|
|
السلام عليكم ..
اول شي وقبل كل شي ابيكم تدعون لولدي ضاري ان الله يشفيه من بصفار اللي جاه .. لان حالته حيل تعبانه ووجه اصفر من المرض ..
شوفوا يا طويلين العمر … انا من حملت وانا تعبانه واللي يعرفني من تجمع 7 و 8 يعرف الشي هذا
خاصه ان نزل علي دم اول الحمل .
واخذت 3 شهور ابر تثبيت
و 2 شهر حبوب تثبيت
يعني ما قطعت التثبيت الا بعدد 5 شهور من حمالي …
يمكن هذا اللي خلى البيبي يكون مرتفع حيل وراسه مو نازل
المهم كنت اراجع عند دكتور السلام عمرو عصام
اللي من البدايه انا مفهمتهم يا ابن الحلال قولي الصج . لو ولادتي طبيعي بولد عندك . ولو قيصري لا والله بروح الحكومه ..
ودخلت شهري التاسع
ومافي احساس كلش
لا طلق
لا عوار
لا الم
ولا شي .. والتخطيط الللي اسويه حده بارد
رحت اول اسبوع من التاسع للطبيب سوى لي فحص داخلي . طبعا الراس مرتفع حيل وما حسيت لا بعوار ولا خرابيط مع ان الفحص الداخلي يكون مؤلم بس انا الحمد الله ما حسيت بشي .
رحت الاسبوع اللي عقب .. ونفس الحاله مافي اي احساس
قالوا لي البنات امشي احسن . ومشيت واااايد من غير اي نتيجه
مافي طلق … والتخطيط حده بارد .
مني ليما خلصت الشهر التاسع . باجي لي يوم او اثنين . رحت حق دكتوري
قالها بصراحه : ولادتج اما طبيعي مع طلق صناعي . او قيصري . اختاري
طبعا انا ادري بالمستشفيات يطقونن طلوق صناعيه وآخرتها يفتح الرحم 4 او 6 سم وعقب يقولون لا ما يصير قيصري !! ها الحركه صارت كثير مع بنات اعرفهم ..
شلقت قشي وقلت لا والله مافي احسن من الفروانية ( مع اني كنت خايفه )
وجبت واسطه ودخلت الفروانية عند طبيبه معرفه ..
وسبحان الله . كل شي كان مسهل من رب العالمين يمكن لاني طول فترة حملي ادعي يارب سهل لي حمله وولادته .
سبحان الله .
نمت بالمستشفى قبل رمضان بليله . وطبعا الصيام من الساعه 12 بالليل عن الاكل والشرب .
وحاولت الطبيبه انها تعطيني طلق صناعي بس طبعا انا رفضت هذا الشي قلت لها انا موافقه ع القيصري ما ابي طلق صناعي الياهل ثابت فوق والمشيمه مرتفعه والراس صاير جنب
ليش اعور نفسي بطلوق وانا ادري ان ما لها فايده غير انها تذبحني ع الفاضي ظ!!
وقعت على العملية
وزوجي وقع
وسبحان الله اول يوم برمضان .. عطوني الحقنه الشرجيه . ورحت ال………
وكل شي تمام .
بعدين شربوني حبه مع دوا .
وسدحوني على السرير بعد لبس ملابس المجانين 
ويا الله واهلي والكل معاي . طبعا ريلي كان مو موجود بس خواتي .. وبس .
وقلت حق اختي . لو ولدت وطلعت من الغرفه ادقين على زوجي لا يجي قبل .
طبعا انا في غرفه العمليات بالفروانية مو الوضع لا اللي عليها اسم عمليات …
دخلوني . وقالوا ابره ظهر ..
لان خشمي مسكر له 2 اسبوع من اول ما دخلت التاسع وهو مسكر نشله على حساسيه …..
قعدت وقالت طبيبه التخدير هم ابرتين وحده تخدر الظهر والثانية تخدر الجسم كامل . .
الابره طبعا رفضت اني اشوفها عطيتيها ظهري وقلت الشهادتين . واستغفرت ربي ودخلت بقلب جامد
اول ما خلصت .. بسرعه اسدحتني وقالت لا تتحركين
وانا كل شوي ااحرك ريلبي وجت طبيبتي . والدكتور المساعد واقول للطبيبه انا حاسه لا تسوين شي
كنت خايفه لا يشقون بطني وانا حاسه .
واهي بس تضحك تقول بشنو حاسه حنا شقينا بطنج من زمان !!!
سبحان الله ..
وحطولي مثل الكمام اكسجين الله لا يوريكم .. صابتني حساسيه وبس احك وجهي . خشمي عيوني شفايفي بس احكحك فيهم . الطبيب حقت التخدير اخترعت شفيك !! قلت لها فيني حكه مو طبيعي ما ابي الكمام هذا مو زين ..
