|
|
السلام عليكم
الرجاء مساعدتي في اختيار الافضل بين هالكليتين
منو احسن؟
سلبيات واجابيات كل وحده فيهم؟
عندهم امتحان قبول او قدرات؟
هل ضروري امتحان انجليزي للقبول؟
هيئة تدريسية زينة؟
نظام الدرجات عندهم شلون؟
عدد كورسات؟
اقدر احول بعد ما اخلص لاي جامعة خاصة او حتى جامعة الكويت؟ممكن؟
انا طالبة بعثة داخلية , فاذا راح اكمل بلكلية بكريليوس على حسابي او على حساب حكومة بعد؟
كلية بكسهل كليتكم فيها امان لان يقولون في جزء من الكلية قاعدين يبنونه يعني في عمال يشتغلون؟
كلية بكسهل ليمن اخلص دبلوم اكمل بالكلية بكليريوس سنتين نفس الاسترالية؟
طلبت كلية الاسترالية هل طبيعة دراسة زينة من ناحية طلبة (شباب)محترمين او لأ؟
ابي الي يدرسون فيها يعطونا معلومات زايدة عن كالياتهم ولا يبخلون علينا بشي
واتمنى الجميع يفيدنا حتى لو كانت المعلومة صغيرة
مشكووووورين
رفععععععع
اهي بنت حوا..
وسبق وحطينا موضوع عنه كانت بنت ساله وماقصروا معاها البنات خل ايب لج رابط موضوعه..
يمكن يفيدج..
انا مو طالبة بأي وحدة فيهم بس عندي معلومات ان شاء الله تفيدج
عندهم امتحان قبول او قدرات؟
هل ضروري امتحان انجليزي للقبول؟
اي عندهم امتحان قدرات انجليزي وضروري لانه يحدد مستواج هل تحتاجين تمهيدي او لأ خصوصا ان دراستهم كلها انجليزي
ويمكن عند بوكسهيل امتحان رياضيات مادري بس الاسترالية ما اظن
عدد كورسات؟
هم سنتين كل سنه كورسين يعني 4 كورسات
اقدر احول بعد ما اخلص لاي جامعة خاصة او حتى جامعة الكويت؟ممكن؟
انا طالبة بعثة داخلية , فاذا راح اكمل بلكلية بكريليوس على حسابي او على حساب حكومة بعد؟
تقدرين تكملين بالكلية نفسها بكالريوس سنتين بعد ماتخلصين الدبلوم اذا معدلج عالي
اما اذا المعدل نص ونص كملي بجامعه خاصة ومادري اذا يصير بجامعة الكويت
كلية بكسهل ليمن اخلص دبلوم اكمل بالكلية بكليريوس سنتين نفس الاسترالية؟
اي يصير بس للحين مافتحوا البكالريوس لين يخلصون اول دفعه لان الكلية يديدة لمن يخلصون اول دفعه بيفتحون البكالريوس نفس نظام الاسترالية
طلبت كلية الاسترالية هل طبيعة دراسة زينة من ناحية طلبة (شباب)محترمين او لأ؟
اللي اعرفه ان كل كليات الكويت خاصة وحكومة مافيها مشاكل من هالنوع والبنت اذا محترمة وسيدة تفرض احترامها على الناس ولا احد يكلمها
ان شاء الله المعلومات فادتج وان شاء الله باقي البنات يفيدونج بباقي المعلومات
واذا كلش اخذي لج دوره وموفجه خير انشالله
واذا في احد عنده معلومات شاركونا فيها حتى لو كانت بسيطة