كويتيـه خطيـره إلحقينـي .plz help me

نظام كويتيه خطيره
الصبــــح

حبة tres_orix

ع الريق يعني ع الساعه 7 ملعقة عسل ,,,,,,

وصمونتين تحشينهم جبن كرفت <تكثرينه وتاكلينهم قبل تطلعين من البيتـ ,,,

ممنوع السوائل إلي الساعه 12

اكلي بسكوتة بكاكاو مثل الكت كات بونجوم اي نوع تحبينه بسكوت بكاكاو مكسرات ,,,,,,,,

اذا بتشربين بسسسس يا مشروبات غازيه او بربكاااااااااان بسسسسسس ,,,,,,

الساعه12 الظهر تاكلين حبة tres_orix

لمدة ساعه ماتاكلين شي ,,,,,

يعني غداج الساعه 1 او 2 الظهر ,,,

الغداء

عيش مع رجل دجاجه او لحم مع مرق وكشب حار أو معكرونه بالخضار أو اندومي او وجبه ,,,,,

عقبها اكلي كت كات او بو نجوم و مكسرات وخضراوات او شراب المانجو حليب بكاكاو او بربكان ,,,,

ع الساعه 5 شراب السستاجين بالكاكاو تحطين قفشه من البوده مع حليب وتشربينه ,,,,

الساعه 6 اكلي حبة tres_orix وماتاكلين شي عقبها لمدة ساعه ,,,,

العشااااااااء الساعه 7 ,,,,,

قبل العشاء اكلي حبوب كبد السمك

العشاء نفسسسسس الغدااااااااء

عقبهم طول الوقت لين تنامين اكلي بسكوت بكاكاو كت كات او بونجوم ومكسرات كازو شبس وبربكان او مشروبات غازيه او حليب كاكاو او شراب المانجو

.
.
سوويت هالنظام والله زدت وصلت لي 52 كيلووو والله طبعا كنت اشرب حليب الصوويا عشان يكبر الصدر واسوي معاه رياضه بنت عذاري صدري كبر والله,,
كنت اكل باونتي لانه اعلى كاكاو فيه سعرات حراريه ..اكل فواكه ..اشياء كثيره سوويتها والله متنت..روحي للحواج اللي اهو العطار انا شريت من السعوديه خلطه بودره تنخلط مع الحليب واهي حلبه ومكسرات الخ تمتن حييييييييييل اذا شربيتها 3 مرات باليوووم

.
.

الاكثر سعرات حراريه من:

الفواكه: المــــــــوز …………105 سعره حراريه

المكسرات: الجــــوز…………نص كوب..380

مشتقات الحليب: حليب بودره كامل الدسم……..نص كوب..635 / حلوم…..363/
ايس كريم ككاو من باسكن روبنز 240

الخبز: خبز فرنسي………….ربع وحده…333/معكرونه……..344/جباتي………225

السندويشات: همبرغر كبير………..525/بيتزا بالجبن صغيره………295/فطيرة زعتر……316

المشروبات الغازيه…..الفانتا افضل……119

الشوكلاته: اعلى سعره حراريه هو الباونتي………473/السنيكرز……270/تويكس…….120

البيض: بيض مسلوق كامل……79/بيض مقلي……..91

الخضروات: ورق العنب……146/زيتون اسود افضل……95

ركزت لج على اعلى السعرات والافضل وانتي اختاري اللي تبين حتى حق ريوووقج وعشاج

اما بين الوجبات…….اخذي من الجمعيه كلللللللل شي

(شيبس……ككاو كذا نوع…..عصاير منوعه ويفضل مانجو لانه الاعلى سعرات…
فطاير الجاهزه……كيك……ايس كريم…..)

هذى الاكل اللي فيه سعرات حراريه كبيره حاولي تروحين الجميعه اخذي نص الجميعه خخخخخخخخخخخخخخخخخ

وشووفي هالموضوع

بنات قريت هالموضوع من منتدى حواء للاخت بنت الهاي هاي عطتني حافز اني اكمل شوفوا الموضوع

السلام عليكم ورحمة الله وبركاته

شخباركم حبايب قلبي عساكم بألف خير وصحه وعافيه .. وشمسوين حبايبي ولهت عليكم وايد وعلى سوالفنا وجمعتنا وعلى شلتي فديتهم

شلتي اهم يعرفون نفسهم من يشوفون اسمي عساني منحرم منهم يالله عساني اشوفكم بموضوعي…
امممم وشخبار الحلوين العصاقل للحين تركضون ……!!!
بهالقسم وتحوسون وتحوسون اكيد دختوا وتعبتوا ولا سمنتوا …!!