ووقعدت ارجع وانا نايمه على ظهري تخيلوا قلبت وجهي على جنب وجابت فوطه رجعت عليها والسبب الكمام ..
وبس احك ..
وعقب عطوني ابرتين عشان تروح الحكه واسمع صوت ماي .. وكل شوي الطبيبه تقول غنوة لا تخافين ترا كل شي تمام ..
وشوي واسمع صوت ولدي .. وبس ابجي ..
وجابوا الياهل وحطوه يمي وانا ابجي
سبحان الله ناطرته لي 4 سنوات وتوني اشووووووفه سبحانك ربي
بعدين على غرفه الافاقه .. ونفس الشي الحكه للحين ما راحت
طقتني الممرضه ابره ثالثه ( عشان الحساسيه اللي معاي ) وفتح خشمي !! سبحان الله اول ما ولدت خشمي رد طبيعي و النشله راااحت ..
عقب احس بنمل يمشي بريولي .. وطلعوني حق خواتي وريلي
اول ما طلعت مسكت اختي ريلي .. وتقول غنوة كل شي تمام وضاري بخير ..
اهي مسكت ريلي وانا قعدت اضحك ..
خبله .. ريلي جا وبوجهي يقول ما شاء الله ما شاء الله كل الحريم تبجي وانتي تضحكين !!!
وعقب يقول لي امانه ليش تضحكين .. فهمته ان ريلي مخدره واختي مسكت ريلي وضحكت
طبعا هذا كله اوكي بس المعاناه لما يروح البنج تحسين بسجاجين تقطع بطنج مكان العملية
وينمونج على سرير من غير مخدده لازم من غير مخده ويكون مسطح عشان لا يحوشج عوار بالراس بعد ازاله البنج ..
غير لدربات والابر اللي طوال الليل . وطبعا ما في اكل بس سوائل بعد العملية لمده يومين .
كان وزني 64 كيلو مع البيبي يوم ولدت انخسف حق 55 كيلو
قعدت بالمستشىفى 5 ايام . . ويوم سادس زياده لان البيبي تعبان
ادعوا لي بنات ان الله يشافيه ..
باجر يعني بعد شوي موعدي بالمستشفى عشان اغير على الجرح حقي . وعشان البيبي يسوي فحوصات الدم لنسبه بوصفار اللي فيه . .
كل سنه اقول يارب ما يجي رمضان الا وانا ولدي عندي .. كل سنه بالعشره الاواخر اروح العمره واطوف بالبيت وادعي الله يارب السنه الجايه برمضان اجي ومعاي ولدي .. وسبحانك ربيبي السنه هذه حتى رمضان ما راح اصووووومه .
وسبحانك ربي حقق لي الحلم هذا على اول يوم برمضااااااااااااااان .. بعد نطره السنوات هذه كلها ..
بنات لا تيئسون من رحمه الله .. سبحانه لو اراد شي يقول له كن فيكووووووووووون .
والحين مستانسه الحمد الله
عسى الله يفرح كل حرمه وكل محرومه يارب … ويرزقها بالضنى الصالح …
والله فرحت لج حييل
تذكرتج لاني من قبل طلبت منج جنطه
عسى ربي يشفي ولدج ضاري وتشوفينه معرس يااارب
الله يخليه لج يارب
حالتك نفس حالتي من سنتين
ولدت اول يوم برمضان وبعملية وجلس ولدي فترة في الحضانة
الحمد لله عللى كل حال
والله يشافي ولدج انشالله عرضيه للشمس زينه حق الي فيهم بوصفار
مبرووووك حبيبتي والحمدالله على سلامتج
والله يشافي وليدج وتطلعين انتي معاه بالسلامه ان شاءالله
والله يشفي وليدج وتفرحين فيه ياااااااااااارب
والله يشافي وليدج لج يا رب العالمين
والله يشافيه ويعافيه ويرده لحضنج بأقرب وقت يااربي
نفس قصتي بس انا حامل بالخامس بعد طول انتضار يارب لك الحمد
وعقبال الولادة يارب وان شالله تكون سهالات لان قلبي يرقع لما اقرى قصتج حسيت اقرى بسرعة بسرعة جني بدش عمليات خخخخخخخخخخخخخخخخخخخ
ربي يشافي ضرووووووووووي وتشوفينه معرس
يا رب ارزق كل محرومه الضنا الصالح المعافي
امين
ومبروووووووووووووووك الرجال
عسى ربي يحفظه لج
وتشوفينه معرس
والله يشافيه لج ويطلع بالسلامه