|
|
بما اني ماخذه فتره بريك من الدراسه والهم والغم
فصارلي جم يوم ما افارق هالقسم خير شر
لفتت تظري شغله انه كلما ما وحدة تكتب مشكلتها او تبي استشاره يكون الرد بطريقه( التغذيه السلبيه ) يعني 70 او 80 بالاميه من الردود تكون ضد الوحدة او بمعنى انه ينقزونها ويعاتبونها علشان لاتخرب بيتها ….. وهذا طبعا اكيد محد يبيه ولا ودة فيه
خل اعطيكم امثله
1- لما الوحدة تكتب ان ريلها يخونها >>>> لازم غصبا عليها تتحمله علشان عيالها >>>او اكيد فيها نقص او عله مايخونها بدون سبب مستحيل
2- لما وحدة تكتب زهقت ريلي بخيل >>>> ميخالف اهيه تصرف على روحها من معاشها تتحمل لازم تتحمل
3- لما الوحدة تكتب ام ريلي ميننتني تتدخل بكل صغيره وكبيره حياتي حجيم>>>>>>> دام ريلج زين تحملي في ناس ازود منج
4-لما الوحدة تكتب اهل زوجي هاجريني من سنين ولايسالون ولايدرون عن هوا داري >>>> احسلج افتكيتي من مشاكل الحموله
5- لما الوحدة تكتب زوجي مايعطيني حقي الشرعي >>>>> اشفيج مشفوحة الركادة زينه
6- لما الوحدة تشتكي انه ريلها كلش مايطلعها وازهقت من الطلعات بروحها >>>>عادي طلعي مع رفيجاتج وامج وخواتج
7_ لما الوحدة تكتب لاعت جبدي ريلي 24 ساعه مجابلني مللني >>>>>حمدي ربج غيرج مايدرون عنهم رياييلهم
وبالمقابل لازم المره تكون بيرفكت كامله والكامل الله 24 ساعه حافه اتينن مرتبه بيتها يلق ويسطع من النظافه طباخه ماهرة
زقرررررت ووالاظافر ورديه والشعر كل اسبوع نيو لوك وتتحملين كل انواع السب والشتم سواء من ام الريل ولا من زلات الريل ولا من الحموله بكبرها
+ تتغاضين وتكونين متسامحه ومهما يصير فيج تبتسمين وتتقبلين كل شي بصدر رحب تبلعين لساااااااااااااااااااااااانج بلع ولاكلمه كل شي حاظر ان شاء الله اوامركم مطاعه
شنو النتايج
هل الريل راح يتخلى عن الفنيله والمكسر بالبيت ؟؟؟؟؟؟؟؟
هل ام الريل راح تعتبر جنتها وتعاملها مثل بناتها (بالمشمش باحلام اليقضه)
هل راح الريل يكشخلج ويسويلج سبايكي بالبيت ويتعطرلج 24 ساعه باليوم
هل حمواتج بحوفونج حوووف ويعتبرونج مثل اختهم ويحطونج على روسهم
هل راح يتغاضوون عن ابسط الحركات اللي تطلع عفويه منج
_____________________________________
صدقوني والله لو ان الناس شايفه بهالاشياء حلول حق حياتهم جان الناس كلها عاشت بجنه وسعادة ونعيم
وهل الحياه بتصير طبيعيه لو بتصير بيرفكت جذيه طبعا لا الحياه حلاتها بالمد والجزر والبهارات
الزبدة
يابنااااااااااات والله هذي ردة فعل طبيعيه كل كل انسان طبيعي ومايعاني من اي خلل نفسي وعقلي هذي الطبيعه البشريه
عادي الوحدة تفضفض وتشتكي وتتناجر وتعصب وتتذمر من هالاشياء البسيطه اللي انا كتبتها والله كلها تنفز وتهز الوحدة لاتقولولي شي بسييييييييييييط عادي خل تتحمل
ولا اقول تطلقوووو وصيرو دياجه بالبيت 24 ساعه هواش
مافيها شي اذا الوحدة ازعلت وعصبت وبينت اللي مضايقها واللي على قولتها الريل بيمل ويزهق من الحنه خل يطق راسه بالف طوووفه ويشرب ماي البحر بعد
لان الشي اللي غاثني لو انتي تسوين وحدة من هالنقاط اللي انا كاتبتها حتى ماي زمزم مايطهرج انسي
يعني مثلا لو الوحدة تهجر ريلها و24 ساعه هايته 100% يابطلقها ويابحط على راسها وحدة ثانيه
ادري قرقت وحنيت وايد بس من حرت مافيني على بعض الردود القاسيه من بعض البنات
يالله كل وحدة تدش ياتفش خلئها ياتزفني ويحوشني طشااااار .gif "Eh S(4)")