موضوعي يابنات طويل ومفيد ومشجع لكل العصاقل الحلوين
ومن خلال وهالحملة بإذن الله تعالى راح يسمنون بنات وايد ويبدلون النحافه لسمنه وصحة ان شاء الله ومثل ماانتوا عارفين باقي شهرين على العيد وبتطلعون نيو لوك على هالعيد يا سلاااااااااااااام
بس ابيهم يفكرون معاي شوي ونكون يد واحده ونقول كلنا نبيييييييييييييه يزيد هالشعار بروحه مشجع وراح تكون لكم تواقيع خاصه للعصاقل المشاركين معانا

بس بليز بنات
اللي صج صج صج صج مصره ومتحمسه انها بتودع النحافه ان شاء الله اقولها حياج الله
واللي مالها خلق ومتحطمه وذابحها الكسل اقولها اقري كلامي كله وبتشجيع ان شاء الله وحياج الله

اكيد الكثييييييييير منكم بعد مايقرا الموضوع راح يقول دامج ودعتي النحافه ومو نحيفه ليش حاطه موضوع ومتعبه نفسج ……………..!

احب اقولكم انا كنت نحيفه واعرف شنو يفكرون فيه النحفاء وحاسه فيهم وبمعاناتهم .. ويعلم الله ماابي غير اني اشوف البسمه والفرحه بقلوبهم
واتمنى منهم دعوة لي من القلب …

واتمنى كل البنات يتعاونون مع بعض بالتشجيع الحلو …والارداة والعزيمه …

بعد هالمقدمه .. ابيكم تقرون كلامي زين وتفكرون معاي شوي …

مواضيع النحافه كثرت بهالقسم وهذا شي حلو في احد مهتم وحاس ولا قبل كل المواضيع حق السمان ياحبي لهم فديتكم

بس اللي لاحظته بهالمواضيع انها صارت كلها سوالف..!! بدون فايده تذكر ..!! لا يزعلون علي البنات اقرو كلامي لنهايته ..

هالمواضيع مافيها حماس ولا تشجيع وصارت بارده وزيادة الصفحات بدون اي فايده يعني بعطيكم مثال
تجي عضوه جديده تستانس على الموضوع وتنخرع من صفحاته وتقول ياربي شلون بقرا كل هذا واهي ماتدري وين المهم واي صفحه
اذا لها خلق تقرا وتتعب والنتيجه لا شي واذا مالها خلق بتقرا صفحتين وبتمل وهم النتيجه لا شي وتطلع من هالقسم واهي متحطمه ومتضايقه

ليييييييييييييييييييييييييييش: icon33:
كل هالصفحاااااااات بدون اي فايده
ليييييييييييييييييييش
الموضوع مايتكون من كل ماهو مفيد وقيم
لييييييييييييييييش
مافيه حب التعاون والمساعده بالمواضيع والرد على إسأله البنات ولو بكلمه

انا يابنات كنت نحيفه مثلكم والحمدالله ودعت النحافه بفضل الله ثم بإرادتي وعزمي وحماسي والحمدالله بعد ماكان وزني بالاربعينات وصلت للستينات ووصلت للوزن المثالي
فوقهم حبتين بعد ….

انا ماابي اذكر لكم قصه حياتي مع النحافه لانها طويله .. تدرون ليش لاني وصلت للوزن اللي احلم فيه بعد سنتين ونص من الاصرار والعزيمه وهذا وزني كل ماله يزيد من سنه ونص ولا رجعت نحيفه

تدريجيا ازيد ويوقف واغير نظامي وازيد وهكذا لين وصلت والحين خلاااااااص اكلي عادي والشهية ماعليييييييها والوزن مانقص …

يعني من سابع المستحيلات ارجع مثل قبل … هذا صار ماضي وانتهى صار في طي الكتمان >> هههه

