كم مصروفج الشهري , في شو تنفقينه استفيدي وافيدي غيرج ؟؟

السلام عليكم كويتيات

تعالوا نتعاون و نسوي موضوع حلو نعرف كيف نصرف مصروفنا الشهري

او معاشنا الشهري بالنسبة للي يشتغلن

عشان كل وحدة تأخذ افكار من غيرها و تستفيد او تفيد غيرها

اي وحدة تتشارك تكتب كم تستلم شهريأ (لمصروفها الخاص )

يعني مب لازم تكتب معاشها كم لووول

و في شو تصرفهم؟

تعرفون مرات وحدة مصروفها 5000 درهم و ما تكفيها

و وحدة 1000 درهم و تكفيها !

والبعض لين نص الشهر المصروف مخلص

انزين وين الغلط؟

الغلط في طريقتنا لصرف المبلغ في اشياء

مب محتاجينها فعلا .

وانا انصح كل وحده انه تتصدق بمبلغ من مصروفها عسب الله يبارك لها,

عن نفسي توني من شهر مشتغله لوول

بعدني متخربطه كيف اصرف ,

مشتركة بجمعيه بـ 1500 درهم

1000 درهم طلعات والاكل واذا بطايق رصيد فون

500 بترول سيارة

والباجي اوزعه ع امي وخواتي ..

فكرة الموضوع منقوله

واترك الماايك لكم

انا طالبه وعايشه على الأعانه …واهلي مستعدين يشترون لي كل شي ضروري ومهم ومحتاجته …بس اشياء مالها لزمه او رفاهيه او دلع اول شي يرفضون وانا اعااند وازعل بعدين اكسر خاطرهم ويعطوني

انا طالبه واخذ مصروف من باباتي وعادي اللي ابيه مافيه شي محدد
مايقصر ياعمري وعندي الاعانه كل شهر 100 دينار تطير على الكروت خخخ

انا طالبه
و هم اخذ من ابوي
و يفرق مصروف شهر عن غيره
في شهور يزيد فيها مصروفي مثل وقت العيد ولا بدايه الدوامات

عن نفسي عندي زوجي يعطيني لأني ما أشتغل ومشيلي راتبين مبلغين حلوين ببداية الشهر ونص الشهر

ومرتاحه مقضيتهم بين سوق وصالون خرابيط مالها لزمه الله يخليه ويحفظه من كل شر حبيب روحي

هم انا نفس الشي طاالبه
والله يعيينهم

انا معاشي مرات يطير من اول اسبوع ومرات يضل لشهر الياي

مصروفي علي حسب اللي يبقي من العاش

رصيد .. مو اقل من 20 بالشهر

بانزين .. مادري اتوقع مو اقل من15 لان سيارتي احسها تصرف

جمعيه .. >>مشكله كل يوم قاطه فوق ال 5

والمطاعم قبل تقريبا هم 20 طول الشهر اذا مو اكثر لان نوعي دوم اطلب .. بس الحين مافي مطاعم (رجيم)

هذا غير السووق والطلعات

انا تخرجت قبل الاعانه 100 ومن ريلي 100 ولما ولدت زادت 50 لبنوتي
الحين بس 150 وان شاء الله انه قابل لزياده بس طبعا اذا عندي مناسبه الملبغ يزيد مالي غناة عن دراهمه خخخخخخخخخخخخ

والله المعاش يطيرررررررر ما يكفيني لي اخر الشهر بس فشلة اقول حق امي عطيني المفروض اعطيها بس الحين قمت امسك نفسي يعني اشياء مالها اعي وتكون عندي واشتريها (غباء صح ) لازم نقتصد بس ما اعرف ودي ايمعلي جم فلس

ويه نسيت شوفي انا داخله جمعيه من 30 وقاعده احاول ادور جمعيه ب50
ورصيد على ريلي بعد لان 100 وتروح كروت فيها ظلم الحين احاول قد ماقدر اوفر
لان الشتا ياي ويبيلي تجهيز كامل لان لبسي الشتا الي طاف كله قصة حوامل شغله ثانيه 50 بنتي موضروري كلها لها
الحين قاعده اشتريلها مره تيرنق مره بجامه جذي يعني عشان لي قرب الشتا ماتوهق

خووووووووووووووش موضوووع رفععععععععععععع

والله احاول اقتصد كثر ما اقدر بس ماكو حتى لو حوشت لي جم دينار وصار اخر الشهر اضيعهم بدقايق

الله يباركلكم بمعاشاتكم انشالله

بصراحه انا ما عندي ميزانيه محدده رغم اني موظفه ومعاشي قوي وما عندي التزامات

ومع ذلك اخلصه على اشياء بايخه واروح لامي وابوي

بس سويت شي مهم وبصراحه صار معاشي في بررررررررررركه مو طبيعيه

قمت يوميا اتصدق ان شاء الله لو بميه فلس بس المهم ما اترك الصدقه يوميا

والله ان معاشي صار مبرووووووك رغم ان صرفي هو نفسه يعني مو مقتصده

واللي في خاطري اشتريه وساعات يخلص و يجيني مصدر اخر مو متوقعته مثل ابوي يكون موقع صفقه ويهدينا

او اكون مسلفه ناس وناسيه ويرجعون لي ومره صج فلست وكنت انطر الصلاه تخلص عشان ادق على ابوي اطلب فلوس

والا عمي دازلي شيك هديه

يا بنات اوصيكم الصدقه ثم الصدقه ثم الصدقه

السلااااااااااااااااااااااااااااااااااااااام حتى انا انا والله معاشي يطير بسرعه حتى والله ادور شغل ثاني عشان استفيد وابدا اجمع من شهر تسعه ان شاءالله