|
|
السلام عليكم ورحمة الله وبركاته
كيف حالكم يا اغلى ناس على قلبي عساني ما انحرم منكم……….
ابشركم اني بخير وتحسنت الامور بشكل بسيط بيني وبين زووجي ولاحظت الاختلاف الحمدالله
لكن حصلي موقف اليوم بينلي ان الشخص اذا فيه طبع مو زين مستحيل يبتعد عنه نهائيا بدةن مايرجعله وهذا اللي حصل معاي اليوم……..بشكل مختصر بتكلم عن شخصيتي وشخصية زووجي عشان اللي ماقرو مشكلتي الاولى
>>>>>>ما ابي اتذكرها اوووووف
يكونون بالصوره………………..
شخصيتي حسااااااااااااااااااااااااااااااااسه ورومااانسيه وشوي زعيله لكن تحسن هالطبع الخايس مع الايام وصرت ما اهتم لخاطري في سبيل انه ما اضايق زووجي…..طيووووبه حيل وانسانه معطائه((والله مو عشاني اتكلم عن نفسي لابد فيني عيوووب بس هالاشياء هي الابرز بشخصيتي))….ولا احب ازعل احد خصوصاااا زوجي ويمكن تصير فيني حالة انهيار لو زعل…..لأني بجد والله احبه وبززووووود وهو انسان بشكل عام زين وعيبه المزااج والقسوه والانانيه بعض الاحيان مو دايم وبعني لسااانه شوي زفر اقصد ماعنده حد يسب عااادي بس تعدل الفتره الاخيره عقب ماقعدنا مع بعض وتفاهمنا على بعض الامووور الا اليووم وقبل ساعات تقريبا رد مره2 سب لاحول ولا قوة الا بالله
والسالفه يابنات ان ما كان فينا اي شي بالعكس طالعين ومبسووطين والله ولا في اي شي ردينا البيت وقعدنا شوي سولفنا وضحكناوعاادي الموهم قام يابنات يدورله شغله لدوامه ..ومالقاها بس لقى سااعه له قديمه قال تصدقين ماتشتغل مافيها بطاريه قلت في اشيا واجد انت نسيتها مع انها مهمه والله العظيم كنت يابنات اتكلم عااادي وانا هني كنت اقصد شغله((وهي انه يابنات الحين زواجي صارله ثلاث سنين تقريبا وبكل مناسبه وبدون مناسبه اهدي زوجي مرتين شريتله بوك ومره ساعه ومره عطر وكلهم والله غااااااالين واكشخ من اللي عنده لكن والله يابنات انه ما استعمل اي بوك شريته ما ادري ليش والساعه استعملها اسبوع يمكن ولا اسبوعين وقطها وغيره وغيره من الهدايا مايهتم فيها ولا ادري شسبب مع انه يقوول انها عجبته اول ماعطيته ومبين عليه انه عجبته))
ولما قلتله في بعد اشاياء انت ناسيها مع انها مهمه قالي شنو قلت تعال اقعد واروح اجيبله اخر ساعه وبوك شريتهم والله البوك جديد وبكيسه وكرتونه والساعه دوب انها انلبست الماس قلت هذيل ناسيهم ولا اهتميت تلبسهم ولا كنت اصرخ ولا شي بس مبين علي اني شوي متضااايقه قال هذي ماتشتغل بطارتها وما ادري شنو والبوك انتي خذيتيه وما ادري وينه ونسيته قلت انا خذيته لانك قطيته ولا اهتميت له تخيل وين لقيته بالمطبخ بالارفف تخيل ……قال لا جذااابه انتي خذيتيه وانا ما نسيته الا لما ما حصلته جدامي >>>>>>يجذب وربي انه ناااسيه يابنات في احد مايسأل عن هديته ……….عقب تخيلو شسوا,,,,,,,,,,,,,,,,,,,,,,,,,,,,,,,,,,,,,,,,,,,,:e h_s(14):قال(بصياح)نتي جاتج الحاله تبين تسوين مشكله ويحذف البوك بكرتووونه على الطووفه بقوه وعقبه الساااعه اللي تهشمت بأقوى ماعنده …..
توني بتكلم قال سبحان الله الز………ز………(هذي سبه يابنات اتوقع عرفتوها شفتو الى اي درجه كلامه قذر)مايتغير………..
وانا مصدووومه والله اني من الصدمه قلت الساعه انكسرت قال كيفي مو هديتي لو ابو….فوقها كيفي مالج شغل ويمشي يروح الغرفه يوم وصل عند باب الغرفه قال انا بدخل وفيج خير الحقيني والله لألعن والدي والديج>>>>لانه متعود اراضيه حتى لو هو غلطان
وربي اني من الصدمه ماا قدرت اتحرك حسيت اني ارجف
رحت الغرفه لقيته يلعب بالتلفوون قلت انت جبان دايم تلجألهالسلوب اذا حسيت نفسك غلطان قسم بالله انك نقص وطلعت وخليته……………………وانا ابجي وامشي بسرعه دموووعي على خدي.gif "Eh S(14)")
فيني حززززززززززززززززززززززززززززززززززززززن والله محتاااره في امره ولا ادري شسوي تعبت
بقولكم شغله يابنات لو ما رحت كلمته باااجر بيحقرني لو شهر لين اجي اكلمه شسوي شوروني الله يوسع عليكم……………………..
