|
|
مساء الخير لجميع العرايس الحلوين..عساكم طيبين وبخير؟
وانا احوس بالمنتديات .. ابي شي يونسني ينسيني لوية العرس وحوسته تعبت وانا ازهب
وازهب وازهب وازهب من السنه الي طافت وانا ازهب ههههه ولا الحين احس ناقصني اشياء ؟؟ منو مثلي !!
الموووهم
… قريت هالقصيده وونستني وضحكتني ^_^
وحبيت اشارككم فيها ,,,, تفضلو
لاتحسبين العرس توفي و كتكات … ولا تحسبينه توكس والا بونتي
ولا تحسبين العر س كيكة و طورطات… وصلة قطعتيها ووصلة بلعتي
ولاتحسبين العرس تصفيق و اصوات … وانتي على صوت الغطاريف همتي
ولاتحسبين العرس كوشة و لمبات … وانتي كما الطاووس فيها جلستي
ولاتحسبين العرس احلام في الشات … ياما بنيتيها وياما هدمتي
ولا تحسبين العرس روحة و جيات … هيا اقضبي بيتك عسى ما انهبلتي
ليلة سعيدة وانتي احلى الجميلات … تشخص عيون الناس اذا حضرت
(واللاينر) حطيه بلا زيادات … لا يخترب المكياج اذا دمعتي
(والمسكرة) تحتاج لطف ومدارات … حتى يبان ازين اذا غمضتي
(والاسبريه ) رشيه حتى البصيلات … يمسك شعرك زين ولو كان زدتي
وترى (المحدد) فن يحتاج رسمات … يبان رسمه زين اذا ابتسمتي
العرس يابنية ماهو شعارات … تفنى مراسيمه وتبقين انتي
ويبقى شريك العمر راعي الطويلات … هذا هو العرس الحقيقي عرفتي؟
اول نصيحة لك حفظ الصلوات … صلي العشا و الفجر في كل وقتي
وفي ليلة العرس الموفق وبالذات … ادعي الكريم الله اذا سجدتي
والتعري لاترضين عند الكوفيرات … و لبسك يملي العين اذا لبستي
واللي على زوجك تحرضك مرات … ارجوك شوتيها شوتت بلنتي
والصبر في العشرة حتى على فتات … ياماحلا فعلتك يومك صبرتي
واذا حفظت السر مع المدارات … زوجك ترى في عيونه انتي كبرتي
والسوق يعني هاه وقت الضرورات … والاترى زوجك يدور لمفتي
زيدي الغطاية وكثري في العبايات … والله يرضى عنك اذا سترتي
اوصيك بالمكبوس وكثر اليدامات … حتى لوانك من سببها متنتي
وخلي الرجيم اللي فشلتي فيه مرات … سويه مرة واحدة لا ولدتي
يسلمووو ياقلبي جد ونستينااا ..
ميرسي
الله يوفقنا جميعا
تسلمين على مرورج القميل ^_^
فديت الانام ع الطرح الممتع
وشكرا على النقل الممتع
صح لسااانج
صح لسانك
وتسلمين حبوبه
لاهنتي عالنقل
وناسه ونستكم ^_^
شكرا على ردودكم القميله حبايبي والله يوفقنا كلنا
يعطيج العافيه