شكلي تغير صرت وحده ثانيه جسمي صار واو روعه قبل لمن كنت نحيفه مافيه معالم الانوثه وبعد ماسمنت اكتشف ان جسمي فيه معالم حلوووه النحافه مخفيتها
صارت لي هيبه على كلام الناس صرت رزه والمدح صار يجيني من كل صوب

والله يابنات شعوووووووور حلوووووووو………..
شعوررر يجنن تمشين بعرس وانتي واثقه من نفسج شعووووور لا يطوفكم ..
الكل راح يمدح فيج وعلى اللي وصلتيله بحماسج وارداتج …….!!
حتى اللبس صار حلووو حتى لو اللبس نفسه مو حلووو جسمي يحليييييه ..!
كل شي راح يصير حلووو عليج انا كان غرامي الدراريع واحبها وانا اقصد الدراريع اللي تلبسها الهام الفضاله
بعد ماسمنت فصلت نفس دراريعها بالضبط طلعت رووووووووعه روووووووعه الدراعه علي
يعني النحيفه لا لبست دراعه شلون تصير ما يحتاج اقول انتو تعرفون
يعني خلاصة كلامي اللبس على النحيفه لو شنو كان اللبس..!! مايطلع حلووو ..!!

صدقوني يابنات ماكو شي صعب حطو عشر خطوط على هالكلمه
اي مافيه شي صعب .. انا قبل كنت اقول مستحيل اسمن مستحيل شكل نحافتي وراثه لان اغلب اهلي نحاف
والحمدلله سمنت صاروا اهلى ينادوني البطه ههههههههههههههههههه اي وربي

لا تقولين انا مااكل مااحب الاكل ………!!
انا انام وايد ومااقدر اغير نظامي ورتين اكلي……..!!
لا تقول مااسمن حاولت وحاولت ماخليت شي مااكلته من حبوب من عسل..!!

حطوها قاعده…

ترا اللي يبي يسمن مو بيومين ولا بأسبوع
لأ ……………!!!!!!
لازم اول شي تحطين جدامج هدف وتبرمجين مخج انج راح تسمنين بإذن الله
وكلام الناس اللي يحطمونج خليه حافز لج وتشجيع قوي
واستمري على نظام معين 3 شهور الى 6 اشهر الى سنه

لا تقولين وايد .. مااقدر …!!
انتي مو تبين تسمنين …؟؟
ماتبين اللبس يصير حلو عليج؟؟
معالم الانوثه تطلع وتصيرين واو؟؟
ماتبين خدود حلوه ووجه مدور مثل القمر

اكيد انتي ذوق وكشخه وتشترين من احسن الماركات واحسن لبس
لكن الجسم مايساعد …!!
بذمتكم
مو حرااااااااااااااااااااااااااام

انا يابنات ماسويت نظام ولا مشيت على اي نظام غذائي واللي اقصده نظام اكل يتكون شنو اكل الصبح والغداء و… الخ
ولا ذبحت نفسي وضغطت على نفسي …..
دايم نشوف بالقسم مواضيع المسابقات صج انها حلوه ونفعت بنات
لكن في بنات مايقدرون يشاركون ليييييييييييييش
انا اقولكم ………….
النظام والمسابقه تبي التزام ومتابعه يوميه
اكثر البنات ظروفهم ماتسمح لهم
او تكون البنت روتين حياتها اليومي صعب ولا تقدر تستمر
او النظام فيه اكلات معينه ماتحبها
والاسباب واييييييييييييييييييد

كل اللي سويته سهل ولا ياخذ منج وقت ولا يتعب
وبقولكم على نظامي بسيط وحلوووو واكلو اللي تحبونه
روتين اكلي تغييييييير صرت احب الاكل واتلذذ فيه

اولا
روحي للطبيب وشوفي اذا فيج فقر دم ولا لأ واخذي حبوب حديد لان اكثر النحافه من الانيميا خاصه الحاده …
غيري من نظام اكلج على قد ماتقدرين واضيفي الاكلات اللي تسمن والمفيده …
تشربين مشروبات غازيه واكيد اكثر البنات غرامهم الببسي ضروري ضروري تتركينه
فكروا بنات معاي شنو فايدته عطوني فايده وحده بس ..؟؟؟؟!!

