|
|
السلام عليكم
اقسم بالله العظيم ان هالقصه حقيقيه وصارت لوحده عزيزة علي
وانا راح اقولكم السالفه حتى الكل يستفيد وياخذ العبرة والعظة منها والله يبعدكم عن الحساد
ولا تحرموووني من ردودكم الحلوه
كاانت صديقتي تعيش مع زوجها حياه حلوه والكل مرتاح من الثاني رزقهم الله ببنت وولد بس اهي فيها غيره على زوجها وبعض الشك مع انها عارفه انه انسان ماشي عدل وماعنده خرابيط واخذت تسولف قدام خواتها انه يمكن يعرف وحده بدوامه ا>>لان بحكم دوامه لازم معاه حريم<<<<
ابتدت المشكله بعد ولادة بنتها >>الطفل الثاني<<
اشلون؟؟ قبل لاتولد بفترة كان زوجها راد من دوامه امبجر اشوي فدق تلفونه وشاف الرقم وطلع بره الشقه
>>نزل تحت فبيت الحمولة<<ورد عالتلفون وشكت المره فالموضوع >>
وانتوا عارفين قلب المره << ورد الشقة مره ثانيه فسألت زوجته منو قالها الدوام سوت نفسها امصدقه ونطرت ليم دش الحمام وانتوا بكرامه وسيده عالتلفون وجيكت واخذت الرقم وسيفته عندها بس مادقت
المهم اولدت بنتها واهي بالمستشفى دقت الرقم منتلفون المستشفى وردت عليها وحده >>امبيييه جاها الموت وحست الدنيا صارت سود وداست على قلبها واسكتت ليم يجي الوقت المناسب
بعد النفاس وطلعتها من الاربعين كانت في عشر الاواخر عايشين حياتهم طبيعيه
وكانت تدعي ربها ليل ونهار انه يكشف كل مستور
اول العيد قاعدين ومستانسين وصلوا صلاة العيد
وقعد بالدوانيه يستقبل الناس رجعلها الظهر جاي تعبان
وقالها :اناتعبان بروح اتسبح
الله فرصتها الحين سبحان الله جاله مسج تقوللي مادري اشلون تجرأت وفتحت المسج
الا المصيبه اللي كنت متوقعتها
(( كل عام وانت بخير ))
اطالع الرقم الا بون اسم جيكت الرقم اللي عندي طلع نسفسه رقم وحده
ماقدرت ياشموخ امسك نفسي احس اديني ترجف ومو متخيله انه يسوي جذيه لانه اهو رجال بمعنى الكلمه
انهرت الا شي
نطرته ليم طلع من الحمام ولبس وكشخ وشاف مزاجي منقلب فوق تحت
>>بنات بتكلم على لسانه افضل <<
قالت : ابو فلان ابيك بموضوع
قال : موضوع خير انشالله
قالت :بسئلك سؤال انت تحبني
قال :ايه شالمناسبه !!!!!
قالت :احلف …………حلف الاخ واقسم انه يحبها
عطني تلفونك
قال : ليش ؟؟!!!
