كل الموظفات المتزوجات سؤال؟؟؟

بنات بغيت اسالكم اذا انتي موظفة ولج دخلج الشهري المستقل عن زوجج…
هل تطلبين منة مصروف شهري لج انتي؟؟؟يعني موللعيال لا انتي تاخذينة؟؟؟؟

بصراحه .. انا ما اطلب لأنه الحمدالله معاشي مكفيني ويزيد!!
بس ريلي الحمدالله بدون ما اطلب منه اذا صار عنده يعطيني من نفسه بس على حسب ظروفنا يعني اذا ماكو مجال وودي اب شي هم ما اطلب لأن ما احب اضغط عليه اب شي …
بس خطه شوي من معاشي وشوي من معاشه مخشوش ترا زينه حق اليوم الاسود

والله عن نفسي طلبت منه وكان يعطيني بس قطع عني رياجيل هالوقت مايندون قلس مع انه ملزوم فيني حتى لو اني مليونيره بس شنقول

.

طبعا وجهه نظري لازم الزوجه تاخذ مصروف مومشكله تساعده من معاشها وكل شي بس تاخذ مصروف عالاقل الزوجيه مالتها 100 دينار

بتساعده اهي بعدين كيفها من نفسها وتحط معاه

لا ما اطلب منه
اذا كان معاشي مكفيني

بس اذا نقصني شي لازم اقوله

والله انا عن نفسي صج اني مو موظفة بس لازم الوحده سواء موظفه او لا يكون لها مصروف لو بسيط حيل ان شالله لو 20 المهم انه يحطلج احساب خاص حق المدام يتعود على المسؤلية باجر بيونه اعيال وماتعود يحطلج شي خاص

بالنسبه لي انا افضل يجيبلي هديه ما يعطيني فلوس

يعني مثلا رحت السوق وعجبتني جنطه وقلت واو حلوه يروح ياخذها لي وااي ونااسه

طبعا هالشي ماصار ولا مره واشكثر اقط نغزات بس مافي فايده هههههههههههه

وبصراحه بصراحه انا مرات اعطيه من معاشي

نعتبرها مساعده والعيال يعني تقريبا سوالف لبسهم علي

مادري وين يروح معاشه ؟

انا زوجي خذاني وانا اصلا موظفة فتعودت يكون لي حسابي الخاص ومصروفي الخاص
فكلش ما اطلب منه شي

حتى دايما اطفره اقول له
هذا انتوا يالرياييل اذا طق براسكم شي بالليل ما عندكم غير تهددونا وتقولون اذا نمتوا واحنا زعلانين عليكم عشان هالموضوع تلعنكم الملائكة لي الصبح
بس بالمصروف ما تقولون الدين حث ان الزوج يصرف على زوجته حتى لو اهي مليونيرة

والله ما اطلب حتى لومعتازه هذا طبعي , والحمدلله معاشي مكفيني ,, وما ابي اطلب اخاف اندقر على الرغم ان من حقي

حياكم اللة حبايبي وماقصرتو عالردود الحلوة
بس انا اسمع من بنات ومدرسات بعد انها تاخذ منة مصروف لانة ملزم فيها وانا نفسكم الحمدللة معاشي مكفيني وزيادة
واصرف على نفسي وعلى عيالي بعد تصدقون من كثر ماقمت مااطلب منة لنفسي نسيت انة ملزوم بعيالة واللة عادي ادفع من جيبي هم هذيلا عيالي (بس جنة غلط)؟؟؟

اوووووووووووووو احنا اخذي وخلي من النغزات بس ماكو فايدة

لا انا ما اخذ بس اذا عطاني ما ارده

وكافي عليه المطاعم والطلعات بعد شنو ابي اكثر من جذي

لا ما اطلب راتبي الحمدالله امكفيني بس حق العيال والله اطلب حق ملابسهم و العابهم بس مو كل مره والله