من تركته الغازات راحت صرت اكل وسمنت الحين صارلي 3 سنين ونص تاركته حتى العيله كلها صرت مااحبها السفن اب والميراندا… الخ

الوجبات الرئيسية مااطوفها والاكل بين الوجبات صار مهم بالنسبه لي وهذا اللي يسمن
العصائر صارت غرامي خاصه المانجو .. يكون احسن لو تتركين المشروبات الغازيه اللي مالها فايده
وتبدلينها بالعصائر مثل المانجو الكوكتيل يسمن حييييل الجوافه البرتقال الفيمتو الفراوله
ضيفي اكلات جديده حتى لو ماتحبينها راح تحبينا مع التعود .. وراح اذكر لكم كل الاكلات الخفيفه وتسمن بالرد الثاني

اذا عندج عادات غذايه خاطئه لازم تغيرينها…..
مثال تاكلين وجبه وحده او وجبتين باليوم نفس الاكل وبشكل يومي ..!!
ماتحبين اكثر انواع الاكل ..!
ماتحبين حليب ؟ بدَليه بحليب كاكاو او حليب موز او فراوله
والحليب اهم شي لصحتنا ولبناء عظامنا ولاتنسون الببسي يسبب هشاشه عظام واذا ماتحبين الحليب وتشربين ببسي مااقول الا الله يعين عظامج
ماتحبين الفواكه ؟
الفواكه مهمه جدا جدا جدا لجسمنا فيها افضل انواع الفيتامينات المهمه اللي تساعد على فتح الشهيه والموز معروف يسمن

ماتحبين الخضراوات والاعشاب مثل الخس والجرجير والريحان
بالعكس لازم تاكلينها لازم يكون اكلج متوازن من كل شي
السلطات اللي يقول تضعف ترا خرابيط هالكلام
ليش قالوا تضعف لان فيها نسبه قليله من السعرات الحرارية تضعف مع الرجيم
ولا السلطات مفيده جدا خاصه سلطه الشمندر .. واي اموت عليها هالسلطه
وسلطه الخضار وسلطه البطاطا والكثيييييير

خلي اكلج متوازن مثل ما قلت مو تركزين على اكلات معينه وكل يوم ضيفي شي جديد وابتكري من عندج دخلي مواقع طبخ شوفي اكلات سهله وحلوه
عشان تكسرين ثبات الوزن وجذي جسمج راح يستفيد اكثر واكثر

والاهم تركزين على الاكلات العالية السعرات الحراريه ..اذا ماتعرفين في مواقع مفيده وايد تعلمج على كل اكله وجم سعره فيها

وراح اذكر لكم جميع الاكلات المفيده وتسمن وخفيفه عليكم بالرد الثاني

الحين بقول لكم شسويت
قبل الرمضان نحفت حيييل من شد التقويم الدكتور شده حيييل وحط اشياء جديده لاني وصلت لنهاية التقويم وقريب بشيله
وبجذي مااكل اي شي بس اشرب سوائل وتعب وايد منه
وجانا رمضان وقلت بسوي لي نظام خفيف وحلووو

نظامي يتكون من ..1-
حبوب سيبروفيتا فاتحة شهية
2-حبوب فيتامينات ومكمل غذائي
3-عسل مخلوط مع مكسرات (المفتقه)
شفتوا انه سهل وبشرح لكم كل نقطه من نظمي

بس بوضح لكم نقطه انا بديت بنظامي برمضان بطريقة ثانيه تعرفون صوم وجذي بديت فيه خامس يوم رمضان لاني ماحصلت المكسرات
ووقفته في خمسه وعشرين من رمضان ..
واحسبوا يعني استمريت عشرين يوم وزدت من خلاله 5 كيلووووو يعني ثلاثه اسابيع الا يوم بالضبط
5 6 7 8 9 10 11 12 13 14 15 16 17 18 19 20 21 22 23 24

وقفته لاني خفت اسمن اكثر ويخرب جسمي
وهالنظام طلعلي خدود حلوه وكبر صدري وايديني من فوق والمؤخره كبرت

(حبوب سيبروفيتا)Cypro-Vita

اكثر البنات اللي يعرفوني بالقسم يدرون اني اكل حبوب سيبروفيتا فاتحه الشهية وفيها فيتامينات تساعد على السمنه
وتعالج فقدان الشهية العصبي …هالحبوب لو امدح فيهم طول اليوم مااوفيهم حقهم …

