|
|
السلام عليكم ورحمة الله وبركاته
بنااات بليييييز اللي درست بمصر يريت تجاوبني
أنا رحت وزارة التعليم العالي عشان بقدم على ماجستير بمصر وطلبو مني أوراق مو عارفة شلون أكملها
سؤال:
1- وين أصدق أوراقي بالخارجية أي منطقة ووين مكانهم؟؟
2- وين السفارة المصرية بالكويت عشان يصدقون أوراقي؟
3-كاتبين بالمطلوبات ( صورة طبق الأصل من جواز السفر مصدقة من نفس الجهتين الصادرة من إدارة الجنسية والجوازات بالضجيج) يعني اهي صورة الجواز العادية وأصدقها ولا اروح الضجيج واييب ورقة ثانية ما فهمت؟؟؟
4- كاتبين بعد بالمطلوبات ( مستخرج رسمي من شهادة الميلاد الصادرة من المواليد والوفيات بميدان حولي)، هل يقصدون شهادة الميلاد العادية ولا شي ثاني هم ما فهمت.
5- المؤسسة العامة للتأمينات الاجتماعية وين مكانهم.
6- اللي قدموو بيدرسون على حسابهم متى طلع قبولهم خلال فترة قصيرة ولا طول؟؟
7- شنو أحسن الجامعات المصرية اللي تنصحوني فيها؟
وبلييييييز تساعدوني محتاجة أخلص تقديم أوراقي قبل رمضان عشان يطلع قبولي قبل الكورس الأول انشالله
اذا تبين تريحين نفسج وتاخذين قبولج من الجامعة وانتي قاعدة في بيتكم روحي حق مكاتب الي يكون معترف فيها التعليم العالي
ترا هل سنة في جامعات الخاصة الي في مصر واااااااااااايد مو معتفر فيها توه حطت القرار نوية قبل لا تطلع شهر 5 نزلت القرار لغت الاولي والتالي بس 3 جامعات خاصة الي معترف فيها
في مكاتب تروحين لهم يقولنلج انه هل جامعة معترف فيها بالكويت ولا لا ..وبعد المكتب اهوى الي ايب قبولج وبعد ابسرعة ما يطول لما ايب قبولج وانتي قاعدة في بيتكم يسوي كل اوراقج اذا انشالله انقبلتي
اول ما تروحين يقولج شنو الجامعات الي فيها تخصصج حق ماستر وكل شي تبينه تسئلينه واهوى يجاوبج
وتعطينه صورة من شهادتج وتعطينه 100دك واذا انقبلتي راح يطلب منج 150دك عشان اهوى يسوي كل شي ومن طوابع ومن هل سوالف
واذا ما انقبلتي يرجعلج 100 مالت ..واذا انقبلتي تعطينه 150 بعد
واحسن مكتب وبعد يعني تضمنين انج تنقبلين لان راح يحطلج واسطة عشان يبي يكسب الريال ايب قبولج ايبة
في مكتب الي في شرق وااايد زين وبعد مو نصابين يقصون عليج
(مركز الخليج للشئون الجامعية)
انتي دشي على المدير العام لان احسن واحد اسمة (حسنى كامل)
رقمهم(99864981
مكانهم :الشرق_عمارة كبيرة اسمها(مركز رياض)-من الدائري الاول-دور الخامس
اهوى هذا اكثر مكتب معروف وحتى الريال هّا حسني المصري المدير الشايب معروف ولما تروحين كل مكان حمدالله والشكر حاط اصورة امصور مع مسؤلين وبعد هذا المكتب الي لما رحت التعليم العالي عطوني اياه
بس مثل ما قتلج راح يقولج اذا تبين اودي اوراقج تعطيني 100دك واذا ما طلع قبولج راح يرجعلج 100
واذا طلع قبولج راح يقولج عيطيني 150 يعني لو تحسبينها كله لما ايب قبولج 250 واهوى يسوي كل شي يعني يروح يصدق اوراقج بالخارجية وبالسفارة يسوي كل شي وحتى الطوابع
يعني انشالله لو اقبلوج راح يدق عليج ويقولج زهبي جنطتج انقبلتي ..بس انا حبوبة الي لما رحتله كان حق جامعة وياب القبول ابسرعة اقل من اسبوع بس مودري عن الماستر اشكثر ياخذ وقت بس انتي حني عليه وقولي ابي قبولي ايي ابسرعة
وقوليله ابي جامعة فيها تخصصي وبعد جامعة معترف فيها الكويت وابي القبول بأسرع وقت دودهيه عشان ابسرعة ايب القبول ..وسئلية بعد اهوى الي يقولج جم مصاريف الجامعة
لان هذا المكتب لما تروحين التعليم العالي وتقولين لهم ابي ادرس على احسابي وما عندج ريال يسوي اوراقج وماعندج احد يسافر يعطونج رقم هل حسني كامل الي مو مصدق نفسة صورة في كل مكان ودروع خخخخخ
موفقة خيتو
لما تروحين دشي على المدير العام حسني كامل واذا كان مشغول قولي مابي غيرة راح انطرة لان اهوى احسن واحد
وبعد سئله قوليله اذا انا ابي ادرس ماستر هل تنزلي اعانه مكافأة 100دك نفس الي يبي يدرس على احسابة في الجامعة
لان الي يبي يدرس على احسابة بالجامعة برا الكويت يعطون 100دك ..حالج حال لو كنتي تدرسين داخل الكويت هذا قرار الحين صاير لو كنتي اكويتية او امج اكويتيه ..اذا يصير حت بالماستر راح يقولج فتحي ملف في التعليم العالي عشان تنزلج المكافأه كل شهر
انشالله اكون كفيت و وفيت
فضيييع في كل مكان حاط اصورة يلبس نظارة