كل اللي عندهم بنات يعانون من هالموضوع ؟؟؟؟؟؟

السلام
انا عندي بناتي عمرهم 6 سنوات والثانية 3 ونص الله يحفظهم
تعبت تعبت تعبت معاهم خاصة الكبيرة
على طول معاهم حكة بالمنطقة التناسلية ،، والكبيرة مرة نزل منها شوي دم واخبصتني وطلع معاها التهاب وقالت لي الدكتورة ان هالمنطقة عندها معرضة للإلتهابات

الحين اهم ال2 على طول عندهم حكة والكبيرة احمرار شوي بالمنطقة ( اتوقع من الحكة ) مع ان محد يغسلهم غيري وبنتي الكبيرة ما اخليها تغسل روحها الا اذا كنت مو بالبيت عشان اضمن اغسلها عدل

وانشفهم عدل بالكلينكس وملابسهم الداخلية على طول اغيرها

بس تعبت من هالسالفة

شالحل ،، يعني البنات الصغار كلهم يمرون ابهالمشكلة ؟؟؟؟

انا ابهالسوالف اودي بنتي الكبيرة لما يزيد عليها التهاب لدكتورة امراض نسا نفسها اللي تعالجني ،، لاني ما احب اوديهم دكتور اطفال لان دكتورهم ريال واكره يفحص عليهم ، تعرفون دكتورة اطفال ممكن تفيدني ؟؟

غسليها بغسول abc ممتاز

اول شي شوفي الاسباب انا ما عانيت من هالمشكلة مع بناتي الا مرة وحدة او مرتين مع بنتي الكبيرة عمرها 5 سنين ..
وترا هم مو زين لنفسية البنية كل شوي موديتها دكتورة تفحص هالمنطقة ديري بالج ..

ممكن يكون من الصابون اللي تغسلين هدومهم فيه ؟ !! لازم صابون ما يسبب حساسية مثل صابون الاطفال فيليتي ممتاز او اي نوع خاص للاطفال احسن ..

وانتي شلون تغسلينها ؟؟ ترى النظافة الزايدة وصابون كل شوي هم تسبب التهابات ..
المفروض بس ماي .. والغسول بس بالليل ومو على طول بعد .. انا استعمل الغسول كل يوم بالليل لبنتي الصغيرة لأنها تلبس بامبرز بس الكبيرة لما يحوشها التهاب بس او احس فيها حكة ..

احسن غسول abc ومثل ما قلت مو اكثر من مرة باليوم ..

الملابس الداخلية انتي مو مقصرة تغيرينها كل يوم .. يبقى شنو ؟؟
لازم يشربون سوائل وايد وماااي اخاف قلة الماي تسبب لهم الالتهابات ..

انزين في شي بعد ..
اخاف بنتج عفوا يعني تتبول شوي بهدومها يعني تنقط بس وتظل بهدومها ما تغسل على طول علبو ما تبي تقطع اللعب .. لأن مرات اليهال يلهون باللعب ما يحسون بروحهم ويحصرون عمرهم وهم هشي يسبب التهابات.. وصارت ابنتي مرة طلع السبب انها منقطة شوي بهدومها وما غسلت على طول والتهبت ..

ميلك شيك
اول مرة ادري ان يصير استعمله للصغار ؟؟؟ على بالي بس للمتزوجات

ومشكورة حبوبة

رفرف
والله شوفي انتي صدتي اكثر من شغلة
بالذات مع بنتي الكبيرة
انها تحصر روحها وااااااااااااااايد تخيلي ساعات تبجي اذا غصبتها على الحمام عشان مثل ما قلتي تكون تبي تلعب ولا تشوف التلفزيون
الماي عادي يشربون
بالنسبة للصابون ،، قبل استعملهم صابون الاطفال بس الحين لما شفتهم كبروا شوي قمت استعملهم الصابون العادي اومو مع شوي كلوركس ،، والله عاد اليوم لما شفت المنطقة حمرة قلتت لااازم ارد على صابون الأطفال يمكن يتحسن الوضع بس انا قطعت صابون الاطفال لاني احس ما يبرد القلب بالنظافة خفيف وايد بالذات بعد ما ادخلوا المدرسة وتتوسخ ملابسهم احيانا من المدرسة وحماماتهم وانهم ما يغسلون عدل

بالنسبة للغسل ،، انا ما استعمل لهم الا الماي وانشفهم ما استعمل الصابون اخاف يسبب جفاف ويزيد الحكة …

بالنسبة لنفسية بناتي اذا وديتهم الطبيب
صح كلامج 100% انا مابي يصير عندها شي عااااااااااادي ان كل ما حست بحكة او شي اوديها الطبيب وتتفجج جدام الدكتورة مابيها تتعود على هالشي ومابي هالشي يأثر عليها ،، بس شسوي ؟؟ احتار لما اشوفها جذي واخاف اهملها اروح اضرها زيادة ابأهمالها

عاد تصدقون بنات ؟؟
مرة وديتها للدكتورة فرجينيا بالمواساة ما رضت تفحصها تدرون ليش ؟؟؟
قالت مو زين بنت هالعمر نلمسها ونفحصها لان هالشي بينبها للدغدغة اللي ممكن تحس فيها اذا المستها ابإيدها قالت حتى الكريم ما احط لها ابإيدي تقول حطي على شاش واحط الشاش على ملابسها الداخلية وبعد مدة اشيله ….

