كيف نعالج البلبل إذا فيه جرح برجله؟؟؟

السلام عليكم جميعاً

ياليت تساعدوني
عندي بلبل عزيز على قلبي عندي من سنين
من يومين لاحظت إنه يرفع رجله و حسيت إن في شيء غير طبيعي
اليوم انتبهت إن رجله متورمة
أخذته و دققت في رجله
كان في خيط صغير ماسك برجله و أعتقد شد الخيط على رجله فسبب الورم
بدأت أحاول أبعد عن رجله الخيط
لكن لأن رجله متورمة الخيط داخل بطريقة صعب عليّ أشيله
في النهاية قدرت أقطع جزء من الخيط و توقفت لما شفت الدم يطلع منه

ساعدوني كيف أطهر المكان و أنظفه حتى لا يتعرض البلبل لمشاكل
و إذا أحد يعرف طريقة لعلاج الجروح بالطيور يساعدني
و اللي ما يعرف على الأقل يدعي للبلبل بالشفاء

يارب يتشافى انشالله

هلا والله انا ماعندي فكره بس ضيقتي خلقي وسألت لج زوجي

يقول في دوى ازرق اسمه يود تحطينه علشان يوقف الدم ((هذا اول شي))
((ثاني شي))
دوم الطيور يحوشهم مثل التهابات بالريل فيتورم من غير ولا شي
((ثالث شي))
ودي الطير الدهماء الي مقابيل سوق الحمام عند البيطري يعطونه مضادات علشان يخف الورم
وبذن الله يطيب ويتربى بعزج مع تحيات بوناصر لوووووووووووووووول
عاد اذا طاب لاتنسيني ادعيلي ايب ناصر

احضرى صبغة يود مخفف من الصيدلية البشرى وضعيه على مكان الجرح بقطنة وطهريه مع دهان مرهم مضاد حيوى من نفس الصيدلية

اناااا ماعندي شي اقووولة

غيير الله يشاااافية ويعااافية

وديه البيطري ..
الله يشــافيه يــااارب ..

مشكورين على المرور و الافادة و دعواتكم الحلوة
شريت يود المُطهر
و حسيت اليوم إنه بحالة أفضل مع إنه ما زال يرفع رجله -أكيد يتألم منها
الورم خف
و إن شاء الله تتحسن حالته أكثر و أكثر

و إذا أحد عنده معلومات لنمو الريش بالطيور
لأني لما حاولت أعالجه تساقط منه ريش كثيييير و شكله صار غريب
إذا تعرفوا طعام و أكل يساعد في نمو الريش و بعد يقويّ البلبل

أدعو لكن جميعاً بكل خير
و الأخت "ملاك زوجي" دعوت لك بقلب صادق و الله يستجيب دعوتي

مع السلامة

ثاااانكس حياتي

سألت زوجي عن الريش يقول صوب سوق الايرانين وقولي له ابي الاكل حق الريش وبيعطيج او روحي الدهماء

مشكوووورة عيوني على الرد
الحقيقة إني ما أقدر أروح المكان اللي قلتي عليه
فإذا في أكل أقدر أقدمه للبلبل و من البيت
طبعاً أنا أشتري أكل خاص للبلابل و بعد أقدم له فواكه و خضراوات
يمكن أماكن بيع الطيور اللي أعرفها عندهم الأكل الي قلتي عليه
إن شاء الله خير
و تسلمي و ربي يحقق لك كل ما تتمني