|
|
بسألكم ما تلاحظون ان الزوجة اللي مجابلة زوجها وعيالها وتبديهم على روحها كل يوم زوجها مسويلها مشكلة على شي تافه ويبدي معارفه عليها ويخلي تفرغه لها على حسب وقت الفراغ عنده
واللي مطنشة بيتها و24 ساعة في بيت اهلها ومع رفيجاتها ونفسها خايسة مع زوجها هذي شايلها شيل وحاطها بالأولوية من بد الكل ؟؟؟؟؟؟؟؟؟؟
والله انا هذا اللي ملاحظته
مو بس معاي مع هم بنات اعرفهم من هالفئتين اللي مجابلة زوجها طاقها بالطوفة
واللي مطنشته وتنزره طول الوقت مسويها يا دهينه لا تنكتين
اذا تأيدون هالكلام
عشان من اليوم ورايح اقلب واصير من الفئة الثانية
على قولتهم ما يملي عينهم الا التراب لوول
انتي اعرفي طبيعته وبتكسبينه ان شاء الله
ادري خير الأمور اوسطها
بس خل اقول لكم جم مثال
انا مثلا انا وين ووين على ما اطلع
ماعندي طلعات بروحي
ومع خواتي طلعاتي خفيفة
حتى خالتي تقول لزوجي ماشالله زوجتك مجابلة بيتها وعيالها عدل احسن من خواتك كل يوم عندنا
فوق هذا يسويلي سوالف وحركااااااااااااات مو بس تقث الا تبط الجبد واكثر
وحمواتي والله ذاك اليوم اشوفهم شلون يكلمون رياييلهم تقولون يزفون ياهل
حتى طلعاتهم بدون شور رياييلهم اشكره يقولون بالطقاق محنا قايلين لهم
ويوميا عند اهلهم لي نص الليل
تعالوا شوفوا رياييلهم شلون حاطينهم على راسهم
حتى زوجي يعمل حساب لخواته اكثر مني
لدرجة كنسل طلعة كنا بنطلعها باجر عشان الهانم اخته مع انه واعدني ابهالطلعة من بداية الأسبوع واخته توها امس اتصلت عليه وكنسل طلعتنا عشانها
مو قهر ؟؟؟؟؟؟؟؟؟؟
صج الرياييل ما تملي عينهم غير التراب الشكوه لله
انا بعد عندي جم وحده الاحظها اشلون طايحه زف بالريل مسكييين واهو ولا يرد ولا يتكلم انشالله ويسكت وفوق كل هذا طلعات وسفرات وشايلها من الارض شييييل
بس الواحد يقول كل واحد وتربيته واحنا الحمدلله ماتعودنا نقلل من قيمة الريال في بيوتنا عشان جذي نتصرف على الفطرة وعلى الشي الي تربينا عليه والحمدلله على كل حاال
ويعطيج العافيه حبيبتي على موضوعج الحلو يا حلو
مسويه يعني سنعه عند حمولتهااا وماتطلع وتهد بيتهااا << الحمدلله والشكر
ميخالف اطلعي شوفي الناس واهتمي بنفسج واعرفي اخر الاخبار .. فجي عن الرجااال شوي خليه يشتاق لج … ومع هذا لاتهملين بيتج وعيالج وزوجج … وخير الامور اوسطهاا على قولة الخوااات
طلعتوا كلكم حاسين ابهالشي ؟؟؟
والله ترى اللي نفسنا ماعندهم شغل غير رياييلهم وعيالهم ترى نكبر ونستمرض وتصير فينا علل الدنيا واحنا ما غير دافنين روحنا
تهقون شلون ؟؟؟؟
نقلب نطلع الويه الشراني ؟؟
الظاهر اهم مستغلين الوضع يقولون مردها بترضى مهما زعلناها
والله منبطة جبدي
الفترة الأخيرة كثر ماانا مهتمه بزوجي وعيالي اشوف الدقرات قاعده تزيد
والتطنقر من زوجي له اول ماله تالي
بس من اليوم اتبعت طريقة الحقران يقطع المصران
والله طقت جبدي
يراضي الدنيا كلها ولا يرد لهم طلب على حسابي انا ليش الكل عنده لسان وانا انجعم وابلع واحط بقلبي