الله يعينج والله
بس ماعندي اى فكره

اخني اانا ما عندي بنات عندي اولاد هم مرات استخدملهم الغسول النسائي اللي انا استخدمه مره بالاسبوع او مرتين
وفعلا ما قامو يحكون نفس اول واحس انها نظفت نصيحتي حتي للاولاد استخدموا الغسول

انا كانت بنتي تتحكك واااااايد و تبجيي تقول يعورها كنت نفسج جذي وديتها حق دكتوري مال النسا و الولاده و سوالها فحص يول و عطاني دوا لها و غسول و غيرت صراويلها كلهم وشريت يدد,,,,,,, عثب فترة هم رجع جان اوديها دكتور جلديه ماعرف اسمه بس بعيادة موسى سلامه جبر و قاللي سبحيها كل يوم بس يوم بصابون ويوم بس ماي و عطاني زيت مثل بيبي اويل مال جونسون احطه وجسمها فيه ماي تالي اغسله وعقب مانشفها احطلها لوشن طبي وهم قال شربوها ماي وايد وعقب وراح الحمدالله ماقام يررجع نفس قبل ……. اليهال مع الحركه الزايده واللعب يعرقون مو نقول صغار مايعرقون مثلها عادي اذا ماسبحو كل يوم بالعكس ماينامون

مشكوووووووووورييين ما قصرتوا

بس والله كلش ما طرى على بالي سالفة الغسول
وبنتي سويت لها تكرمون تحليل بول والحمدالله ماكو شي
بس الحكة من بره على المنطقة التناسلية

وقعدت افكر اوديها الطبيب بس مابيها تتعود على هالشي

وانشالله بجرب الغسول انشالله ينفع معاها

الله يعينج حبيبتي

يا ربي نفس معاناتي مع بنتي كل التهاب خارجي الملابس الداخلي واغيرها بين فتره والثانيه وكل قطنيات لدرجة ما قمت اشتري لها السراويل الي عليهم صور باربي واميرات ديزني لملونين قلت يمكن من اللون يسبب التهاب وتشرب ماي وايد و اغلي سراويلها بجدر وعطاني الدكتور غسول abc اهو حلو لأن فيه زيت شجرة الشاي المعروف كمطهر بس ما حبته يحرقها لغسلت فيه وغيرت لغسول ثاني الطف اهو saforelle فرنسي وايد حبته وارتاحت له لدرجت قامت تستعمله ابروحها يخف الألتهاب وبعد فتره يرجع وتحك من تحت
وبغيت اسأل تشمون ريحه وانتوا بكرامه ابول البنت هل هذا دليل وجود التهاب مرات اشك ان فيها سكر واسويلها تحليل بالعياده يطلع مو سكر جم مره وقفت قلبي عمري
بس اشسالفت البنات الصغار مع التهاب المنطقه شنو الحل

علي فكره حتي اختي بنتها تعاني من هالشيئ حكه واحمرار شنو الحل

اتقولين اتنشفينها بكلينكس؟؟

الكلينكس يسبب حساسيه ترى

انتي اشتريلها فوط صغار خليها بس للمنطقه

[b]أنا عندي كم شغله بغيت أنبه عليها وهي:

كلينكس تنشف فيه البنت يزيد عليها الالتهابات
أيضا استخدمي صابون الأطفال أفضل
خليها تشرب الماء بكثره-لو تغصبينها على كاسين أو أكثر بين فتره وأخرى
لاتحسر عمرها وخليها تروح على طول وأنتي نبهيها على هالشي-وسلامتكم[]

ما تشوف شر بنتج

صغيره والله على الالتهابات
انا بنتي عمرها 3 سنين ولي الحين تلبس بامبرز تعبت معاها ودايما عندها المنطقه حمرى وكلا استخدم فازلين بس اخترعت من سالفت الدكتوره ان ما نحط كريم بايدنا !!!!

اوكي وصلنا خير ..

الصابون لو مو عاجبتج نظافته خليه بس لملابسهم الداخلية وهاذي اصلا ما تتوصخ وايد اذا تبدلينهم على طول ولي توصخت شي مايروح قطيها اصلا ..
لأن غلط تستعملين صابون عادي وكلوركس حق هالمنطقة ؟؟!

وانها تحصر روحها هم اقولج ترا انا اول مرة حاش بنتي التهاب سألت امي سيده قالتلي نفس الكلمة تقول عادي يمكن تحصر روحها وتنقط بهدومها وماتغسل بحزتها يسبب التهابات وطلع كلامها صج فانتي تابعي هالشغلة ..

وارد اقول كلام الدكتورة عدل انا حتى الغسول اذا بحط لها احاول ما اخليها تحس يعني جدا سريع يادور الصابون يحوشها واغسله بماي بس واحاول اصلا ماحط ايدي بهالمنطقة وانا اغسلها سوري عالشرح بس ترا صج يأثر على نفسيتها ..