كل وحده تقول شقاثها

السلام عليكم ورحمة الله وبركاته
شلونكم الغاليين
بدون مقدمات بدش بالموضوع

انا بقولكم قثاي شنو اليوم..واب تواصلكم بليييز معاي يعني كل ما انقثيت بفتح هالصفحه وبسرد فيها
خخخخخخخخخخخخ وشاركوني قثاكم
أنا ولدي عزوز عنده إعاقه مزدوجه وذاك اليوم تقولي بنت خالتي عن التعليم المبكر اللي بالسرة
إهي عندها ولد داون وقالت ان كانت توديه وكانت بعض الجلسات تكون بالبيت
بصراحة شوقتني على الموضوع واتصلت عليهم ورحت وتفاجأت ان الحالات
عندهم يستقبلونها من عمر 7 شهور؟؟؟؟؟؟؟؟
الصراحة ما أدري …. وأنا رايحه ومدرعمه وولدي عمرة فوق الثلاث سنين
شكووو … ليش ما أحد قالي … تقولي المسجله اللي قاعده تكتب بياناتي
إنتي وايد متأخرة ؟؟ أنا بفهم الدكاترة ليش مافي شي يحركهم من داخل على المريض ؟؟
ليش لما يشوفون عيالنا ما يحاولون يأهلونهم ويعلمون أهله عن كل شيء؟
شلووون أعرف إن في شي إسمه التعليم المبكر يعلم أطفالنا إذا محد أرشدني ؟ والله يا خواتي تفاجأت؟؟ ما أدري وفي غيري وايد ما يدروووووون
تصدقون أن بطاقة المعاق اللي يمنحها المجلس الأعلى هم عرفتها بالصدفة!!
بس من دكتورة يا عل ربي يجازيها خير الجزاء هي اللي سألتني وقلت لها حق شنو ؟؟ وسويتها من يوم عمرة أشهر ما أذكر بصراحة ولو ما سألتني جان ما أدري عنها يمكن ..
يا بنات أتوقع في نااااس وايدة ما تدري عن هالمركز ان يستقبل بهالعمر 7 شهور اللي عندها طفل تروح ركض تسجل اسمه مايبون غير صورتين شخصيه وشهادة الإعاقة وتقارير طبيه عن حالته وأخذي كل شي عشان ما يتلكلكون
وترى العلاج الطبيعي وايد مهم لعيالنا من جميع الفئات حتى لو ما في فايدة من لعلاج على الأقل قاعدة تحركين دمه من داخل لأن موزين تتيبس العظام ولا تقولين ما في أمل خلي أملج بالله قوي

<<<<<<<<<<<<<<<< قرقه

يالله عاد بااااااااايوووو خويااااااتي

حياتي ام عزوز

انا لله الحمد لان من عمرها ايام وانا اراكض فيها واسال
بنتي مريومه داون وحتي في مركز الوراثة اللي بمستشفي الصباح اهم ودي ملف بنتي لمركز الداون بالخالدية واتصلوا علي حتي تفاجات المتصلة لما سالتني عن عمرها قلت لها شهر

اللي يحر لما تروحين طبيب خاص ودافعة لدخولج ولما اقول لهم انها داون يردون ليش تخسرين فلوسج وديها الحكومة احسن

والله حرام اسمهم دكاترة

فوضى بمعنى الكلمة

om-3zozy انتي لازم تسالين عن حقوق المعاقين كلها اذا هالشي الصغير ماعرفتيه اكيد في اشياء كثييره هم ماتعرفينها

سألي ودشي النت وابحثي واذا في جمعية للمعاقين روحي لهم او اقل شي دقي عليهم وساليهم وسردي قصتج لهم واعرفي كل خافي بهالديره اف احتريت مع مالي علاقه

والله يشافيلكم ضناكم ويتحسننون باسرع وقت

انا ولدي ضمور بالمخ 00 ياخذونه ؟ وبعدين اشلون يعلمونه خل اتعلم انا بالبيت اعلمه

اللي غاثني 00 انتي يقولولج الدككاتره ليش تتعبين نفسج دام داون انا يقولوا لي ولدج ماراح يعيش اكثر من سنتين ثلاث بس املي بالله كبير وحذفت كلامهم ورى ظهري

4321 قولي آمين يا الغاليه يفرحج فيها كثر التعب والمراكض فيها
وبتلاقينه بالآخرة انشالله وعلى قولتج حرام اسمهم دكاترة
أنا أكلمكم حاليا بالمستشفى مع ولدي هو معاه ضيق تنفس
لو يحوشه هوا لازم نعد عدتنا للمستشفى والله لا يوريج
الدكاترة شي مقرف بصراحة .. ما نقول الا الحمدالله على كل حال
أسأل الله العظيم رب العرش الكريم ان يشفيلج مريومه

