها انضبك ميه ميه
خليها تعودها على التعاون وتحملها مسؤليه صغيرونه حيل
يعني حبيبتي بدخل الحمام خلي فلان عندج انتي امه ديري بالج عليه حبيبتي
هنيه بتحس انها كبيره ولها قدرها
او يله يافلانه امشي ساعديني بنرتب الكبت
وتشاورها وتعطي لها حرية ابداء الراي
يعني هذا نعطيه للفقراء والا تبينه تتعود انها تكون محبوبه
تفرغ طاقاتها وتنمي عندها حس المسوليه
اذا ضايقتها تهددها والله ما تروحين معانا الجمعيه مثلا واذا ما نفع اخذ اخوانها واخليها بالبيت , ما تشتري لها الاشياء الي تحبها من شنطه وهالسوالف يمكن ينفع معاها