على فكره عندي ولد فديته نور عيوووني واغلى ما املك………………تكفوووون انطر ردودكم على احر من الجمر لاني اثق برايكم وما ابي اسوي شي اندم عليه شالحل معاه
والله يابنات ماكتبت مشكلتي عندكم عشان الطماشه انا دخلت وكلي رجا بالراي الصح وماتصووورن كيف محتاااااجته اللهيسامح من حقر مشكلتي والله يوسع على اللي بتريحني اعذرني ماقدر افيدج ماعندي خبره بهالسوالف لاني مو متزوجه بس ماحبيت اطلع بدون رد
بس اسلووبه حده مهين
مادري بس انتي لازم انج ماترضين ايغلط ويسب والا باجر كل كلمه والثانيه بيسب
وغير هذا اشيا واجد اللي يعد الحال
ماقصرتي غلاتي على المرووور شوفي27 مشاهده وردين بس الله يسامحكم والله ماكانت الهقوه
انا توفيه ما اقدر افيدج لانه ماعندى خبره بهالسوالف ,,,
بس لازم يتعدل السوووب زوجج باجر لاكبر ولدج ربي يخليه لج بيتعلم الالفاظ من ابووة قبل لايتعلمها من الشارع ,,,,
بس انااللى اعرفه ان الرياييل مو مثلنا
بتقولين اشلون ؟؟؟
يعنى الرياييل مايمشى معاهم اسلوب النغزات ويمكن لما انتى قطيتى هالنغزه نرفزته .
وانتى دامج عارفه اسلوبه هالنوعيه مايمشي معاها الاالحقران
اهتمامج الزايد قاعد يشجعه …
اول شغله …
لااتعبين روحج بالهدايا بدال هالفلوس اللى تقططينها اشتري شى رمزى وعادى والباجى قطيه على روحج
ريلج اذا شفتيه عصب .. لا اتجابلينه حقريه وطلعى من المكان اللى اهوه فيه
حركة كل مازعل تركضين وراه وتساحلينه غيريها
وعليج بالدعاء والاستغفار والصدقة ..
بس بصراحه حاولي تقرصينه شوي اذا هانج ترا كل شي ولا كرامتج اليوم يسب باجر يطق
احقريه ولا روحي لبيت اهلج جم يوم احرميه من جو الاسره شوي خل يحس علي دمه
بصراحه انا ما مريت بموقفج لحمدالله بس وانا اقرا سالفتج احس بنار داخلي
والله لو انا منج عقب هالسالفه لو يموت ما اشتريله عوود حتي لو يعطوني لمحلات دعايه ما اعطيه
اول ماتزوجت شري لريلي بوك ولااستعمله وبس عقبها ماشريتله شي اللهم عطور اذا خلصو الي عنده ومن فلوسه بعد هههههههه عقاب عشان يعرف شلون يقدر الهديه
اصبري عليه ومع الايام بيتعدل
مابيج تزعلين بس الواحد احيانا مايشوف اخطاءه بس اذا عرفها يكون احسن عشان يقدر يعدل ويتفادى المشاكل
ريلج اسلوبه مو حلو بالمره وينرفز انا معاج
بس هم اسلوبج ينرفز
وكل شخص له رد فعل
اهو رد فعله كان الكلام الي قطه
وانتي رد فعلج كان يوم دشيتي عليه الرفه عقب ما خلصت السالفه وقلتيله كلمتين بالعظم
بالنسبه لي ماكان لازم تقطين عليه النغزه من البدايه وانتوا توكم باديه علاقتكم تتحسن لأن كل الرياييل بدون استثناء اذا صارت مشاكل وايد بينهم وبدت تتعدل.. على اي ظرف يصير تكلمينهم فيه ومايعجبهم الكلام بيقولون تدورين المشاكل
كل الرياييل عندهم ان الحريم يدورون مشاكل واهم مساكين يدورون الراحه
بس فوق كل هذا لما قط عليج الكلام وراح الغرفه كان المفروض تروحين تقولينله ليش تضايقت وانا ما كنت اقصد الي فهمته
وتخلينه ينقد على نفسه بدل ما تقوليله انت جبان وتخلين الامور تكبر اكثر وتصير مشاكل من يد ويديد
هذا رايي واتمنى ماتزعلين
وانشالله الله يهديكم ويريحكم