الله يشافيع ويعافيه يارب

اللي يحر هذولا شيسون والاجانب شيسون والله لما اسافر معاها امريكا للعلاج يتهاوشون منو يراعيها ويخيرونه باللعب منو تحبين
ياخلاف صج علاجهم نفسي قبل الجسد

حياتي والله وانشاءالله يخلف ضنهم
حبيبتي ماوديتيه للعلاج بره

مشكوووورة الغالية على المرور .. ومشكورة على دعواتج حبوبة
أنا أقول خلي الغطا مستور بس ، اي حقوق ؟ ؟
المجلس الأعلى بكبرة ما يدرون وين الله حاطهم
والنواب آخ على النواب يوم بقوا التصويت ما بقى أحد منهم ما وقع على الوثيقه
وما شاء الله على الإنجاز … روووعه!!!!
أما جمعية المعاقين أنا أشوفهم وايد مهتمين لكن بدون تنفيذ
أحنا لنا ولعيالنا الواحد القهار اللي عينه ما تنام
يقولج المثل "" تنام عين الناس .. وعين الله ما تنام""

أسأل الله العظيم رب العرش الكريم أن يشاافيه ..
الأعمار بيد الله و مو من حق أي وااحد سواء طبيب و لا غيره يقرر مصير إنسان و لا حيوان حتى (حشااج).

حبيبتي كويتيه عسى الله يشفيلج الغالي .. جزاج الجنه ان شاء الله
بالنسبة حق نوع الإعاقات ما عندي فكرة ..إنتي شتحسين؟؟ إذا أهو فاهمج ويستوعبج ملج شغل فيهم ترى ولدي كاتبين إعاقته مزدوجة ذهنية وحركية بالشهادة مالت المجلس .. بس مالي شغل فيهم عقله معاي ..يعني ذهنية يبلونها ويشربون مايها
إنتي اتصلي 101 يعطونج الرقم وسألي حبوبه
وان جان على الدكاترة …………….. فيني حجي عليهم ماله أول ولا تالي آآآآه
ولدي يوم طاح بالعناية آخ على ويوهم يوم تشوفينها تشوفين الموت والله .. لكن رب العباد يلطف سبحانه
وانا ولدي العام كنت اسويله لجنه حق برى والدكتور يقول حق ابوه ان ولدك كل ما يكبر يتعب زيادة لحد ما يموت
دكتور الفلس جنه الاعمار بيده والله زوجي دخل بحاله نفسية ما يعلم فيها غير ربي
خلي املج كبير بالله ولا تنسين "" ولا تقنطوا من رحمة الله .. "" رحمته أكبر من كل شي

أنا قريت مرة إن اللي يكتب اللي بخاطرة أو أي شيء يحزنه من هم وحزن بالذات
يكون من الذكرى ومن الأحاديث المنسية فالهدف من الموضوع يا غالياتي
إن نأزر بعضنا ونستفيد من تجاربنا لبعض مو شرط المحزنج محزني
لكن الهدف المشاركة بالحزن نفسة بتقولون الشكوى لله ….. صح
بس كل وحده فينا ما تنسى شكوتها إلا لما تكتبها
أتمنى من حبيباتي اللي يدخلون يسجلون رد لو بسيط
شاكرتلكم

انابنتي عندها ضمور شديييييييد بالمخ كان دكتورها اردني وكل ماراجع عنده يقول لي مارح تعيش وايد
حط كل البلاوي والامراض فيها بسم الله عليها يقول مارح تتعدى سنه
وكنت اهاوشه واذكره بان الاعمار بيد الله سبحانه
ومره رحت لها مراجعه ومالقيته وسالت عنه قالو راح لاهله بالاجازه وصار له حادث وماااااااات
سبحان الله وبنتي الحين عمرها14 فديتها الله يخليها لي

لاباس طهور ان شاء الله
الله يحفظ ولدج ويشفيه ويطلع بالسلامه

ماعليج من كلامهم الله يخليه لج وتشوفينه عريس

أبشركم عزوز طلع
مشكورين على تفاعلكم يا الغاليات
أسووم عسى الله يقر عينج ببنيتج ان شالله
ولا يهزج ترى الدكاترة للأسف بياعين حجي
بقولج موقف بس يبين أن الله يمهل ولا يهمل
من أهلنا وحيل قريب يمشي ويقول المعاق ولدك .. المعاق ولدك
ويرجع البيت زوجي منقهر والله ان ذاك اليوم تأثرت من الكلمه حيل
تدرين الرجال مو نفس المرة يقهرة ويفشله جدام الرجال مو شويه
وتمر الأشهر وتولد مرته ولادة مبكرة وعيالها اثنين توأم
واحد منهم اتوقع بيكون إحتياجات خاصة وتموا بالمستشفى يمكن 3 أو 4 أشهر
بس يعابلون فيهم يا حياتي تجارب الكويت صارت فيهم طبعا..
وطبعا كلكم عارفين طبيعة الخدج ماله داعي أتكلم
والله يا الغاليه الرب أعلم بالنفس