|
|
الحين تخيلي نفسج طالبة بالجامعه >> يعني فاهمه وناضجه
وكل شوي أمج تقعد تحفظ فيج وادرسج.. ومدرس داش ومدرس طالع .. >> ما تختنقين؟؟!!
راح تحسين انج ياهل ومحد يفهمج >> لأنج تبين ترتاحين .. تبين تطلعين وتستانسين..
تبين تحسين انج مو مقيده .. ماخذه حريتج عدل >> صح ولا انا غلطانه
وكل ما صارت لج فرصه ودج تطلعين عشان امج ما تشوفج وتقعدج
انا ضربت هالمثال لأن احنا نتعامل مع الريال بهالطريقة
ودج توكلينه وتسبحينه وتلبسينه وتكونين بين ايدينه بكل وقت >> واهو يقدر اللي تسوينه بس مو عاجبه الوضع
بالقلم العريض يبي يحس بشي اسمه >> freedom
ما شاء الله على حريم >> مو صج
اذا الريل طلع تشتغل تلفوناتها عليه .. شوفو هالحوار اللي دارج بين الريال ومرته
الزوجه: ألو
الزوج: ألو
الزوجه: ها وينك؟؟
الزوج: طالع
الزوجه: اي ادري انك طالع يعني وين بالضبط؟ وبعدين هذا صوت منو اللي يمك؟؟
الزوج: انتي شفييييييييج!! انا ابيت اهلي وهذا صوت امي..
الزوجه: انزين متى بترد؟؟
الزوج: بسم الله توني وصلت.. واذا طلعت بمر بقظيلي شغله وايي (متواعد مع رفيجه)..
الزوجه: وهالشغله بتطول ولا لأ؟
الزوج: شدراني انا ؟؟ اذا تبين شي طرشي مسج يلا بااي!!
وعقب ما كل واحد يصكر التليفون.. وتبدا الوساوس
الزوج يقول بقلبه: ياااااا الله هذي شكر حنانه ولزقة.. أوووف
والزوجه تقعد تتحلطم بصوت عالي: موعاجبته قعدتي .. ليش مادري؟! موفرتله كل شي وهمن مو عاجبه.. هذي غير عيشة..
لاحظوا هالحوار وشوفوا الفرق
الزوجه: ألو
الزوج: ألو
الزوجه: >> المفروض هني تسأل عن اخباره مثل .. هلا حياتي شلونك..
وبدال ما تقوله وينك .. تصير أشطر وتقوله .. حبيبي اشتقتلك حييييييل.. لأنه اهو من نفسه بيقول
الزوج: انا عند الأهل شوي وايي
الزوجه: سلملي على خالتي حييييل >> طبعا اهي سمعت الصوت بس تسحب منه بطريقه لبقة
الزوج: اي كاهي يمي قاعدين نسولف عن جيرانا اليدد
الزوجه: اوكي قلبي ماطول عليك انا ناطرتك
الزوج: خلاص حبي انا شوي وياي بو ساعه بالكثير >> بدون ما يحدد انه في طلعه ورا طلعته من بيت اهله >> لأنه الريال يدري انه زوجته ما تحبه وايد يطلع
الزوجه: باي
الزوج: بايات
وعقب ما يصكر كل واحد تليفونه
الزوج يقول بقلبه: واااي فديتها عسل ..
ويطلع تليفونه ويدق على رفيجه: ألو .. قوة فلان شخبارك.. اعذرني ماقدر اروح معاك عندي شغله طلعتلي فجأة .. اي والله يا خوك .. يلا اليايات أكثر من الرايحات.. أوكي .. يلا باي..
ويقعد ربع ساعه ويستأذن عشان يروح حق زوجته >> استانس من كلامها
طبعا الزوجه تفكيرها مثل ما اهو ما تغير >> بس الاسلوب تغير
هني نتلعم شلون نتطمن على رياييلنا بطريقه مبهمة ماتوضحله انه مقيد
وتعطيه شعور بالرجوله .. أكثر من الطفولة القاسية اللي كانت بالحوار الأول
لي تكمله بإذن الله
في وايد أمثله وكل مثال تقدرين تعرفين وين موضعه بالحوار:
1- هذي مو غلطتك
2- الله يلوم اللي يلومك
3- ما تستاهل اللي يصيرلك
وأكثر شي يأثر بالريال >> "الانصات"
حاولي تكونين منصته ممتازة >> تعلمي فن الانصات
واذا تبين تتدربين على هالفن .. اتصلي على وحده من رفيجاتج وسئليها عن أخبارها
راح تقولج كل شي وبتفصيل ممل >> وانتي راح يكون دورج انج تسمعين لها وتجاوبينها اذا سئلتج سؤال
واذا تعلمتي فن الانصات مع زوجج راح يحترم رايج بصورة ما تتوقعينها
وراح يفضل يقضي أغلب الوقت معاج >> لأن الريال يحب اللي يسمعله
بنات إذا شفت في تفاعل بالموضوع راح أكمل >> بصراحه صج صج هالكتاب كنز
اللي تبيه انا حاضر
up