كيفية صلاة الاستخارة

السلام عليكم ورحمة الله وبركاته
شلونكم خواتي
حبيباتي الغاليات ياليت اللي تعرف شلون تصلي صلاة الاستخارة تفيدني
وتكتبلي الدعاء مال صلاة الأستخارة
ويزاها الله الف خير اللي تعلمني

وعليكم السلام ورحمة الله وبركاته

هلا وغلا اختي

يشرفني ارد عليج واساعدج

هذا الدعاء تقولينه بعد ما تصلين ركعتين وتدعين ربج فيه والله يوفقج يارب

دعاء صلاة الاستخاره :
اللهم اني استخيرك بعلمك واستقدرك بقدرتك
وأسألك من فضلك العظيم فإنك تقدر ولا اقدر وتعلم ولا اعلم
وانت علام الغيوب اللهم ان كنت تعلم أن هذا الأمر (( تسمين حاجتك ))(يعني تقولين الشي اللي انتي محتاره فيه)
خير لي في ديني ومعاشي وعاقبة امري فإقدره لي ثم بارك لي فيه
وإن كنت تعلم أن هذا الامر شر لي في ديني ومعاشي وعاقبة امري
فاصرفه عني واصرفني عنه
واقدر لي الخير حيث كان ثم ارضني به

——————————————-

وماندم من استخار الخالق وشاور المخلوقين المؤمنين وتثبت امره فقد قال سبحانه "( وشاوروهم في الامر فاذا عزمت فتوكل على الله )"

والله يوفقج بدنيتج

طبعا قبل لا اتقولين الدعاء اللي قالته اختي الفاضله اتصلين ركعتين الفاتحه واي صوره ثانيه وبعد الصلاة ادعي الدعاء والله يوفقج

اتصلين ركعتين وعقب التحيات قبل لاتسلمين اتقولين ادعاااء واتمنى اني فدتج

جزاكم الله خير

يزاج الله الف خير يالغالية وفيتي وكفيتي ان شاء الله بميزان حسناتج

يزاج الله ألف خير أختي

بصراحة فدتيني وايد وايد لاني امس صليت وخلصت ودعيت
اليوم بصلي وبدعي واسلم