انا سألت دكاتره قالوا مايضرون والله اعلم .. اللي خايفه تسأل دكتور وتطمن اكثرررر وابري ذمتي بنات من الحين انا اقولكم تجرتبي وبس
الحمدالله ماشفت مضره منهم مستمره عليهم من سنه ونص بس خلال هالفتره اقطع وارد ولا نقص الوزن والحين اكل حبه باليوم اول كل يومين حبه
والشهيه حلوه والحمدالله ويفتحوووووون الشهيه حيييييييييييييل

طريقة الاستخدام ..
3 مرات باليوم حبه قبل وجبة بربع ساعة
او مرتين باليوم قبل كل وجبه بربع ساعه

(حبوب فيتامينات ومكمل غذائي)اسمهم Pharmaton Capsules

هذي حبوب حلوه حييل ومفيده للشعر والبشره والجسم بشكل عام وتسمن فيها كل انواع الفيتامينات والحديد والكالسيوم والزنك وحمض الفوليك
تبون اكثر من جذي بعد …وتفتح الشهية وتعطي نشاط

طريقة الاستخدام :

حبه صباحا بعد الفطور (الريوق)
كل يوم

العسل بالمكسرات ( المفتقه )

عاد هذي يبي لها شرح طويل واهي السر بالموضوع
هذي اكله مصريه مشهوره اسمها مفتقه من خلال بحثي بالنت عرفتها لكن لصعوبة عملها مثل ما يقولون مافكرت اسويها واعرفها من سنين
واكثر الناس يوصون عليها من مصر انتوا ماشفتوا المصريات اجسام ماشاء الله خاصه المؤخره والصدر
المفتقه تسمن الجسم كله لكن اكثر شي الصدر والمؤخره والخدود يا سلااااااااااااااااااااام

مثل ماقلت لكم اعرفها من سنين وصعوبة عملها وقفت عائق لي ..!
وبحثت عنها كثيرا ولقيت طريقة عملها سهله جدا .. وشرح بالتفصيل الممل وتقدرين تسوين الكميه اللي تبينها وسهله ماتبي شي
وترا تسمن حيييييييييييل حييييييييييييييييل انا مااستمريت لاني خلاص وصلت لوزني وفوقه حبتين وقفت وخفت اخرب جسمي
قبل لا احط الطريقة مو تقولون صعبه مانقدر ياربي الريحه والطعم طعمها مقبول وحلو انا حبيته بصراحه

المقادير :
————
كيلو عسل اصلي
نصف كوب حلبة مطحونة ( بودرة )
2 ملعقتي دقيق
كوب صغير زيت زيتون
نصف كوب سمسم
كوب او اكثر حسب الرغبة مكسرات مطحونه
كازو+ لوز+ جوز+ فول سوداني + بندق

الطريقة :
————-
1–ضعي العسل في اناء علي النار حتي يسخن لاتتركية يغلي بمجرد ان تري الفقاقيع اغلقي النار
2– احضري الحلبة المطحونة ورشيها على العسل وقلبيهم جدا ليمتزجوا واشعلي النار مرة اخرى
وبمجرد ظهور الفقاقيع اغلقي النار
3– في اناء اخر ضعي الزيت وضعي علية الدقيق ليصبح لونة اشقر فاتح ثم ضعي السمسم
والمكسرات ليشقر لونهم ايضا لا تحمريهم كثيرا في الزيت
4– ضعي خليط الزيت والدقيق و السمسم و المكسرات علي مزيج العسل و امزجيهم جيدا جدا
و اتركي الحلبة المعقودة لتبرد
5– صبي الحلبة في برطمانات زجاجية

ملحوظات هامة :
——————
1– قوام الحلبة يكون غليظ نوعا ما
2– لا تتركي العسل يغلي علي النار كثيرا لان ذلك سوف يغلظ من قوام الحلبة جدا ويجعلها
قاسية ويحول طعمها لطعم به مرارة
3– في حالة اصبح قوام الحلبة قاسي جدا يمكن اضافة كمية من العسل ولكن بعد تسخين العسل علي النار

