كل وحده موجوده بالمنتدى الحين تعطيني رايها بسرعه

بنات ريلي برد من الحج باجر الصبح وانا الحين في بيت اهلي

اروح انام بالشقه بروحي انطره ولا باجر الصبح اروح هناك

لان اكيد راح ايي تعبان لان هو في باص ويبي يرتاح وبنتي راح تسويله زعاج

وهم انا اليوم يايه من السفر ابي ارتاح واخلي بنتي عند خواتي

واذا رحت الشقه من الحين لازم ازهب واعدل وانا مالي خلق تعبانه

كل وحده تقولي لو هي شنو تسوي

ا من رايي ردي شقتج لانه حلاته ريلج يرد الشقة ويشوفج موجودة

والله انا اقول خلي بنتج عند اهلج وانتي مهما كنتي تعبانه لبسي وحطي شويه مكياج حلو وخفيف وروحي قعدي بشقتج وخلي ريلج يفرح لو دقيقه بشوفتج وانتي مزهبه الشقه ونظيفه وسوي له اكل حلو وصدقيني تطليعن بعينه خوش وحده واهو يدري انج راده تعبانه وبيفكر يقول يابختي بمرتي تعبانه وهم مو مقصره معاي

روحي يا اختي وجابلي ريلج وخلي بنتج مثل ما قلت لج والله يوفقج حبيبتي ويخليكم حق بعض

مشكورين على نصايحكم بس انا من النوع الي كلش مالي خلق شي

مو شايله شيره معنه عندي المكينه براون تشيل بسرعه وهم شاريه كفر احمر كله جوري احمر مالي خلق اروح احطه ماعندي خدامه تساعدني

وهم مو مجيله الشقه عشان اسويله عشا ماعندي فلوس

اشياء وايد تمنعني بس حرام دزالي مسج قال توه محرك الباص باجر الصبح انشالله نوصل

شكله مشتاق

ميخالف لا رد البيت راح يكون تعبان واهو نايم شيلي شيره هههههههه

لا صج خلي يشوفج اول مايرد مو حلوه مخليته بروحهه

ياقلبي دقي على الصالون تجي عندج و تضبط بعدين روحي شقتج
بس الافضل تروحين الصبح .. وتخلين البنت عند خواتج .. وتستقبلين زوجك .. على كيفج و طبعا زهبي غدا حلووو و اللازي منه .. عاد ما تحتاجين نصايح

اكيد بروح انطرة واكيد يروح كل التعب اذا شفتة

بالعكس لا شافك قدامه وتستقبلينه بأحلى بابتسامه هذا أحلى شي …
ومو لازم تسوين زحممممه … يعني اليوم بساطه وبكره فليها…. بالتوفيق

حبيبتي سوي بالمكينه عادي انا حق العيد مسويه بالمكينه بعد بسرعه تشيل واذا على الغدا تسلفي فلوس من خواتج عادي خو اهلج هذول واشتري لو اكل جاهز مشاوي وديايه بالشوايه وزهبي اكلج والله لو تسبحين وانتي جسمج نظيف وشايله وحطي كحل بالعين وبس والله بيستانس بعد اهو يالعياره باجر بيوصل لوووووووووووووووووول شنو التعب بالله زهبي نفسج من الحين ونامي مبجر وروحي الشقه وزهبي الكفر وبخري الشقه وهالله هالله ماااااااااااااااااااشي لا يقص عليج الشيطان روحي فرحي ريلج

خلي بنتك عند أهلك وركض عالشقة

زهبيله كل شي بخريها وشيلي بالمكينة قبل لا تنامين

ولما تشوفينه راح يروح كل هالتعب

روووووووووحي الشقه نطريه
تزهبي عالخفيف
تسبحي وشيلي بالماكينه وخلي بنوتج عند اهلج
والله بيفرح
والله يوصله لج بالسلامه يارب

اني المفروض تكونين عامله حسابج تروحين الصالون امس عشان الشيرة, الصالون لي تأجل يصير هم, المهم مسكي الوسيط شوفي اي وحدة تشيللج بالبيت, و على التعب, حطي فبالج ان الريال تعب اكثر منج ملون مرة بالحج, يوم واحد ما يأثر, كله عشان لا ينكسر خاطرة, شوفي اذا احب من اهلج يسلفج خدامته عشان تساعدج, مو عيب انج تطلبين شي من اهلج, دقي على فريج صويلح خليه يزهبلج ذال الاكل السنع, عشان ما تدخلين بلوية المطبخ, البنت خليها عند اهلج, لا تخلين الريال يرجع حق شقة فاضية

نفس حاله ريلي يرد الصبح

توني رحت شريت له عشا وكيكه مكتوب عليها حج مبرور وسعي مشكور

ومسكت الماكينه وشلت شدعوه مو لازم حتى لو تعبان خل يشوفج بويهه ناطرته ومتذكرته

روحي ياقلبي وخلي بنتج عند اهلج ان كانت تقدر تنام بروحها بدونج وعدلي لو بس جم شي وبخري وتسبحي وشيلي ونامي لو تاخذين من بيت اهلج عشا حطيه بالثلاجه او توست وجبن وطمام وهالسوالف وان يه سخنيه يمكن يوعان بالطريج او يبي ينام من التعب بس خل يشوف انه انتي متذكرته والله يرد حجاجنا بالسلامه ويتقبل منهم

اول شي تعوذي من الشيطاان عشاان الكسل عندج المااكينه سوي فيهاا يمه يالكسل وسوي شعرج استشور وحطي مكيااج خفييييييييييف
وتسلفي من خوااتج وجيلي الشقه خفايف موحلووه يرد ومااكوشي وهم بعد نظفي الشقه مايصير الريال يرد وبيته مو مرتب
حتى لو انتي خليته نظيف لازم بعد اتنظفين
وروحي من فجر الله الشقه استقبلي ريلج بس خلي بنتج عند اهلج
والله يرده لج بالسلاامه ويقر عينج بشووفته

حلاته تكونين باستقباله سي الحج راجع لازم تسعدينه