لاتبخلون علي بالنصيحة!!!

مررررررررررررررررررحبا كويتيات انا عضوة يديدة بالمنتدى اول مااشتركت كنت بس ارد على المواضيع بس طحت بمشكلة مع زوجي وقلت مالي الا خواتي بالمنتدى

المهم مشكلتي مع زوجي انه كان توه راجع من السفر سفرته كانت يوم لان كان عنده شغل ورد هو لما رجع من السفر كان معي زين وكان مشتاقلي ومافيه شي بس لما قعدنا من النوم قلتله وين رايح قال ابي اروح اسلم على امي قلت انطر خلنا نتريق وبعدين روح سلم على امك هي الحين نايمة قال لا ابي اروح وارجع على الغدا وكان يكلمني بعصبية انتي شفيج ؟قلت انت الي شفيك وليه كل العصبية قال ابي اروح للسوق قلت okابي اروح معاك قال لا سيارتي ماضمنها توقف فينا وابتلش فيج قلت يبا انت تبي تروح لخخخخخخخخخخخخخرابيطك قال شقصدج انا رايح ادور البنات وضربني على ايدي ورجلي بالعقال والحين انا وياه متزاعلين ولااكلمه ولايكلمني قولولي منو الغلطان وشنو الحل امانة بنات ردو علي ولاتطنشوني والله محتاجة احد يكلمني واسفة على الاطالة

محد فيكم غلطان بس الظاهر الاسلوب اللي بينكم غلط
حبوبه احترمي ريلج عشان يحترمج ماقدر اقول غير جذي

حبيبتى مرات الرياييل لم يقعدون من النوم يكونون نفسيه وانتى جان عطيتيه مجال وبعدين اول مارد كان مافي شي يعنى انتى اللي نرفزتيه تعوذى من ابليس بس هم اهو غلط يوم مد ايده قعدى معاه وتكلموا باللي صار ولا تكبرون السالفه لانها ماتستاهل

مشكورة على الرد بس شسوي الحين ؟اروح اكلمه وهو طاقني والا شنو اسوي محتاجة بعد لردودكم

حبيبتى قومى وكشخى وميك اب ونطرى لم يرد وحاولى تدلعين عليه ولم يهدى ويكلمج قوليله انج تضايقتى من اللي سواه اليوم وان مايكررها مره ثانيه وانشالله الله يهدى لج

قومي كشخي واتعطري وبخري بيتج ونطريه لين يرجع
شوفي نفسيته شلون طبعا سئليه اي سؤال مثلا تبي عشا تبي شي ماشيات عشان تعرفين نفسيته اشلون
اذا حسيتي انه طاخ
قوليله ممكن اكلمك بدون عصبيه او زعل واذا اتضايق سكتي لاتتكلمين
اذا عطاج مجال قوليله ليش معاملتك جذي معاي .. في شي مو عاجبك باسلوبي او بتصرفاتي ..
ابيك تجاوبني بكل صراحه .. وماراح ازعل ..
اذا قالج ماكو شي .. ردي قوليله بس بدون حنه خلج راكده واتكلمي بجديه وشوية دلع يعني لا تتميعين مره وحده ولا تكونين جامده مره وحده بينيله انج مكسوره و متاثره من ردة فعله
بعدين قوليله ترى مهما كان السبب ماتوقع في شي يسوى انك تمد ايدك علي في طريقه احسن من جذي للتفاهم .. حتى لو اسلوبي ماعجبك قولي زفني هاوشني بس لاتطقني ..
وانا لو ما احبك ما اتمنى اروح معاك كل مكان بس انت جرحتني وماتوقعت توصل لي هالدرجه ..
ومن هالكلام ..
نصيحه لاتعودين زوجج على الجفا ترى اذا تعود انه يزعل ومايكلمج راح يغط عندج بالايام ويكشت فيج خليه يتحسف ويانبه ظميره على اللي سواه صدقيني الاسلوب الحلو والدلع يغير الريال 180 درجه

أنتي غلطانة ،
الرجال توه جاي وماقصرمعاك ، وقالك بيروح لأمه وانتي نشبتي له ! وفوق هذا غلطتي عليه !!!!!!؟؟؟
اذا انتي صايدة عليه شي من قبل ماتنلامين بس مو وقته هالكلام !

ام ابيها رزمانة 2024مشكورين حبايبي على الرد بس ماتحسون انه مافيها كرامة لو اروح انا واراضيه السالفة فيها طق

لا عمري شيلي هالفكره من راسج كرامه وما كرامه بين الريال ومرته مافي شي اسمه كرامه خصوصا ان زوجج مو متعود على هالشي
يعني لو كل يوم يطق وينفس نقول كرامه بس الريال واضح انه طلع من طوره وانتي قلتيله خرابيطك يعني كلش ماحترمتيه وجرحتي كرامته خصوصا انج مو صايده عليه شي هاذي غلطه منج واهو بعد غلط يوم انه طقج بس اهو ماطق بدون سبب واتوقع انه ماطقج حيل بس عصب من كلمتاج وبغى يأدبج شوي عشان لاتعيدينها ترى الرياييل مايحبون هالاسلوب .. صدقيني باجر بيفكر يسوي هالسوالف صج بس عشان يكسر عينج وعشانج ظلمتيه بيقول اسويها صج احسن ماتقط علي حجي وانا مو مسوي شي .. عدل ولا لا ..؟؟
قومي تسنعي الحين بسرعه و صفصفي الحجي لاتخلين ريلج ينام زعلان بينيله انه ماكان قصدج تغلطين عليه وبنفس الوقت ناقشيه بسالفة الطق قوليله لو شنو كان بينا ماتطقني باسلوب دلع طبعا مو نجره
صدقيني راح تكبرين بعينه

اثنيناتكم الغلطانين.
انتي شفتيه معصب تقومين تواجهينه بشكج فيه على ان عنده خرابيط و اهو بيطلع و نفسيته خايسه ليش؟ لو تبين تكلمينه او تصارحينه بشكوكج و مخاوفج كان من الافضل لو انج اخترتي وقت ثاني.
و اهو غلطان على مد ايده عليج .. مو طريقة هاذي تكلمينه بقلة احترام و اهو يرد بقلة احترام يعني اي مثال تعطونه لعيالكم و اي حياة زوجيه تبينها لكم؟ انتي ماعندج دليل مادي على انه بيروح لخرابيط او بيروح لأمه لكن المفروض انج تثقين بكلمته لي قالج انا رايح هالمكان لكن اذا كان خانج او سوى شي غلط بالماضي و انتي كل شوي تيبيين طاري اللي كان فيمكن انتي ما سامحتيه و محتاجين تتفاهمون مع بعض لكن بوقت ثاني لما تكونون مستعدين نفسيا.

حبيبتي امابيها اللي خلاني اقوله هالكلام ادري انه عنده خرابيط مع بنات الشات واللي اكدلي هالشي عصبيته

وين الردود ليه مطنشيني

الله يهديكم

الله يهديكم ويسخركم لبعض

بس طريقتج كلش مو حلوه يعني بدال ما تسكتين وتخلينه يشوف شغله ولارجع كلمتيه وقلتيله اليوم انت مو عاجبني احسن من تهاوشينه وتتناجرون

انتي كلمتج قوية الصراحه (يبا انت تبي تروح لخخخخخخخخخخخخخرابيطك ) استفزيتي الريال ,, واهو غلطان لما مد ايده