|
|
اشلونكم حبيتاتى : الحين كلنا امهات اوكى نصلى ونعرف الصح من الغلط ونربى زين ونلبى الطلبات للعيال مومخلين عليه قاصر ,ي بس فى شغله الفتت نظرى يعنى مثلا فى امهات يستحوووووووون حيل يعنى تستحى اطالب بحق ولدها , تستحى اتواجه اللى غلط على ولدها , تستحى ترد بالوقت نفسه اذا صار موقف ولدها اتعرض له , انا اتكلم عن العيال من عمر 0-15 سنه
انزين هذى ام حياويه باجر حتى العيال مايقدرون يتصروفون ولا يعرفون شنو يسووون اعتقد غلط لاز م الام اتصيرقدوة حق عيالها عشا ن يعرفون يردون على الناس. وان حقهم مايروووح
بالمقابل فى ام نجريه و مهاوشجيه وتصرخ حتى بالمكان العام مايهمها احد , انزين العيال ليه شافوا امهم جذيه راح تكسرهم وتصير مسيطرة على الوضع, بعد حرام يمكن العيال يطلعون لسان طويل ولا يحترمون احد
——————-
اللى ياب هالسالفه انى افكر اول مثلا اشوف والدتى مثلا تى المدرسه وتكلم الاخصائيه ان مثلا انا فينى شى على الرغم انى ماقولها روحى كلمى الناظرة او شى بس اهى من نفسها تركض وتروح المدرسه اتشوفشنو صاير مثلا وامى بحكم , انا العكس مخليه عيالى اهم اللى يتصرفون اقولهم سو مثلا كيت وكيت بس مااروح المدرسه الا بالشديد القوى ؟ مادرى صح ولا غلط ؟ تدرون ليش
العيال مرات يجذبون ماتدرين منو اللى بادى الغلط ولدج ولا ولد الناس .
اخااف اواجه يطلع الغلط من ولدى وانحرج مع الناس .
احيانا بصراحه ما احب اواجه ناس انا ادرى انهم لسان من باب ما انزل نفسى لمستواهم وتالى صير صيحه يم الاولى والتالى . لان اكيد لو تكلمت ما راح اسكت
هل العيال يحسون بامان جذيه ولا لا ؟ انا بصراحه احس مقصرة ليش انا مومثل امى اتحرك بسرعه ليش اخلى عيالى يعابلون بعمرهم " اهم من عمر 9-12 سنه مااادرى هل لان عندى صبيان عشان جذيه مانى عارفه اتصرف والبنت بعد بروحها قويه مو ناقصه اقوى من الصبى , وانا يايه من بيت كله بنات ؟
ابى نتساعد عشان انصير امهات نحسس عيالنا بالطمانينه وبنفس الوقت مانقتل شخصيتههم ويعتمدون علينا فى كل شى
لان خلاني افكر وايد بالنسبه لهل الموضوع
لي وجهة نظر لازم اخلي العيال يعتمدون على نفسهم وانهم يواجهون الموقف بنفسهم ويحلون مشاكلهم بمقدرتهم وهذا ما يمنع ان اشاركهم مشاكلهم بس اخليهم يعبرون عن حالتهم
ومن ناحيه ثانيه اكيد اذا احتاج الموضوع تدخلي اتدخل ليش لا هذي مصلحة عيالي ولازم مايمر الموضوع الا اذا كنت فاهمته عدل منو الغلطان ولدي او الولد الثاني بس احب الامور تنتهي بطيب خاطر ونطلع الطرفين راضين وطبعا مثل الحال عند كل الناس العيال طبعهم واحد يا طاقين يا منطقين فتوقعي انتي ان مثل ما انتي في يوم تعصبين وتنرفزين ان واحد من عيالج طقوه بالمدرسه انج بتنحطين بالموقف هذا ان ولية امر تشتكي على ولدج انه طاق ولدها لازم الامهات يكبرون عقلهم ويفكرون بمصلحة العيال
انتي خلي عيالج يواجهون مشكلاتهم بنفسهم وقويهم باشياء بسيطه مايمنع انج تخلينه يرجع شغله ما عجبته من المحل الفلاني
خليه مره يطلبلكم من مطعم
وجذي
هالشغلات البسيطه تقوي شخصية العيال ومايفكرون ان امهم مو محسستهم بالامان بالعكس يقدرون ياخذون قراراتهم بنفسهم وبشكل صائب ان شاء الله ال تربيتهم صعبه اسال الله
العيال تربيتهم صعبه اسال الله ان يهدينا لتربيتهم التربيه الصحيحه ويعينا على تعليمهم الايمان ويصبرنا على ذلك
وانا اشوف انه الام لها علاقه بشخصيه الياهل 50% والباقي يعتمد على المجتمع وعلى نفسيه الياهل نفسها
يعني انا لما كنت صغيره امي مدلعتني واااااااايد وما عمرها اضربتني او صرخت علي قدام الناس..بـــــــــــس في نفس الوقت انا حياويه بشكل مو طبيعي ..يعني ماحد يسمع صوتي الا بس اهلي الي في البيت..وضليت جذيه لين وصلت الثنوي
وناس اشوفهم يلعبون في عيالهم لعب من كثر الضرب ولصراخ واخر شي يطلع الياهل يعتمد عليه في كل شي وشخصيته او شخصيتها عن عشر ريايل
والحين انا مو عارفه شلون اتعامل مع بنتي ما ابيه ااتصير حياويه بزياااااااااااده
وعلى سالفه اني ادافع عن عيالي ..انا معاج لااااااااازم ادافع عنهم قلبي ما ايطاوعني اشوف بنتي تنضرب او تنظلم وانا ساكته..بس اذا تدخلت بسوالف يهال يصير شكلي غلــــــــــــــــــط
امي تقول لو تشوفين اليال يتذابحون اخذي بنتج بدوووووووووووووووون ما تزعلين ولا اتصرخين ولا اتهاوشين..اليهال بيتصالحون في دقيقه ويرجعون يلعبون مع بعض والامهات بيزعلون على بعض ليوم الديـــــــــــن
يعنى اذا هالنوعيه صادفتنى انا عن نفسى ما فينى احط نفسى قبالهاوعطيها لسان , للان موطبيعى ماعرف بس ممكن انى احاول اقولها هذيل يهال وصار فينى الموقف ان عيال تحرشوا بعيالى وكبار يعنى على 8 و 9 سنوات والامهات ولا يحركون ساكن لكن يوم كلمتهم بهدووووء اهم مثل الاخوان مايصير ان شاءا للله يصيرون زينين اطلعت الام لسان ودافع عن عيالها انهم مايسووون شى وعيالج غطانين ,,,,, فى داخلى ماودى اصير بموقف الضعيفه عشان عيالى لا يقولون امننا خوووافه ؟شنسوى بالله بالهوضع