قالت :ابيه اشوي ..وطلعت المسج قالت هذا شنو
قال:رفيجي
قالت:لألألأ ماتخاف من الله تجذب على زوجتك
المهم مني مناك وحلف تحريم ان مابينهم اي علاقه وهي معاه في الدوام وهو مرؤؤوسها …
في النهايه صدقت ومشت الحياه
الاخت مااكتمت هالسالفه
وراحت قالت لخواتها وتعرفون سوالف الحريم ايه (الرياجيل مامنهم ومن هالسوالف)
وحده من خواتها حطت الموضوع في راسها وعرفت ان اختها تموت على زوجها وتغارعليه بجنون
وراحت الايام والشهور
دقت عليها اختها الظهر كان ويك ايند
اختها :آلو قوه ام ح اشلونج وشلون عيالج
ام ح: هلا يالغاليه الحمد الله بخير ياقلبي
اختها :منو عندج؟
ام ح:ابو ح قاعدين تدرين اليوم عطله (الخميس)
اختها : ابسألج سؤال بس روحي بعيد عن زوججج
ام ح: انشالله امري اشفيج
اختها : والله انا ذابحني زوجي وراعي حريم ابي رقم وحده تفتش (يعني تخظ >>تقط الفال <<
ام ح : احنا مانعرف هالسوالف وامنا ماعودتنا على هالشي
اختها :ادري بس انتي قلتيلي قبل فتره عن وحده بالدوا متعرف هالشغلات
ام ح: تعوذي من الشيطان وخلي عنج هالسوالف
واخذت تبجي وتصيح حياتي بتنهدم وانتي راح تشيلين ذنبي
ام ح ….عورها قلبها على اختها اللي اكبر منها جان تقول شاللي تبينه
اختها: دقي على رفيجتج وسئليها
ام ح: مستحيل اشراح تقول عني وبتاخذ فكره موزينه عنا دقي انتي عليها
وآخر شي استسلمت ام ح لاختها ونفذت ظلبها
دقت ام ح على رفيجتها وقالت لها الموضوع كذا كذا واختي مضطره واتعبت من زوجها قالت انشالله ولا يهمج
عطتها الرقم
دقت على اختها وعطتها الرقم وسكرته
بعد ربع ساعه دقت الاخت وقالت:شفتي يام ح طلع شكي في محله دقيت عالساحره وقالت زوجج يخونج وراعي قعدات
مع حريم وسوالف ماتنقال وسألتها عن زوجج وطلعت بلاويه بلاوي هالسكوتي انصدمت ام ح مومستوعبه الموضوع وزوجها بالصاله وقالتلها اختها اذا مومصدقه دقي عليها وسألي رفيجتج
البنت مصدومه فعلا مستحيييل اختي بنت امي وابوي تجذب علي
اكيد خايفه على مصلحتي
المره اللي قاعده مع زوجها ومستانسين عالاخر جيتها عاصفه ودمرتها بثواني
راحت ودقت على رفيجتها: فلانه الله يخليج ساعديني روحي عند الساحره وكلميني عندها اكيد اتعرفج وتقولج الصج وتكلمني
الصديقة :انشالله ولا يهمج اروحلها الحين وكان الظهر
اخذت تنطر على نار ودقت رفيجتها :آلو ام ح كلمي الساحره
الساحره: هلا يمه هلا حبيبتي عطيني اسمج واسم امج وقطت الفال
وووااي واي الله يعينج ياحبيبتي والله لنج مسكينه وعلى نياتج وما تستاهلين اللي يصيرلج
ام ح: شنواشيييج
اساحره : آآآآه من زوجج لاعب لعب وقاص عليج
ام ح : ليش زوجي مافيه شي يحبني
الساحره: ههههههه يحبج اقص ايدي يابنتي انتي غلبانه وبس مابي اقولج اشفيه عيشي بالجذبه الله يعينج
ام ح : لأ لازم تقوللي شالسالفه
الساحره : حبيبتي زوجج راعي قعدات وسهرات وحريم وشرب
ام ح: هههه اشلون يسهر وهو مايتاخر وشلون يشرب وهو مافيه ريحه
الساحره خليج انتي امدمغه ماتعرفينهم لي بغوا الشي يوصلونه ومحد يمسك عليهم شي
حبايبي انا راجعه جاني الغالي
لاتبخلون علي بالتعليقات والردود
عشان اقدر اكمل
ماراح اطول
أهي يعني سلمت امرهاا لسحرهاا يعني عذااااااااااب باجر بنار مالت ع الرجال اللي اندور ورااه سحوره
امبي في ناس بهالوقت يتعاملون مع سحره
ربي لا تغضب علينا
راح تعرفون ان الحسد اهو السبب
خسرت دينها بسبة الاتجاه للساحرة
وبعدين حبيبتي كملي اشصار؟
ولا هالتعلق ..
تبي تخرب بيتها وكشوفوها وتحسبو عليها واكيد من ورى دعائهم جتها جلطة وماتت اي دعوة المظلوم ماااااا تروح
وعاشت اهي وزوجها بسبات ونبات وخلفووووووو صبيان وبنات وخلصة وملصة وجت الدجاجة وعنفصت ………..صح
انزين شنو خلااااصة القصة ؟؟
اننا ناخذ حذرنا واحتياطاتنا من اخواتنا ويمكن امهاتنا لان ماعندهم شغل وفاضيييييييين وحسدونا على عيشتنا
وتلبستهم الارواح الشريرة يبون يخربون علينا حياتنا وسعادتنا حشى مو اهل .gif "Eh S(1)")
عدوووووان