كل اللي تعامل مع د.امل عبدالعزيز ارجو الدخول

بنات انا ماعندي الا ولد الله يخليه لي وكانت مراجعاتي كلها عند امل عبدالعزيز الراشد اللي بمتشفى رويال حياة وولادتي عندها انا ماشفت منها شي بنت الحلال يمكن ضايقني شي واحد الخياط ان موهداك الضيق بناء على كلام زوجي اللي انحرجت منه مع اني حاسبتها على تجميلي …

انا حاليا حامل ولازلت اراجع عندها ماعرف غيرها بس يا اني سمعت عنها يلاوي مافي احد يمدحها واللي مايمدحها يطلع مايعرفها انا مصدومة اخاف انا مخدوعة فيها باعتبار اني مالي خبرة ياجماعة ياكويتيات فيدوني او انصحوني بدكتورة زينة من تجربتكم لان والله خايفة منها ترا اختكم على باب الله تراني مافهم شي

والله حبيبتي انا اراجع عندها وفي وااايد ناس امدحوها ووالدين عندها والسهاله من ربج بس انا ارتاح لها وانتي لما تروحين ما تشوفين الزحمه يعني معقوله كل هالبشر ما سمعوا شي مو زين عنها … انا راجعت عند حسام بدار الشفا بولادتي الاولى الله لا يوريج اللي صار وولدي حاشه نقص اكسجين

رحت حق شاديه عثمان اللي كانت بالمواساه بحملتي هذي بس ما ارتحت احسها بسرعه بالمراجعه ما تعطيج حقج

جربت امل والله ادش ارتااااااح وانشالله لي ولدت اقولج

انتي استخيري وسمعي راي باجي البنات والله يسهل حبيبتي

والله شقولج انه عن نفسي ماشفت منها بنت الحلال الا كل وانه نفس وضعج سمعت ناس تذم فيها وناس تمدح بس يكون بعلمج الناس مايعجبها شي واذا على الخياط قولي لها انه اول مرة ماكان مضبوط وحرصي عليها وعلى فكرة انه اراجع عندها واحبها حيل ولوفيها بلاوي مثل ماسمعتي جان ماخذوها رويال حياة وعلى فكرة وانه ماادافع عنها بس الظليمة شينة اعرف ناس خبرررررة في مجال الطب ومستشفيات الكويت كلها يمدحون الدكتورة امل والدليل الضغط اللي عليها وكانت دايم الاولى في دفعتها قبل لاتروح الخاص وانتي حرة في اختيارج والله يوفقج.

يا قلبي انتي (وحدة كويتية) ماقصرتي ربي يسهل عليج ويتمم عليج بعافية بيبيج وعافيتج انشالله تصدقين انا بعد جدي اقول مغقولة كل هالزحمة عندها ومو سامعين عنها شي بس ميخالف نصيحة اكديلها وقت الولادة على الخياط ونبهيها عليه يمكن لاني كنت بكر مابغت تضيق واجد عبالها ماحتاج بس انتي اخديها معلومة تفيدج لازم تتفقين عالخياط قبل الولادة معاها اوكي

وبيني وبينج يشهد الله اني احيانا اقعد عندها قريب النص ساعة والساعة مستلمينها انا وزوجي اسالة (:

واهي بالها طويل وداكرة الله وما تطلعنا الا مبردة قلوبنا انشالله يكون اللي سمعته جدب

دلووووووووووووووووووعة ماتقصرين جزاج الله خيييير الله يسامح اللي بيخرب مادري شيستفيدون تصدقين

حبيبتي والله انا هم سمعت كلاام بس ما صدقت والله وتوكلت على الله وارتحت لها فوووق ما تتصورين وتتغشمر تهبل يلله عسى ربي يسهل علينا وبكلمها عن الخياااط انشالله

والله آنا رحت لها مرات بس دايم تشوفني الدكتورة شيرين المصرية اللي عندها من كثر الزحمه أمل و أقولهم أوكي خل تشوفني الدكتوره شيرين و بعدين رحت حق دكتور عصام صقر لأن مولدني من قبل
بس مرت خالي والده عندها و ماذمت فيها وحماتي تراجع عندها و تمدح فيها
و بعدين كل وحده و اللي ترتاح لها
بس صج الدكتوره اللي أتمنى أولد عندها كانت الدكتوره ناهده العلي بس واااااااااايد زحمه عندها و آنا ما أحب الزحمة
يعني إذا تبين خوووووووووش دكتوره روحي حق ناهده

أختي ما ادام انتي جربتي بنفسج ليش تسالين شالله حادج تردين لها
نخيلي انا كنت حامل وما ادري سوت لي سونار تدرين شنو قالت لي فيج تكيس وتليف وعطتني ادويه تخيلي وانا حامل انا ما اذم باخلاقها اهي ذهب بس بصراحه مو شاطره اكو احد ما يعرف التكيس من جيس الياهل طايره بوهتها من كثر المراجعات مو قادره شالله حادج؟ والمستشفى غالي نار واقل مراجعه 40 دينار على شنو ؟؟؟

و الله ما جربتها بس اذا م مرتاحه لها غيري

نلتقصرين حبيبتي
عنج رقم ناهده

للرفع
والله يستر

اختى انتى جربتيها وماظبطت معاج هالدكتوره لاتعيدين المشكله مره ثانيه غيريها وانتى مغمضه جربي نداء خضور يمدحونها وتولد برويال حياه وبكل مستشفيات الكويت..

غيري الدكتوره وانصحج روحي عند نداء بوخضور انا اراجع عندها الحين عجيبه

للرفع

الله يرفع مقدار كل من ردت علي

مشكوره على الدعوه الحلوه