كم فرق العمر بينك وبين زوجك ؟؟؟؟؟

كل واحد تدخل وتقول كم فرق السن بينها وبين زوجها؟؟؟؟
وتقييمها ايه الاحسن يبقي فرق العمر كبير نسبيا ولا لا ؟؟؟
وهل في تفاهم ولا الافضل يكون الفرق قريب؟؟؟
وياترى في حد هي اكبر من زوجها وهل حاسه بالفرق ولا لا؟؟؟؟
قولولنا تجاربكم ونصايحكم فى التعامل مع فرق السن واختلاف الافكار

فكره الموضوع منقوله

كل واحد تدخل وتقول كم فرق السن بينها وبين زوجها؟؟؟؟

الفرق20 سنه تقريبا

وتقييمها ايه الاحسن يبقي فرق العمر كبير نسبيا ولا لا ؟؟؟

عن نفسي اي حييل احسن لأن يكون مستقر ماديا و اجتماعيا و بالوظيفة و كل شي و حتى بطريقة تفاهمي معاه وايد احسن اشوف الشباب الصغار بعايلتنا شوي عصبيين و متسرعين لكن لما يكون رجل كبير و ناضج و عقليته متزنه يفرق
طبعا مو كل كبير جذي فيه كبير بس المخ فاضي و عالطل

وهل في تفاهم ولا الافضل يكون الفرق قريب؟؟؟
اي الحمدلله جدا متفاهمين و افكارنا قريبه يمكن لان انا عقليتي شوي اكبر من عمري

قولولنا تجاربكم ونصايحكم فى التعامل مع فرق السن واختلاف الافكار

ما اشوف اذا الريال كبير وايد يكون فيها مشكله الريال

–

كم فرق السن بينها وبين زوجها؟؟؟؟
آنآ 26 وهو 29
تقريبآ (3) سنوآت
وتقييمها ايه الاحسن يبقي فرق العمر كبير نسبيا ولا لا ؟؟؟
حلو آلفرق يكون بحدود 10 سنوآت مو كبير مرهه
وهل في تفاهم ولا الافضل يكون الفرق قريب؟؟؟
العمر مايعطي اهميه كبيرهه في كبار ب السن وتفكيرهم محدود وصغار تفكيرهم اكبر عنهم
بس الحمدلله انا احس من فئه عمري ومتفاهمين
وياترى في حد هي اكبر من زوجها وهل حاسه بالفرق ولا لا؟؟؟؟
قولولنا تجاربكم ونصايحكم فى التعامل مع فرق السن واختلاف الافكار

بالنسبه لي فرق العمر 3 سنوات هو اكبر مني

العمر ما يحدد إذا هالشخصين متوافقين او لا اهم شي النضج الفكري للشخصين والتفاهم مع تقديم القليل من التضحيات لتسيير الحياة ��

انا ٢١ و هو ٢٦ اكبر مني بخمس سنين
ما لاحظت فرق بينا بالعكس عادي

ان شاءالله لن اتزوج بيي اكتب

بس حبيت اعلق انه مو شرط العمر يكون مقياس للتفاهم في متزوجين يكونون نفس العمر وكلش مو متفاهمين وفي ناس فرق كبير بينهم تكون درجة التفاهم كبيره اهم شي انه يكون العقل ناضج ويستوعب الافكار الي حوالينه ويتقبلون اراء بعض

شكرا لتفاعلكم في موضوعي

فرق 16 سنة ، ما أحس أن العمر له دور كبير أهم شي التفكير والحمدلله أحب زوجي ونقاط الخلاف مالها شغل بالعمر

احنا الفرق بينا 7 سنوات بس للحين مالجين
من خلال افكارنا وايد متقاربة و الحمدلله للان في تفاهم
انا شخصيا افضل يكون اكبر مني من 5 سنوات ل 10 او 12
احس جدي احسن بالنسبة لي انا
مشكورة

فرق العمر ٣ سنوات عمري ٢٦ وزوجي ٢٩ لكن احس اننا في نفس السن

انا وزوجي متفاهمين نفس الاهتمامات نفس الهوايات لتقارب أعمارنا

مشكورين لتفاعلكم في موضوعي

امممم انا فرق العمر بيني وبين زوجي >> سنه

احس كل ماصارت اعمارهم متقاربه تفاهموا اكثر （≧∇≦）

اكبر مني بخمس شهور

بالنسبه للتوافق ماله علاقه بالعمر
يعتمد على العقل
والحمدلله مناسبين بعض

فرق العمر // اكبر مني بسنتين انا ٢٤ وهو ٢٦

بالنسبه لي اذا الفرق بحدود ٦ سنوات مايفرق شي بس اذا اكثر من عشر سنوات احس ماراح يكونون متوافقيين مع انه اكيد التوفيق بيد ربي اللي قادر على كل شي بس كراي شخصي ماحب الفرق يكون كبير

6سنين ونص

التفاهم على حسب الريال والمرا مو شرط الفرق