طريقة الاستخدام:
ملعقة كبيرة بعد الاكل
3 مرات باليوم

اذا ماحصلتي المكسرات اللي ذكرتهم انا حصلت بس الكازو والجوز واللوز هذولا عاد حلوين وايد خاصه الكازو يسمن الوجه
عاد انتي حطيه كميه من كل نوع بكاسه شاي(بياله )واطحني وبعدين خلطوهم كلهم مع بعض راح يطلع لج اكثر من كوب حطي كل الكميه يعني كوب ونص

ترا الطريقة سهله مو تشوفون الكلام شطوله والطريقة بالتفصيل الممل والشرح واذا في نقطه مو فاهمينا قولولي وبشرحها لكم
على فكره
انا قللت من كمية الحلبه عشان ريحتها واذا متزوجها او تكرهين الحلبه انا اقول لو ماننقص منها احسن لانها اهي السر بالخلطه
واذا كلش كلش كلش ما تقدرين على الحلبه لا تحطينها لان باقي المكونات مفيده منها المكسرات والعسل وزيت الزيتون

نظامي وايد سهل وحلو النتيجه مضمونه بإذن الله تعالى …

يلا بنات كلنا نقووووووول وبصووووت واحد
نبيه يزيد .. نبيه يزيد.. نبيه يزيد .. نبيه يزيد .. نبيه يزيد بس بس سمعتكم ههههههههههههههه فديتكم

ملاحظة هامة جدا جدا جدا للبنات

بخصوص..
الأسالة المعتاده.!
جم كيلو زدتي ؟
جم كيلو زدتي بالأسبوع ؟؟
متى بينت النتيجه ؟؟
الصراحة بنات انا ما اهتم من هالناحية ولا اوزن دايما ..لان جذي ما اتحطم اذا ما زاد وزني وراح استمر واستمر
والاحظ السمنه على نفسي بدون ميزان .. ولا اهتم جم كيلو زدت بالأسبوع واحسب وحالتي حاله جذي اتعب نفسيا
اخليها على الله احسسسسسسسسسسسسسسن

واخيرا باقي اقولكم عنوان الموضوع اخذته من حملة سيئاتك بدَلها حسنات هالحملة ناجحه جدا جدا جزاهم الله خير

الصراحة ماكو انسان بهالدنيا مو محتاج تبديل بحياته سواء كانت دينيه او حياتيه او سلوك سيئ بالانسان ومحتاج انه يبدل للأحسن…

حياتك لا تمللها من ذنوبٍ تضللها
لجل هذا يا باغي الراي على الطاعاتِ بدلها

وهذا اقتباس لكلام اعجبني من موقع بدَلها
.
.
.
هل يوجد انسان لا يحتاج الى تغيير ؟؟ ..
فـالانسان بطبيعة شخصه و فطرته يحب ان يغير من حياته..
فان كانت من ناحيه حياته العاديه فيكسر الروتين الذي تعود عليه كل يوم محاولا تغيير او إضفاء شيء جديد و مفيد لحياته لم يفعله من قبل ..
و أما إن كان في الجانب التعبدي فيحاول ان يزيد من الطاعات و العبادات و تقوية علاقه العبد بربه ..
فمن لم يزد شيئا في الحياة كان زائدا فيها ..نريد الذي يغير من نفسه و يرقى فيصبح متميز في جوانب حياته ..
فالتغيير لا ينحصر على الجوانب الماديه و الحسيه في الحياه فقط ..
بل حتى في الجوانب الروحيه و التعبديه في حياة المسلم .. و هذه هي الشريعة الاسلامية , تغطي جميع جوانب الحياه ..
في الختام اسال الله العظيم رب العرش العظيم ان يرزقنا اخلاص العمل لوجهه العظيم.. فوالله ما جاء هذا المشروع لغرض دنيوي ولا لمصلحه ,
بل جاء لتوعية الناس و تذكيرهم بالله عز و جل (وذكر فان الذكرى تنفع المؤمنين)

للموضوع بقيه تابعوني

ولا تنسونا من صالح دعائكم لنا بظهر الغيب
بنات محتاجه دعائكم اني انجح باالاختبار واتوظف

وهذى موضوع كويتيه خطيره https://q8yat.net/showthread.php?t=130388

خليج مصره انج تمتنين ولا يصيبج احبااط ويمال العشرين كيلوووووووووووو